२ ठेसलोनीकी 2:3 - पुर्वीय मगर

³ टर नाखुरीककी सुयेर अनी कुसेर कीसीमै झुक्‍कडीकी माडीन्‍ख्‍यौ। हीजैडेनाङ पहीला परमेश्‍वरौ विरोधाङ बाड्‍को विद्रोह माछान्‍ठर सम्‍म र नास छान्‍की पर्च व्‍यवस्‍था भङ्‍ग जाट्‍च भर्मी मार्‍हाठर सम्‍म प्रभुओ डीन मार्‍हाले।

२ ठेसलोनीकी 2:3 ပူးပေါင်းရင်းမြစ်များ

युहन्‍ना 17:12

कुसे म्‍यार्‌मीन नाकै ङाकी याम्‍हन्‍या, ङा होखुरीक खाटा लेनाङ ङै होखुरीककी होसे न म्‍यार्‌मीनौ शक्‍तिये जोगडीयार डा। अनी नास छान्‍की पर्च भर्मी बाहेक ङै सुकीर नास छान्‍की माय्‍हा टर सुरक्‍छीट डा, होटबाटै धर्मशास्‍त्राङ रीक्‍च बचन पुरा छान्‍की न पर्च लेया।

१ युहन्‍ना 2:18

ङौ मार्‌जा बालखको, इसे अन्‍टीम समय हो। ख्रीष्‍टौ विरोधी राम्‍हन ले डेच कुरा नाखुरीकै सेमने। ख्रीष्‍टौ धेरै विरोधीको च अघी न राम्‍हने। होटबाटै इटै न कान वार्‌ल्‍हे, की इसे अन्‍टीम समय हो।

१ युहन्‍ना 4:3

येशू भर्मी छानार राछ हो डेच कुराकी सुइकार माजाट्‍च आत्‍माको चहीँ परमेश्‍वर लकीङ राछ होइन। होखुरीक चहीँ ख्रीष्‍टौ विरोधी आत्‍माको हो। होसे राल्‍हे डेच कुरा नाखुरीकै सेमने र होसे चाहाँ न इसे संसाराङ राम्‍हभ्‍यामने।