प्रेरित 1:15 - पुर्वीय मगर

¹⁵ होसबेला विश्‍वास जाट्‍चकुङ मीघ्‍याङ पत्रुस टोङ्‍हा (होला भर्मीकुङ सङ्‍ख्‍या ओल माओल काट सय बीस जना लेया) र डेया,

प्रेरित 1:15 ပူးပေါင်းရင်းမြစ်များ

मत्ती 13:31

येशूये फेरी होखुरीककी अर्‌को उदाहरण याहार डेया, “स्‍वर्गौ राज्‍य काट राइगानौ छोयो ल्‍याक्‍च हो, होसकी काट जना भर्मीये आल्‍हार लहो य्‍हाङ रोप्‍डीया।

लुका 22:32

टर नाकुङ विश्‍वास माम्‍हाट्‍ख्‍यौ डेयार ङै नाकुङ लागी प्रार्थना जाट्‍न याम्‍हे। फेरी विश्‍वासाङ बलीयो छानार नाकै लहो डाजे भाइकोलाक र बलीयो खास्‍नी।”

युहन्‍ना 14:12

“साँच्‍ची न, ङा नाखुरीककी डेले, सुये ङाकी विश्‍वास जाट्‍ले, होचे ङै जाट्‍च काम र जाट्‍ले, र होसे डेनाङ बा-बाड्‍सो काम जाट्‍ले, हीजैडेनाङ ङा बोइलेठाङ नुङ्‍ङन ले।

युहन्‍ना 21:23

होटबाटै होसे चेला मासीले डेच कुरा येशूओ अरु चेलाको लेठाङ फैलडीसा। खासाङ येशूये होसे मासीले चहीँ माडेमन्‍या। टर “इडीक ङा मार्‍हाठर होसे जीवाम ङुख्‍यो डेच ङै मीमन जाट्‍नाङ र नाङ्‌की ही ट?” डेयार डेमन्‍या।

प्रेरित 10:23

पत्रुसै होखुरीककी इम भीत्री आर्‌घा र होखुरीक होसे नाबीक होला न बास ङुवा। पीउर्‍हाक लेखो पत्रुस र योप्‍पाङ लेच कुडीक जना विश्‍वासी डाजे-भाइको र होसे भर्मीकोखाटा नुङा।

प्रेरित 11:1

यहूदियाङ लेच प्रेरितको र अरु विश्‍वासी डाजे-भाइकै अन्‍यजातिकै र परमेश्‍वरौ बचन विश्‍वास जाट्‍लेसा डेम सेया।

प्रेरित 11:12

होटै पवित्र आत्‍मै ङाकी होखुरीक खाटा अप्‍ठ्‍यारो मामन्‍डीम नुङ्‍की डेया। होखुरीक छ जना विश्‍वासी डाजे-भाइको र ङाखाटा नुङा र कान कर्नेलियसौ इम भीत्री पर्‌या।

प्रेरित 11:26

होचे साउलकी डुपा र होसकी एन्‍टीओखीयाङ राका। होखुरीक काट वर्ष सम्‍म मण्‍डलीयुङ भर्मीकोखाटा सङ्‍गटी जाट्‍चै र वास्‍टै भर्मीकोलाक शिक्षा याहा। एन्‍टीओखीयाङ न पट्‍ट डेनाङ पहीला विश्‍वासी कोलाक ख्रीष्‍टीयान डेच हो।

प्रेरित 11:29

होटै याङ्‍च कुरा सेयार पट्‍ट न विश्‍वासीकै लाहा-लहे य्‍होक्‍ठर यहूदियाङ ङुच डाजे-भाइकुङ सहायटौ लागी भेटी याम्‍हकाच नीस्‍चय जाटा।

प्रेरित 12:17

पत्रुसै माच्‍याक्‍नी डेम मीहुटै इसारा जाटा र प्रभुये होसकी कुटजाट्‍न झ्‍यालखानालकीङ बाहीर छ्‍युका डेच पट्‍ट न घटनाको होखुरीककी सेटाका। होटै न्‍हुइङ होखुरीककी डेकी डेम “इसे खबर याकुब र अरु डाजे-भाइकोलाक सेटाक्‍की” डेयार होसे होटै अर्‌को न ठावाङ नुङा।

प्रेरित 14:2

टर विश्‍वास माजाट्‍च यहूदीकै चहीँ अन्‍यजातिकोलाक भड्‍कडीयार विश्‍वास जाट्‍च डाजे-भाइकुङ विरुद्धाङ होखुरीकुङ मीमन बीर्‌छ खास्‍न याहा।

प्रेरित 15:1

अनी कुडीक भर्मीकै यहूदिया लकीङ एन्‍टीओखीयाङ राहार विश्‍वासीकोलाक याङ्‍च शिक्षा पाहाक्‍की ठाला, “नाखुरीक मोशौ रीटीअनुसार खतना माजाटा डेनाङ च नाखुरीकुङ उद्धार छान्‍की माय्‍होक्‍ले।”

