२ ठेसलोनीकी 2:2 - पुर्वीय मगर

² की कुसेर अगमबानी वा प्रचार वा कुसेर चीठीये प्रभु राम्‍ह भ्‍यामने डेम सेटाका डेनाङ, होसे कुरा कान लकीङ राछ औँला डेम आर्‌मीटार नाखुरीक माआटडीस्‍की न ट नाखुरीकुङ मीमन न बीचलीट छान्‍ख्‍यौ।

२ ठेसलोनीकी 2:2 ပူးပေါင်းရင်းမြစ်များ

मत्ती 24:24

हीजैडेनाङ याङ्‍च झुटो ख्रीष्‍टको र झुट्‍टा अगमवक्‍ताको राल्‍हे। होखुरीकै बाड्‍सो-बाड्‍सो चीन्‍ह र अचम्‍मौ कामको टान्‍हाकार य्‍होक्‍ठर परमेश्‍वरै चुन्‍डीचकोलाक र भड्‍कडीले।

मर्कूस 13:7

जब नाखुरीकै लडाइको छान्‍च र लडाइयो हल्‍लाको सेले, होसबेला माबीर्‍हीखी। याङ्‍च कुराको छान्‍की न पर्‌ले, टर अन्‍त्‍यौ डीन राखी चहीँ अझै बाँकी न ले।

लुका 21:19

सहडीयार ङुनी, होटजाट्‍न नाखुरीकै जीवन डुप्‍ले।

लुका 21:9

नाखुरीकै जब लडाइँ र झगडा छान्‍च कुराको सेले होडीक बेला माबीर्‍हीखी। हीजैडेनाङ पहीला इसे घटनाको छान्‍की न पर्‌ले। टर होडीक न बेला संसारौ अत्‍य चहीँ माछान्‍ले।”

युहन्‍ना 14:1

येशूये फेरी चेलाकोलाक डेया, “नाखुरीकुङ मीमन ब्‍याकुल माछान्‍ख्‍यौ। नाखुरीकै लहो भरोसा परमेश्‍वर मीटाक डानी र ङामीटाक र डानी।

युहन्‍ना 14:27

“ङा नाखुरीकखाटा शान्‍ति डास्‍न डार नुङ्‍ले। ङा ङाल्‍हौ शान्‍ति नाखुरीककी याल्‍हे। संसारै याछ ल्‍याक्‍च शान्‍ति होइन। नाखुरीकुङ मीमन ब्‍याकुल छान्‍की माय्‍हानी र माबीर्‍हीनी।

१ ठेसलोनीकी 3:3

होटबाटै होडीक बेलुङ कष्‍टकै जाट्‍नाङ सुयेर ख्रीष्‍टकी माडास्‍ख्‍यो डेच कानुङ इच्‍छा लेया। नाखुरीक लाहाकी न ठाहा ले, की इच्यौ लागी न कानकी बीर्‌न्‍हकाच हो।

१ ठेसलोनीकी 4:15

प्रभुओ बचन लकीङ कान नाखुरीककी इसे कुरा डेले। प्रभु राछ डीनसम्‍म कान जीवाम ङुचकै होसे सीम भ्‍याचकोलाक कुसे कीसीमै र रीट्‍की माय्‍होक्‍ले।

१ ठेसलोनीकी 5:2

हीजैडेनाङ नाबीक माआर्‌मीट्‍च बेलाङ खुस रान्‍हाङ लेखा न प्रभु राछ डीनाङ र होटजाट्‍न न राल्‍हे। इसे कुरा नाखुरीककी पुरै ठाहा ले।

२ ठेसलोनीकी 2:15

होटबाटै डाजेभाइको र डै बहीनीको, स्‍थिर छानार ङुनी र कानै डेच अठबा रीक्‍च सत्‍य शिक्षाकी मन्‍डीनी।

२ ठेसलोनीकी 3:17

ङा पावलै, लहो न मीहुटै इसे अन्‍टीम अभिवादन रीकार याम्‍हकामन ले। ङै रीक्‍च पट्‍ट न चीठीयाङ याङ्‍च न सही जाट्‍च जाट्‍न ने। ङा इटजाट्‍न न रीक्‍ले।