२ टीमोठी 2:24 - पुर्वीय मगर

²⁴ प्रभुओ सेवा जाट्चकै झगडा जाट्‍की माछान्‍ले। होसे पट्‍ट खाटा खाट्‍च छान्‍की पर्‌ले अनी सेम्‍ह पाहाक्‍की य्‍होक्‍च र पट्‍ट न कुरा सहडीकी य्‍होक्‍च छान्‍की पर्‌ले।

२ टीमोठी 2:24 ပူးပေါင်းရင်းမြစ်များ

मत्ती 12:19

न होचे बहस जाट्‍ले, न ट बाड्‍को सोरै न च्‍याक्‍ले, होच्‍यो सोर गल्‍लीकोवाङ सुयेर मासेले।

युहन्‍ना 6:52

टब यहूदीको मेखुरीक-मेखुरीक बहस जाट्‍चै डेकी ठाला, “इसे भर्मीये कुटजाट्‍न कानकी मेन डेह ज्‍याकी याखी य्‍होक्‍ले?”

प्रेरित 15:2

टब पावल र बारनाबासौ होखुरीक खाटा बीचारको माखाटा र वाद-विवाद छान्‍रखीङ होलुङ भाइकै पावल, बारनाबास र अरु कुडीक जनाकी इसे परस्‍नओ फैसलौ लागी प्रेरितको र अगुवाको लेठाङ यरूशलेम नुङ्‍की डेम भाका।

प्रेरित 23:9

होचे जाट्‍न महासभाङ बाड्‍को हल्‍ला छाना। फरीसी समुहुङ कोइ-कोइ धर्मगुरु खडा छानार इट डेचै विरोध जाटा, “इसे भर्मीयाङ कानै हीर खराबी माडुप्‍ने। इडीक आत्‍मा वा स्‍वर्गदूतै इसकोकी इट डेच हो डेनाङ ही ट?”

प्रेरित 7:26

होटै पीउर्‍हाक लेखो नीस जना इस्राएलीको न झगडा जाट्‍चै जाट्‍च मोशै डाङा र होखुरीककी खाटाक्‍की पाचै डेया, ‘सेनी, नाखुरीक च लहो डाजेभाइ हो, हीजै इटजाट्‍न लाहा-लाहाङ पुन्‍छ?’

१ ठेसलोनीकी 2:7

टर लहो मीजाकोलाक दुध कास्‍च काट मोइ लेखा न नाखुरीकुङ मीघ्‍याङ कान नम्र छाना।

१ टीमोठी 6:11

टर तिमोथी, नाको परमेश्‍वरौ भर्मी छान्‍च बाटै, इसे मास्‍च कुराकोलकीङ लोस ङुनी। अनी नाकै परमेश्‍वरौ म्‍याहासाङ ठीक ठहरीस्‍च कुरा, भक्‍ति, विश्‍वास, माया, सहडीकी र नरम छान्‍च कुराकोवाङ लहो मीमन लैडीकी।

टीटस 1:1

ङा पावल परमेश्‍वरौ डास र येशू ख्रीष्‍टौ प्रेरितै इसे चीठी रीक्‍ङन ले। परमेश्‍वरकी मन पर्च जीवन जीवाख्‍यौ डेयार परमेश्‍वर लहे न भाक्‍चकोलाक विश्‍वास र सत्‍यौ ज्ञान बड्‌डीसाक्‍ङ याखी ङाकी बीर्‌न्‍हकाच हो।

टीटस 1:7

हीजैडेनाङ परमेश्‍वरौ काम जाट्‍की पर्‌चबाटै मण्डलीयुङ अगुवा चहीँ हीर दोष मालेच छान्‍की पर्‌ले, घमण्ड माजाट्‍च, छीटो मीरीस माख्‍योछ, माम्‍होर्‌च, सु खाटा र मापुन्‍छ, र खराब काम जाटार धन सम्‍पत्ती कमडीच छान्‍की माछान्‍ले।

टीटस 1:9

लहे पाछ सत्‍य बचनाङ बलीयो छान्‍की पर्‌ले। अरुकी उत्‍साह याखी य्‍होक्‍च छान्‍की पर्‌ले। इटजाट्‍न होचे सत्‍य बचनौ शिक्षा लकीङ अरु भर्मीकोलाक उत्‍साह याखी य्‍होक्‍ख्‍यो र विरोधीकुङ गल्‍टी टान्‍हाक्‍की य्‍होक्‍च छान्‍ख्‍यो।

टीटस 3:2

होखुरीकै सुओ बारेयाङ र दुष्‍ट कुरा माङाक्‍ख्‍यौ र योन्‍की-पुन्‍खी र मापाख्‍यौ। पट्‍ट न भर्मीकोखाटा खाट्‍न ङुख्‍यौ र सेछ बानी बेहोरा मट्‍टै टान्‍हाक्‍ख्‍यौ।

याकुब 1:1

परमेश्‍वर र प्रभु येशू ख्रीष्‍टौ सेवक ङा याकुब लकीङ संसारुङ ठाउँ-ठावाँङ छरपस्‍ट छानार ङुच परमेश्‍वरकी विश्‍वास जाट्‍च पट्‍ट न विश्‍वासीकोलाक ङा इसे चीठी रीक्‍ङन ले। नाखुरीक पट्‍टकी ङा झोर्‌ले!

याकुब 3:17

टर ढेनाम स्‍वर्गलकीङ राछ बुद्धि चहीँ शुद्ध छान्‍ले, शान्‍ति याछ, सोझो र खाट्‍चजा छान्‍ले। याङ्‍च बुद्धि दयालु छान्‍ले, र सेछ कामौ मीस्‍या स्‍याटाक्‍ले। इसे पक्षपाती र कपटी माछान्‍ले।

याकुब 4:2

नाखुरीक लहे इच्‍छा जाट्‍च कुरा माडुप्‍नाङ लोभ जाटार भर्मी साट्‍ले। इट जाट्‍नाङ र नाखुरीक लहे इच्‍छा जाट्‍च कुराको डुप्‍की माय्‍होक्‍ले अनी लडाइँ र झगडा जाट्‍ले। हीजैडेनाङ परमेश्‍वर खाटा माङेछ बाटै नाखुरीकै इच्‍छा जाट्‍च कुरा माडुप्‍ले।

१ पट्‍रुस 3:8

ङा अन्‍टीमाङ डेले, नाखुरीक पट्‍टको काट न मीमनुङ र काटै काटौ मर्‌म बुझडीस्‍च छान्‍की पर्‌ले। डाजेभाइको र डै बहीनीकोलाक लेखा न काटै काटकी माया जाट्‍नी र काटै काटकी दया टान्‍हाक्‍नी र नम्‍र छान्‍नी।

यहुडा 1:3

ङौ विश्‍वासी डाजेभाइ र डै बहीनीको, काल्‍हा पट्‍टकै डुप्‍च मुक्‍तियो बारेयाङ नाखुरीककी रीक्‍की सार्‍है मीमन सेया, टर अब परमेश्‍वरै लहौ पवित्र भर्मीकोलाक काखेपाङ न सढैंभरीयो लागी याछ विश्‍वासकी सेम्‍ह जोगडीयार डाकी डेच बारेयाङ र नाखुरीककी उत्‍साह याहार रीक्‍की न पर्‌ले डेम ङाकी आवस्‍यक सेया।