प्रेरित 15:3

अनी मण्‍डलीयुङ सदस्‍यकै होखुरीककी होटै बिदा याहा। होखुरीक फोनीके र सामरीया छान्‍चै नुङ्‍नाङ अन्‍यजातिकै प्रभुकी ग्रहण जाट्‍च पट्‍ट न कुरा होखुरीककी सेटाका। इसे खबर सेरखीङ होलुङ पट्‍ट विश्‍वासीको एकदम आनन्‍दित छाना।

प्रेरित 16:2

लुस्‍त्रा र आइकोनीयनुङ डाजे-भाइकै डेम्या तिमोथी चहीँ सेछ भर्मी लेया।

प्रेरित 16:40

होटै पावल र सीलास झ्‍यालखाना लकीङ ख्योव्‍हार होखुरीक लीडीयो इमाङ नुङा। होखुरीकै होला प्रभुकी विश्‍वास जाट्‍च डाजे-भाइकोखाटा भेटघाट जाटा र होखुरीककी उत्‍साह याहार होटै बिदा छानार व्‍हा।

प्रेरित 17:10

होटै विश्‍वासी डाजे-भाइकै तुरुन्‍तै होसे नाबीक न पावल र सीलासकी बेरीया सहराङ बीर्‌न्‍हका। जब होखुरीक होला टाहा टब यहूदीकुङ सभा ङुच इमाङ पर्‌या।

प्रेरित 17:14

तुरुन्‍तै डाजे-भाइकै पावलकी समुद्र पट्‍टी बीर्‌न्‍हका। टर सीलास र तिमोथी चहीँ होला बेरीयाङ न ङुवा।

प्रेरित 17:6

टर पावल र सीलासकी होला माडुपा, होटै होखुरीकै यासोन र कुडीक जना विश्‍वास जाट्‍च डाजे-भाइकोलाक सहरुङ शासकको लेठाङ आर्‌ढुस्‍चै राका र च्‍याक्‍चै डेया, “संसार भरी उलट-पुलट जाट्‍च इसे भर्मीको इला र टार्‍हामने!

प्रेरित 18:18

पावल वास्‍टै डीन सम्‍म विश्‍वासी डाजे-भाइकोखाटा कोरिन्‍थी सहराङ ङुवा। होस न्‍हुइङ डाजे-भाइकोखाटा बिदा छानार होसे प्रिस्‍किला र अकीलासखाटा कीङ्‍कीरीया डेच सहराङ नुङा। हीर समय अगाडी जाट्‍च भाकल पुरा जाट्कीयो लागी सीरीया नुङ्‍की जहाजाङ काल्‍खी डेनाङ अगाडी पावलै लहो मीछाम हुला।

प्रेरित 18:27

अपोल्‍लसै अखैया इलाकाङ नुङ्‍की मीमन जाटा र डाजे-भाइकै होसकी नुङ्‍की उत्‍साह याहा। अपोल्‍लोसकी सेम्‍ह स्‍वागट जाट्‍की डेम होलुङ विश्‍वासीकोलाक उत्‍साह याहार चीठी रीका। अनी होचे अखैयाङ टार्‍हखीङ परमेश्‍वरौ अनुग्रह लकीङ विश्‍वास जाट्‍च विश्‍वासीकोलाक साप्‍फी सहायटा जाटा।

प्रेरित 21:17

जब कान यरूशलेमाङ टाराहा, टब होलुङ डाजे-भाइकै कानकी मार्‍हाङ्‍ङ-मार्‍हाङ्‍ङ स्‍वागट जाटा।

प्रेरित 21:20

इसे कुरा सेयार होखुरीकै परमेश्‍वरौ महीमा जाटा। टब होखुरीकै पावलकी डेया, “ङोस्‍नी भाइ, यहूदीकुङ मीघ्‍याङ विश्‍वास जाट्‍चको हजारौ ले, र मोशौ व्‍यवस्‍थुङ कुराङ र होखुरीक पट्‍टकै कडा खाटा मन्‍डीमने।

प्रेरित 21:7

टुरोसलकीङ जहाजाङ काल्‍हार कान टोलेमाइसाङ टाराहा। होटै होलुङ विश्‍वासी डाजे-भाइकोखाटा भेटघाट जाटार होखुरीक खाटा होला कायाक ङुवा।

प्रेरित 22:5

र इसे बारेयाङ प्रधान पुजाहारी र पट्‍ट न महासभै र ङौ पक्षाङ गबाही याल्‍हे। होखुरीकै न ङाकी दमस्‍कसाङ लेच यहूदी डाजे-भाइकुङ म्‍यार्‌मीनाङ पुर्‌जीको याहा, र होला लेच विश्‍वासीकोलाक छ्‍याकार यरूशलेमाङ राक्‍ङ सजाय याखी डेम ङा दमस्‍कसाङ नुङ्‍ङन लेया।

प्रेरित 28:14

होला कानै विश्‍वासी डाजे-भाइकोलाक डुपा र होखुरीकै कानकी साट डीन सम्‍म होखुरीक खाटा न ङुकी बिन्‍ती जाटा। इटजाट्‍न कान रोमाङ टाराहा।