२ टीमोठी 2:15 - पुर्वीय मगर

¹⁵ काराम सेकी मापर्‌च र सत्‍य बचनकी ठीकखाटा पाहाक्‍च कामदार लेखा न लहे लाहाकी परमेश्‍वरौ म्‍याहासाङ ग्रहणयोग्‍य खास्‍की कोसीस जाट्‍नी।

२ टीमोठी 2:15 ပူးပေါင်းရင်းမြစ်များ

मत्ती 13:52

येशूये फेरी डेया, “होटबाटै स्‍वर्गौ राज्‍यौ बारेयाङ शिक्षा डुप्‍च पट्‍ट न धर्मगुरुको चहीँ इमुङ काट जना मीमुरुङ ल्‍याक्‍च न हो। होचे लहो ढुकुटीलकीङ नयाँ र पुरानो मुल्‍यवान सामानको बाहीर डोन्‍ले।”

मर्कूस 4:33

भर्मीकै परमेश्‍वरौ बचन बुझडीस्‍की य्‍होक्‍ख्‍यौ डेम येशूये याङ्‍च न वास्‍टै उडारहनको डेया।

लुका 12:42

होखुरीककी प्रभुये इट डेया, “होसे विश्‍वासीलो र बुद्धिमानी भन्‍डार्‍या सु हो, होसकी न होच्‍यौ मालीकै लहो इमुङ पट्‍ट न कामको जीम्‍मा याल्‍हे र अरु नोकरकोलाक नीस्‍चीट समयाङ होखुरीकुङ भाकाङ पर्च ज्‍याच ठोक याखी डेम खटडीले।

प्रेरित 2:22

“इस्राएलुङ भर्मीको, इसे कुरा सेनी नासरतुङ येशूकी परमेश्‍वरै बीर्‌न्‍हकाच हो डेम होसकै जाट्‍च शक्‍तिशाली कामको र अचम्‍मौ चीन्‍हको लकीङ नाखुरीकुङ म्‍याहासाङ प्रमाणित जाट्‍ने। नाखुरीककी थाहा न ले परमेश्‍वरै नाखुरीकुङ मीघ्‍याङ इसे कामको होसको लकीङ जाट्‍च हो।

प्रेरित 20:27

हीजैडेनाङ परमेश्‍वरौ पट्‌ट न इच्‍छा नाखुरीककी डेकी ङा न्‍हुङ्‍लाक माहटडीसा।

१ ठेसलोनीकी 2:4

परमेश्‍वरै कानकी विश्‍वासयोग्‍य ठान्‍डीच बाटै न सेछ समाचार सेटाक्‍कीयो लागी जीम्‍मा याहा। होटबाटै भर्मीकोलाक खुसी पार्‌की होइन, टर कानुङ मीमन जाँच्‍डीच परमेश्‍वरकी खुसी पार्‌की कान प्रचार जाट्‍ले।

१ ठेसलोनीकी 5:14

डाजेभाइको र डै बहीनीको, कान नाखुरीककी बिन्‍ती जाट्‍ले अल्‍छीकोलाक काम जाट्‍की डेयार चेटावनी यान्‍ही। बीर्‍हीचकोलाक उत्‍साह यान्‍ही। कमजोरकोलाक सहायता जाट्‍नी र पट्‍टको खाटा सहनसील छानार ङुनी।

१ टीमोठी 4:6

इडीक नाकै इसे कुराको भाइ बहीनीकोलाक बुझडीम याहा डेनाङ, नाको विश्‍वास र सत्‍य बचनाङ होर्‌च र ठीक शिक्षा डुट्‍च ख्रीष्‍ट येशूओ सेछ सेवा जाट्‍च छान्‍ने।

याकुब 1:12

जाँच छान्‍च बेलाङ सहडीयार स्‍थिर ङुच भर्मी आसीस डुप्‍च हो। हीजैडेनाङ परमेश्‍वरै मेखोल्‍हाकी प्रेम जाट्‍चकोलाक याल्‍हे डेयार प्रतिज्ञा जाट्‍च जीवनौ मुकुट डुप्‍ले।

याकुब 1:18

कान सृष्‍टियो पहीला स्‍याच मीस्‍याको ल्‍याक्‍च छान्‍की य्‍होकीङ डेयार होसकै लहौ न इच्‍छै सत्‍य बचन लकीङ कानकी नयाँ जीवन याहा।

२ पट्‍रुस 1:10

होटबाटै विश्‍वासी डाजेभाइको र डै बहीनीको, परमेश्‍वरै नाखुरीककी आर्‌घाच र चुन्‍डीच कुराकी नीस्‍चीट जाट्‍कीयो लागी झन जोसीलो छान्‍नी। हीजैडेनाङ इसे कुराको जाटा डेनाङ, नाखुरीक सेन्‍र परमेश्‍वर लकीङ लोस माछान्‍ले।

२ पट्‍रुस 1:15

ङा सीम भ्‍याच न्‍हुइङ र इसे कुराको आर्‌मीट्‍की य्‍होक्‍नी डेयार ङा नाखुरीककी सधैँ य्‍होक्‍ठर बुझडीच कोसीस जाट्‍ले।

२ पट्‍रुस 3:14

होटबाटै ङौ विश्‍वासी डाजेभाइको र डै बहीनीको, नाखुरीक होसे डीनकी लेन्‍चको लेच बाटै परमेश्‍वरौ म्‍याहासाङ शुद्ध र निर्दोष छानार परमेश्‍वरखाटा शान्‍तियाङ ङुकी य्‍होक्‍ठर कोसीस जाट्‍नी।