२ टीमोठी 1:8 - पुर्वीय मगर

⁸ होटबाटै कानुङ प्रभुओ साक्षी याखी माकाराकी र ङा ख्रीष्‍टौ लागी झ्‍यालखानाङ पर्‌चबाटै र माकाराकी बरु नाङ र परमेश्‍वरौ शक्‍तियाङ सेछ समाचार सेटाक्‍की डुख सोटो।

२ टीमोठी 1:8 ပူးပေါင်းရင်းမြစ်များ

मर्कूस 8:38

इसे व्‍यभिचारी र पापी पुस्‍टाङ सु ङा र ङौ बचन खाटा काराले, भर्मीयो मीजा र लहो बोयो महीमाङ पवित्र स्‍वर्ग दूतकोखाटा रान्‍हाङ होसे खाटा काराले।”

लुका 9:26

टर सुर ङौ बचन लकीङ काराले डेनाङ भर्मीयो मीजा र लहो महीमाङ, र परमेश्‍वर बोयो होटै पवित्र दूतगनको महीमाङ रान्‍हाङ होसे खाटा काराले।

युहन्‍ना 15:27

अनी नाखुरीक सुरुलकीङ न ङाखाटा काठोवाङ लेचबाटै, नाखुरीक र ङौ साक्षी छान्‍ले।”

युहन्‍ना 19:35

(नाखुरीकै र विश्‍वास जाट्‍की य्‍होक्‍नी डेयार इसे घटनाको डाङ्‍चये डेच हो र होचे याछ गबाही सत्‍य ले।)

प्रेरित 5:41

प्रेरितको महासभालकीङ आनन्‍द मन्‍डीचै बाहीर ख्‍योहा, “परमेश्‍वरै कानकी येशूओ म्‍यार्‌मीनाङ डुख र अपमान सहडीकी य्‍होक्‍च खास्‍नने” डेयार होखुरीक आनन्‍द छाना।

१ ठेसलोनीकी 3:4

हीजैडेनाङ कानै नाखुरीकखाटा लेच बेलाङ अघीलकीङ न याङ्‍च कष्‍टको राल्‍हे। साँच्‍ची न होङ्‍च न छानार इसे कुरा नाखुरीककी ठाहा ले।

१ टीमोठी 2:6

पट्‍ट न भर्मीकुङ लागी छुटकारा याछ डामौ रुपाङ होसकै लाहाकी बली याहा। पट्‍ट न भर्मीको जीवाख्‍यौ डेच परमेश्‍वरौ मीमन हो, र इसे कुरौ प्रमाण ठीक समयाङ याहा।

२ टीमोठी 1:10

अनी होसे अनुग्रह चाहा कानकी मुक्‍ति याछ ख्रीष्‍ट येशू राहार टान्‍हाक्‍ङने। होसकै मृत्‍युओ शक्‍तिकी नास जाटा र सेछ समाचार लकीङ सेन्‍र मासीच जीवन टान्‍हाका।

२ टीमोठी 1:12

होटबाटै न ङा इसे कुराकुङ डुख भोक्‍डीमन ले। टर ङाकी काराम मासेले हीजैडेनाङ ङै सु मीटाक विश्‍वास डामने, होसे ङाकी ठाहा ले। परमेश्‍वरै ङाकी जीम्‍मा याछ कुराकी होसकै न ख्रीष्‍ट राछ डीन सम्‍मौ लागी जोगडीयार डाले। इसे कुराङ ङा ढुक्‍क ले।

२ टीमोठी 1:16

ओनेसीफरसौ परीवाराङ प्रभुये दया अट जाटै, हीजैडेनाङ होचे ङाकी वास्‍टै खेप हौसला याहा। अनी ङा झ्‍यालखानाङ लेनाङ र होसे ङाकी डुप्‍की राखी माकारा।

२ टीमोठी 2:3

ख्रीष्‍ट येशूओ असल सीपाही लेखा न नाकै र डुख सोट्‍नी।

२ टीमोठी 2:8

सीचलकीङ जीवाम सोच राजा दाउदौ सन्‍टान येशू ख्रीष्‍टकी आर्मीट्‍नी। ङै प्रचार जाट्‍च सेछ समाचार इसे न हो।

२ टीमोठी 2:9

होसे न सेछ समाचार सेटाक्‍च बाटै ङै डुख भोक्‍डीमन ले। होडीक मट्‍टै होइन, अपराढीकी लेखा न साङ्‍लीये छ्‍याकार ठुन्‍नने। टर परमेश्‍वरौ बचनकी च सेन्‍र साङ्‍लीये छ्‍याकार डाकी माय्‍होक्‍ले।

२ टीमोठी 4:17

टैपनी प्रभुये न ङाखाटा छानार ङाकी शक्‍ति याहा। होटबाटै ङै पट्‍ट न अन्‍यजाति भर्मीकोलाक परमेश्‍वरौ सेछ समाचार सेम्‍हजा सेटाक्‍की य्‍होका। इटजाट्‍न होसकै ङाकी सीङ्‍हौ मेङ्‍गेर लकीङ जोगडीया।

२ टीमोठी 4:5

टर नाको चहीँ पट्‍ट न कुराङ सचेट छान्‍नी, डुख सोट्‍नी, सेछ समाचार सेटाक्‍च काम जाट्‍नी र लहे सेवा जाट्‍की डुप्‍च काम पुरा जाट्‍नी।

१ पट्‍रुस 1:5

विश्‍वास जाट्‍च बाटै नाखुरीककी परमेश्‍वरौ शक्‍तिये जब सम्‍म मुक्‍ति माडुप्‍ले होडीक बेला सम्‍म जोगडीम डाले। होसे मुक्‍ति नाखुरीकुङ लागी टयार जाट्‍नने र समयौ अन्‍टीमाङ होसे डाङ्‍ले।

१ युहन्‍ना 4:14

परमेश्‍वर बोये लहो मीजाकी संसाराङ मुक्‍ति याखी बीर्‌न्‍हकाच कानै डाङा, र होच्‍यो न कान साक्षी याल्‍हे।

यहुडा 1:24

अब परमेश्‍वर बोइ मेखोलै न नाखुरीककी पापाङ पर्‌की लकीङ जीवाटाक्‍की य्‍होक्‍ले, र पाप न मालेच नीस्‍कलङ्‍क खासार अनी बाड्‍को आनन्‍द खाटा लहौ महीमौ अघी आल्‍खी य्‍होक्‍ले,