9 ङाकी डुप्की य्होक्ठर छीटो रान्ही।
“सुयेर नाखुरीक मीटाक मुड्डा याहार न्यायाधीश लेठाङ आल्हा डेनाङ होसे खाटा लामाङ न खाट्नी। माखाटा डेनाङ च होचे नाकोकी न्यायाधीश लेठाङ टान्डीयार आल्हे, होटै नाकोकी न्यायाधीशै सीपाहीकी जीम्मा याल्हे। सीपाहीये नाकोकी आल्हार झ्याल खानाङ काम याल्हे।
नाको खाटा ङा भाच बेलुङ नाकुङ मीराप्डीकी आर्मीट्चै ङा आनन्दये न्हेप्की डीन्हीङ डेयार नाकोकी डुप्च बाड्को इच्छा जाट्नने।
जुङ्छ महीना मालक्डीस्न न छीटो राछ कोसीस जाट्नी। युबुलस, पुडेस, लीनस, क्लौडीया र इला लेच पट्ट न विश्वासी डाजेभाइको र डै बहीनीकै नाकोकी झोर्ले डेमकामने।
जब अर्तीमास वा टुखीकसकी ङा नाको लेठाङ बीर्न्हकाले, टब नाको ङाकी डुप्की नीकोपोलीसाङ कुटजाट्न र रान्ही। हीजैडेनाङ हीउँडभरी ङै होला न ङुच मीमन जाट्न ने।
