प्रेरित 1:13 - पुर्वीय मगर

¹³ अनी होखुरीक यरूशलेम टार्‍हखीङ लाहा ङुचै जाट्‍च इमौ ढेम्‍च टलौ कोठाङ पर्‌या। होखुरीक पत्रुस, युहन्‍ना, याकुब, अन्‍द्रियास, फीलीप र थोमा, बारथोलोमाइ र मत्ती, अल्‍फयसौ मीजा याकुब र देशभक्‍त दलुङ सीमोन र याकुबौ मीजा यहूदा लेया।

प्रेरित 1:13 ပူးပေါင်းရင်းမြစ်များ

मत्ती 9:9

होटै येशू नुङ्‍चै जाट्‍नाङ मत्ती डेच काट जना भर्मीकी कर सोट्‍च अड्‍डाङ ङुमङुच डाङा र होसकी डेया, “ङाकी डुट्‍नी।” अनी होसे सोवार होसकोकी डुटा।

मर्कूस 14:15

अनी होचे नाखुरीककी काट सजडीयार तयार खास्‍च ढेम्‍च टलुङ बाड्‍को कोठा टान्‍हाक्‍ले र होला न नाखुरीकै काल्‍हौ लागी भोज तयार जाट्‍की।”

मर्कूस 14:33

अनी होसकै पत्रुस, याकुब र युहन्‍नाकी लाहाखाटा न आल्‍हा। होसकुङ मीमन पीडै सार्‍है छट्‍पडीस्‍की ठाला।

मर्कूस 2:14

होटै नुङ्‍चै जाट्‍नाङ होसकै अल्‍फायासौ मीजा लेवीकी कर सोट्‍च ठावाङ ङुमङुच डाङा र येशूये होसकी डेया, “ङाकी डुट्‍नी।” होटै होसे सोवा र येशूकी डुटा।

मर्कूस 5:37

अनी होसकै पत्रुस, याकुब र होच्‍यौ भाइ युहन्‍नाकी बाहेक अरु सुकीर लाहा खाटा राखी माय्‍हा।

मर्कूस 9:2

होच्‍यौ छ डीन न्‍हुइङ येशूये पत्रुस, याकुब र युहन्‍नाकी लार काट घाङ्च डाडाङ नुङा। होला होखुरीक मट्‍टै लेया। होखुरीकुङ म्‍याहासाङ न येशूओ रुप फेरीसा।

लुका 22:12

होटै नाखुरीककी होचे ढेम्‍च टलाङ सीङारीच बाड्‍को कोठा टान्‍हाक्‍ले। होला न टयार जाट्‍नी।”

युहन्‍ना 11:16

डीडुमस डेच ठोमै अरु चेलाकोलाक डेया, “लु काल्‍हाको र गुरुज्‍यु खाटा न नुइङ, र सीकी पर्‌नाङ र होसको खाटा न सीइङ।”

युहन्‍ना 14:22

यहूदास इस्‍करीयोट चहीँ होइन, टर अर्‌को न यहूदा डेच चेलै येशूकी डेया, “ए प्रभु, हीजै नाको लाहाकी कानलेठाङ मट्‍टै डाङ्‍ले, टर संसार लेठाङ चहीँ होइन डेले?”

युहन्‍ना 18:17

पत्रुस भीत्री नुङ्‍चै जाट्‍नाङ होसे मास्‍टो जजै होसकी गीना, “ही नाको र होसे भर्मीयो चेलाको मढ्‍य काट होइन र?” पत्रुसै डेया, “ङा होइन।”

युहन्‍ना 21:2

सीमोन पत्रुस, डीडुमस डेच थोमा, गालीलुङ काना नगरुङ नथानेल, जब्‍दियौ नीस लेन्‍जा मीजाको र होसकुङ चेलाको मढ्‍याङ अरु नीस जना चेलाको काठोव्‍हाङ भेला छानन्‍या।

