२ टीमोठी 3:17 - पुर्वीय मगर

¹⁷ परमेश्‍वरौ भर्मीकै पट्‍ट न सेछ कामको जाट्‍की य्‍होक्‍च अटछानै डेम न धर्मशास्‍त्र याछ हो।

२ टीमोठी 3:17 ပူးပေါင်းရင်းမြစ်များ

प्रेरित 9:36

योप्‍पा सहराङ टबीटा म्‍यार्‌मीनुङ काट जना प्रभुवाङ विश्‍वास जाट्‍च मास्‍टो भर्मी लेया। ग्रीक भासाङ होसकी (डोरकास डेले र होच्‍यौ अर्थ चहीँ हरीनी हो।) होसे सधैँ सेछ कामाङ र गरीबकोलाक सहायटा जाट्‍कीयाङ लग्‍डीस्‍न ङुम्‍या।

१ टीमोठी 6:11

टर तिमोथी, नाको परमेश्‍वरौ भर्मी छान्‍च बाटै, इसे मास्‍च कुराकोलकीङ लोस ङुनी। अनी नाकै परमेश्‍वरौ म्‍याहासाङ ठीक ठहरीस्‍च कुरा, भक्‍ति, विश्‍वास, माया, सहडीकी र नरम छान्‍च कुराकोवाङ लहो मीमन लैडीकी।

२ टीमोठी 2:21

इडीक पट्‍ट कीसीमुङ खराब कुराकोलकीङ शुद्ध छान्‍च भर्मी ले डेनाङ होसे बाड्‍को इजटौ भाँडा लेखा न छान्‍ले हीजैडेनाङ होचे लाहाकी चोखो डार मालीकौ लागी पट्‍ट सेछ कामौ लागी टयार छान्‍ले।

टीटस 1:16

होखुरीकै परमेश्‍वरकी चीन्‍डीले डेम डाबी च जाट्‍ले, टर होखुरीकुङ कामलकीङ चहीँ परमेश्‍वरकी इन्‍कार जाट्‍च टान्‍हाक्‍ले। होखुरीक झीर्‌न सेच, अटेरीको ले र कुसेर असल काम जाट्‍की ज्‍योस्‍च माले।

टीटस 2:14

येशू ख्रीष्‍टै लहो जीवन वलिदान याहार कानकी पट्‍ट न खाल्‍या पापलकीङ छुट्कारा याहा। अनी होसकै कानकी पवित्र खास्‍कीयो लागी लहो जाटी खासा र सेछ काम जाट्‌की जोसीलो पार्‌या।

टीटस 3:1

सरकार र सरकारी अधिकारी भर्मीकुङ अढीनाङ ङुकी र डेच मन्‍डीकी डेयार होलुङ विश्‍वासीकोलाक आर्‌मीटाक्‍ङ यान्‍ही। होखुरीक पट्‍ट न सेछ काम जाट्‍कीयो लागी सधैँ टयार छान्‍न ङुख्‍यौ।