२ टीमोठी 4:8 - पुर्वीय मगर

⁸ अब ङौ लागी धार्मिकतौ मुकुट डामने, होसे चहीँ धार्मिकतौ ठीकखाटा न्‍याय जाट्‍च प्रभुये न होसको राछ नीक ङाकी याल्‍हे। ङाकी मट्‍टै होइन, होसको फेरी राछ लाम ङोस्‍च पट्‌टकोलाक न याल्‍हे।

२ टीमोठी 4:8 ပူးပေါင်းရင်းမြစ်များ

मत्ती 24:36

“टर परमेश्‍वर बोइकी बाहेक होसे डीन र घडी सेन राल्‍हे डेयार सुकीर थाहा माले। न ट स्‍वर्गुङ स्‍वर्गदूतकोलाक, न ट मीजाकी।

मत्ती 7:22

न्‍यायौ डीनाङ ङाकी वास्‍टै जनै डेले, ‘प्रभु, ए प्रभु, ही कानै नाकुङ म्‍यार्‌मीनाङ अगमवाणी माङाका र? नाकुङ म्‍यार्‌मीनाङ भूतको माखेट्‍डीया र? कानै नाकुङ म्‍यार्‌मीनाङ वास्‍टै अचम्‍मौ कामको माजाटा र?’

लुका 10:12

ङा नाखुरीककी डेले, न्‍यायौ डीनाङ होसे सहरौ भर्मीकुङ हालट डेनाङ च पापै न्‍हेप्‍च सदोम सहरुङ भर्मीकुङ हालट सहडीकी य्‍होक्‍च छान्‍ले।

१ ठेसलोनीकी 1:10

होखुरीकै डेया नाखुरीक परमेश्‍वरौ मीजा येशू स्‍वर्ग लकीङ राल्‍हे डेयार लेन्‍न ङुमने। होसको परमेश्‍वरै सीच लकीङ जीवाटाक्‍च येशू हो। कान मीटाक राखी पाच परमेश्‍वरौ मीरीस लकीङ जीवाटाक्‍च र होसको न हो।

१ ठेसलोनीकी 5:4

टर ङौ डाजेभाइको र डै बहीनीको, नाखुरीक छुम्‍ठाङ माले। होटबाटै प्रभु राछ डीनाङ खुस मोसोमायाङ रान्‍हाङ लेखा न रान्‍हाङ नाखुरीकै चहीँ अचम्‍म मन्‍डीकी मापर्‌ले।

२ ठेसलोनीकी 2:8

होटै होसे व्‍यवस्‍था भङ्‍ग जाट्‍च भर्मी डाङ्‍ले। प्रभु येशू रान्‍हाङ होसकुङ ज्‍योटीयो शक्‍तिये होसकुङ मेङ्‍गेरुङ सासै होसकी नास जाट्‍ले।

१ टीमोठी 6:19

इट जाट्‍नाङ होखुरीकै पीहीन राछ लहो जीवनाङ काम लग्‍डीस्‍च धन सम्‍पत्ति जगौ रुपाङ जम्‍मा जाट्‍ख्‍यौ, अनी होखुरीकै साँचो जीवन डुप्‍की य्‍होक्‍ले।

२ टीमोठी 1:10

अनी होसे अनुग्रह चाहा कानकी मुक्‍ति याछ ख्रीष्‍ट येशू राहार टान्‍हाक्‍ङने। होसकै मृत्‍युओ शक्‍तिकी नास जाटा र सेछ समाचार लकीङ सेन्‍र मासीच जीवन टान्‍हाका।

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

२ टीमोठी 1:18

मुक्‍ति याछ ख्रीष्‍ट राछ डीनाङ प्रभुलकीङ होचे कृपा डुप्‍की अट य्‍होकै। नाकोकी ठाहा न ले, एफीससाङ लेनाङ र होचे ङाकी वास्‍टै कुराङ सघडीमन्‍या।

२ टीमोठी 2:5

खेलकुडाङ भाग लाच खेलाडीये होलुङ नीयमको मामन्‍डीठर होचे पुरस्कार जुकी माय्‍होक्‍ले।

२ टीमोठी 4:1

परमेश्‍वरौ म्‍याहासाङ र जीउँडो र सीचकुङ न्‍याय जाट्‍की राछ ख्रीष्‍ट येशूओ म्‍याहासाङ, अनी होसको राहार राज्‍य जाट्‍ले डेच कुराकी जोड याहार ङा नाकोकी कडा आज्ञा याल्‍हे,

टीटस 2:13

होटजाट्‍न न कानै आशा डाच कुरा पुरा छान्‍च डीनौ लाम ङोस्‍ले। होसे डीनाङ कानुङ महान परमेश्‍वर र कानकी मुक्‍ति याछ येशू ख्रीष्‍टौ बाड्‍को महीमा डाङ्‍ले।

याकुब 1:12

जाँच छान्‍च बेलाङ सहडीयार स्‍थिर ङुच भर्मी आसीस डुप्‍च हो। हीजैडेनाङ परमेश्‍वरै मेखोल्‍हाकी प्रेम जाट्‍चकोलाक याल्‍हे डेयार प्रतिज्ञा जाट्‍च जीवनौ मुकुट डुप्‍ले।

१ पट्‍रुस 1:4

स्‍वर्गाङ परमेश्‍वर बोये सेन्‍र माघेरेल्‍च, सेन्‍र माबीगारीस्‍च र सेन्‍र माओइलडीस्‍च आसीस नाखुरीकुङ लागी टयार जाटार डाम याम्‍हने।

१ पट्‍रुस 5:4

अनी जब मुख्‍य गोठ्‍ला राल्‍हे, टब नाखुरीकै सेन्‍र माओइलडीस्‍च सधैँभरी चम्‍कडीस्‍न ङुच महीमौ मुकुट डुप्‍ले।