२ ठेसलोनीकी 2:16 - पुर्वीय मगर

¹⁶ कानुङ प्रभु येशू ख्रीष्‍ट र परमेश्‍वर बोये कानकी माया जाटा र होसकुङ अनुग्रहै सेन्‍र अन्‍त्‍य माछान्‍च उत्‍साह र सेछ आशा याहा।

२ ठेसलोनीकी 2:16 ပူးပေါင်းရင်းမြစ်များ

लुका 16:25

टर अब्राहामै डेया, “ङौ मीजा, आर्‌मीटो ट, नीये लहो जीवनाङ पट्‍ट न सुखौ कुराको भोग्‍डीम भ्‍या। टर लाजरसै चहीँ डुखै डुख भोग्‍डीया। होसकी अब इला आरम ले। होटै नाको चहीँ कष्‍टआङ ले।

युहन्‍ना 13:1

अब यहूदीकुङ इसे छुटकारौ चाड अघी संसारलकीङ बिदा छानार बोइ लेठाङ नुङ्‍च बेला छान्‍नने डेच कुरा येशूकी थाहा लेया। होसकै संसाराङ लेच लहो चेलाकोलाक सढैँ माया जाट्‍नन्‍या, अनी होखुरीककी अन्‍टीम समय सम्‍म न माया जाटा।

युहन्‍ना 15:13

लाफौ लागी लहो प्राण याखी न पट्‍ट डेनाङ बाड्‍को माया हो, अनी इसे डेनाङ बाड्‍को अरु हीर माले।

युहन्‍ना 15:9

“बोये ङाकी कुटजाट्‍न माया जाट्‍नने, ङै र होटजाट्‍न न नाखुरीककी माया जाट्‍नने। अब नाखुरीक ङौ मायाङ ङुनी।

युहन्‍ना 16:22

होटजाट्‍न न चाहाँ नाखुरीकै सोक जाट्‍ले, टर ङा फेरी नाखुरीककी डुप्‍की रान्‍हाङ ङाकी डाङार नाखुरीकुङ मीमन आनन्‍द ये न्‍हेप्‍ले। अनी इसे आनन्‍द चहीँ नाखुरीक लकीङ सुयेर स्‍याटार आल्‍खी माय्‍होक्‍ले।

युहन्‍ना 3:16

हीजैडेनाङ परमेश्‍वरै संसारुङ भर्मीकोलाक याङ्‍च प्रेम जाटा, की होसकै लहो काटजा मीजाकी र याहा। होसकोकी विश्‍वास जाट्‍च सुर नास माछान्‍ले, टर होचे सेन्‍र मासीच जीवन डुप्‍ले।

युहन्‍ना 4:14

टर ङै याछ डी गाचको चहीँ फेरी सेन्‍र डी मासोन्‍ल्‍हे। हीजैडेनाङ ङै याछ डी होसे भीत्री गीट्न ङुच डीयो मुल छान्‍ले र होचे होसकी सेन्‍र मासीच जीवन याल्‍हे।”

प्रेरित 15:11

टर कान विश्‍वास जाट्‍ले, की प्रभु येशूओ अनुग्रह लकीङ कानै उद्धार डुप्‍नने, होटजाट्‍न न होखुरीकै र डुप्‍नने।”

प्रेरित 18:27

अपोल्‍लसै अखैया इलाकाङ नुङ्‍की मीमन जाटा र डाजे-भाइकै होसकी नुङ्‍की उत्‍साह याहा। अपोल्‍लोसकी सेम्‍ह स्‍वागट जाट्‍की डेम होलुङ विश्‍वासीकोलाक उत्‍साह याहार चीठी रीका। अनी होचे अखैयाङ टार्‍हखीङ परमेश्‍वरौ अनुग्रह लकीङ विश्‍वास जाट्‍च विश्‍वासीकोलाक साप्‍फी सहायटा जाटा।

१ ठेसलोनीकी 1:3

कानुङ परमेश्‍वर बोयो म्‍याहासाङ नाखुरीकुङ विश्‍वासलकीङ जाट्‍च काम, प्रेमै जाट्‍च मेहनट र कानुङ प्रभु येशू ख्रीष्‍टाङ डाच आशौ सहनसीलटा कान आर्‌मीट्‍न न ङुले।

१ ठेसलोनीकी 3:11

अब कानुङ परमेश्‍वर बोइ मेखोलै र प्रभु येशूये नाखुरीक लेठाङ राखी कानुङ लागी लाम खोलीम याख्‍यौ।

२ ठेसलोनीकी 2:13

प्रभुये माया जाट्‍च डाजेभाइको र डै बहीनीको, नाखुरीकुङ लागी कानै सधैँ धन्‍यवाद याखी न पर्‌ले, हीजैडेनाङ सुरुलकीङ न पवित्र आत्‍मौ पवित्र खास्‍च काम लकीङ र सत्‍यतामीटाक विश्‍वासलकीङ जीवाकी परमेश्‍वरै नाखुरीककी चुन्‍डीया।

टीटस 1:2

फलसोरुप परमेश्‍वरौ भर्मीकोवाङ सेन्‍र मासीच जीवनौ आशा छान्‍ले। अनी सेन्‍र झुटो माङाक्‍च परमेश्‍वरै सृष्‍टि जाट्‍की डेनाङ अघीलकीङ न कानकी इसे जीवन याल्‍हे डेयार प्रतिज्ञा जाट्‍नन्‍या।

टीटस 2:13

होटजाट्‍न न कानै आशा डाच कुरा पुरा छान्‍च डीनौ लाम ङोस्‍ले। होसे डीनाङ कानुङ महान परमेश्‍वर र कानकी मुक्‍ति याछ येशू ख्रीष्‍टौ बाड्‍को महीमा डाङ्‍ले।

१ युहन्‍ना 3:16

येशू ख्रीष्‍टै कानुङ लागी लहो परान याहा। इटै न कानै प्रेम ही हो डेच कुरा बुझडीस्‍की य्‍होक्‍ले। अनी कानै र लहो विश्‍वासी डाजेभाइको र डै बहीनीकुङ लागी लहो प्राण याखी पर्‌ले।