प्रेरित 1:11 - पुर्वीय मगर

¹¹ होखुरीकै डेया, “ए गालीलुङ भर्मीको, नाखुरीक हीजै सर्‌घालाक ङोस्‍चै टोङ्‍ह ङुच? कुटजाट्‍न चाहाँ येशू नाखुरीकुङ मीघीङ स्‍वर्गाङ गाराङ्‍ङ आल्‍छ डाङा, होटजाट्‍न न होसको फेरी राल्‍हे।”

प्रेरित 1:11 ပူးပေါင်းရင်းမြစ်များ

मत्ती 16:27

हीजैडेनाङ भर्मीयो मीजा लहो बोयो महीमाङ लहो स्‍वर्गदूतको खाटा राल्‍हे, अनी होडीक बेला होसकै काट-काट भर्मीकी होचे जाट्‍च काम अनुसार जाट्‍ले।

मत्ती 16:28

साँच्‍ची न, ङा नाखुरीककी डेले, इला टोङ्‍छको मध्‍याङ कुडीक जनै भर्मीयो मीजाकी लहो राज्‍याङ राम्‍हन लेच माडाङ्‍ठर मासीले।”

मत्ती 24:30

“होडीक बेला ङा भर्मीयो मीजौ चीन्‍ह सर्‌घाङ डाङ्‍ले र पृथ्‍वीयुङ पट्‍ट न जाटीकै विलाप जाट्‍ले। अनी होखुरीकै भर्मीयो मीजाकी सर्‌घुङ डेबुवाङ शक्‍ति र बाड्‍को महीमाङ राम्‍हन लेच डाङ्‍ले।

मत्ती 25:31

“जब भर्मीयो मीजा होसकुङ पट्‍ट न स्‍वर्गदूतखाटा लहो महीमाङ राल्‍हे, टब होसको लहो महीमामय सिंहासनाङ ङुले।

मर्कूस 13:26

अनी होसबेला भर्मीकै भर्मीयो मीजाकी शक्‍ति र महीमा खाटा डेबुवाङ राम्‍हन लेच डाङ्‍ले।

मर्कूस 14:70

टर पत्रुसै फेरी माचीन्‍डीले डेयार इन्‍कार जाटा। टर काटछीन न्‍हुइङ वार्‌लाक पार्‌लाक टोङ्‍छ भर्मीकै फेरी पत्रुसकी डेया, “पक्‍कै, नाको होखुरीक मध्‍युङ काट हो, हीजैडेनाङ नाको गालीली हो।”

मर्कूस 16:19

टब प्रभु येशू चेलाकोखाटा ङाक्‍ङ भ्‍यारखीङ होसको स्‍वर्गाङ गाराङ्‍ङ आल्‍हा, अनी परमेश्‍वरौ डोर मीहुट पट्‍टी ङुवा।

लुका 21:27

होटै भर्मीयो मीजाकी बाड्‍को शक्‍ति र महीमा खाटा डेबुवाङ राछै जाट्‍च होखुरीकै डाङ्‍ले।

लुका 24:5

होटै मास्‍टोको बीर्‍हीयार झाङ ङोसार घुकुरुक छाना। टर होसे नीस जना भर्मीये इट डेया, “नाखुरीक जीउँडै भर्मीकी सीचकुङ मीघ्‍याङ हीजै पाले?

युहन्‍ना 14:3

ङा नुङार नाखुरीकुङ लागी ठाउँ टयार खासार ङा फेरी ल्‍हेसार राल्‍हे र नाखुरीककी ङा लेच ठावाङ आल्‍ल्‍हे, होटै नाखुरीक र ङा खाटा न छान्‍ने।

प्रेरित 1:2

लहे भाक्‍च प्रेरितकोलाक येशूये पवित्र आत्‍मा लकीङ आज्ञा याम्‍ह भ्‍यारखीङ होसको स्‍वर्गाङ गाराङ्‍ङ आल्‍छ डीनसम्‍म पट्‍ट न कुरा होसे कीताबाङ रीक्‍ङने।

प्रेरित 1:9

येशूये इसे कुरा डेम भ्‍यारखीङ होखुरीकै ङोस्‍नाङ-ङोस्‍नाङ न होसकोकी ढेम्‍लाक गाराङ्‍ङ आल्‍हा र डेबुवाङ होसको होखुरीकुङ मीमीकीङ म्‍हाटा।

प्रेरित 13:31

होसको खाटा गालील लकीङ यरूशलेमाङ राछकै होसकोकी वास्‍टै याक सम्‍म डाङ्‌ङ ङुवा। होखुरीक न चाहाँ इस्राएलुङ भर्मीकुङ म्‍याहासाङ होसकुङ साक्षीको हो।

प्रेरित 2:7

होखुरीक सार्‍है न अचम्‍म मन्‍डीचै डेया, “ही इसे ङाक्‍चको च पट्‍ट न गालीलीको माहाले र?

प्रेरित 3:12

अनी पत्रुसै होखुरीककी ङोसार डेया, “ए इस्राएलुङ भर्मीको, इसे कुराङ नाखुरीक हीजै अचम्‍म मन्‍डीचै ङोस्‍च? ही कानै लहो शक्‍ति र भक्‍टीये इसकी व्‍हाकी य्‍होक्‍च खास्‍च हो र?

प्रेरित 3:21

टर परमेश्‍वरै खायाक लकीङ लहो पवित्र अगमवक्‍ताकुङ मेङेरीङ ङाक्‍च पट्‍ट न कुराको नयाँ खास्‍च समय मार्‍हाठर येशू स्‍वर्गाङ न ङुकी पर्‌ले।

१ ठेसलोनीकी 1:10

होखुरीकै डेया नाखुरीक परमेश्‍वरौ मीजा येशू स्‍वर्ग लकीङ राल्‍हे डेयार लेन्‍न ङुमने। होसको परमेश्‍वरै सीच लकीङ जीवाटाक्‍च येशू हो। कान मीटाक राखी पाच परमेश्‍वरौ मीरीस लकीङ जीवाटाक्‍च र होसको न हो।

१ ठेसलोनीकी 4:16

हीजैडेनाङ होसनीक प्रभु सोयम मेखोला न आग्‍यौ बाड्‍को सोर खाटा, प्रधान स्‍वर्गदूतौ सोर र परमेश्‍वरौ टुरही म्‍हुट्‍च बेलाङ प्रभु स्‍वर्ग लकीङ राल्‍हे र होडीक न बेला ख्रीष्‍टकी विश्‍वास जाटार सीचको पट्‍ट डेनाङ पहीला जीवाम सोले।