प्रेरित 12:17

पत्रुसै माच्‍याक्‍नी डेम मीहुटै इसारा जाटा र प्रभुये होसकी कुटजाट्‍न झ्‍यालखानालकीङ बाहीर छ्‍युका डेच पट्‍ट न घटनाको होखुरीककी सेटाका। होटै न्‍हुइङ होखुरीककी डेकी डेम “इसे खबर याकुब र अरु डाजे-भाइकोलाक सेटाक्‍की” डेयार होसे होटै अर्‌को न ठावाङ नुङा।

प्रेरित 15:13

होटै होखुरीक ङाक्‍ङ भ्‍यारखीङ याकुबै डेया, “ए डाजे-भाइको, ङौ कुरा सेनी,

प्रेरित 2:14

टर पत्रुसै एघार जना प्रेरितको खाटा खडा छानार बाड्‍को सोरै होसे भर्मीकोलाक डेया, “ए यहूदीयुङ भर्मीको र यरूशलेमुङ पट्‍ट न बासीन्‍डाको, नाखुरीकै इसे कुरा वार्‌न्‍ही र ङौ कुरा सेनी।

प्रेरित 2:38

टब पत्रुसै होखुरीककी डेया, “नाखुरीक पट्‍टकै जाट्‍च पापौ क्षमा डुप्‍कीयो लागी लाहा-लहे जाट्‍च पापको डासार परमेश्‍वर पट्‍टी ल्‍हेस्‍नी, अनी येशू मुक्‍ति याछ ख्रीष्‍टौ म्‍यार्‌मीनाङ नाखुरीक पट्‍टकै बप्‍तिस्‍मा लानी। होस न्‍हुइङ नाखुरीकै परमेश्‍वरौ वरदान पवित्र आत्‍मा डुप्‍ले।

प्रेरित 20:8

कान भेला छान्‍च ढेम्‍च टलौ कोठाङ वास्‍टै बट्‍टीको ढाक्‍ङ डाम्‍या।

प्रेरित 4:13

जब होखुरीकै पत्रुस र युहन्‍नौ साहास डाङार होखुरीक अचम्‍म मन्‍डीया हीजैडेनाङ होखुरीक मापरेस्‍च साढारन भर्मीको लेसा र इखुरीक येशू खाटा र ङुमन्‍या डेम होखुरीकै थाहा डीन्‍हा।

प्रेरित 4:19

टर पत्रुस र युहन्‍नै होखुरीककी जबाफ याहा, “नाखुरीकै डेच कुरा मन्‍डीकी की परमेश्‍वरै डेच कुरा मन्‍डीकी, परमेश्‍वरौ म्‍याहासाङ कुसे चहीँ ठीक ले? नाखुरीक न बीचार जाट्‍नी।

याकुब 1:1

परमेश्‍वर र प्रभु येशू ख्रीष्‍टौ सेवक ङा याकुब लकीङ संसारुङ ठाउँ-ठावाँङ छरपस्‍ट छानार ङुच परमेश्‍वरकी विश्‍वास जाट्‍च पट्‍ट न विश्‍वासीकोलाक ङा इसे चीठी रीक्‍ङन ले। नाखुरीक पट्‍टकी ङा झोर्‌ले!

२ युहन्‍ना 1:1

ङा मण्‍डलीयुङ अगुवै परमेश्‍वर लकीङ चुन्‍डीच मास्‍टो भर्मी र होच्‍यो मीजाकोलाक, इसे चीठी रीक्‍ङन ले। ङा नाखुरीककी साँचो रुपाङ प्रेम जाट्‍ले। ङै मट्‍टै होइन टर सत्‍यकी चीन्‍डीचको पट्‍टकै नाखुरीककी प्रेम जाट्‍ले।

यहुडा 1:1

ङा येशू ख्रीष्‍टौ डास र याकुबौ भाइ यहूदा लकीङ। परमेश्‍वर बोये चुन्‍डीयार प्रेम जाट्‍च, र येशू ख्रीष्‍टौ लागी सुरक्षा याछ नाखुरीक पट्‍टकी ङा इसे चीठी रीक्‍ङन ले।