२ ठेसलोनीकी 2:13 - पुर्वीय मगर

¹³ प्रभुये माया जाट्‍च डाजेभाइको र डै बहीनीको, नाखुरीकुङ लागी कानै सधैँ धन्‍यवाद याखी न पर्‌ले, हीजैडेनाङ सुरुलकीङ न पवित्र आत्‍मौ पवित्र खास्‍च काम लकीङ र सत्‍यतामीटाक विश्‍वासलकीङ जीवाकी परमेश्‍वरै नाखुरीककी चुन्‍डीया।

२ ठेसलोनीकी 2:13 ပူးပေါင်းရင်းမြစ်များ

लुका 1:75

होटै काल्‍हा माबीर्‍हीम होसकुङ म्‍याहासाङ सेम्‍ह र पवित्र छानार जीवनभरी न होसकुङ सेवा जाट्‍की डीन्‍हीङ।

युहन्‍ना 1:1

सुरुवाङ संसार सृष्‍टि छान्‍की डेनाङ अघी न बचन लेया। बचन परमेश्‍वर खाटा लेया र बचन परमेश्‍वर न लेया।

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

प्रेरित 13:48

इसे कुरा सेयार अन्‍यजातिको मार्‍हाङ्‍छै प्रभुओ बचनौ प्रशंसा जाटा र सेन्‍र मासीच जीवनौ लागी चुन्‍डीचको जटीये बचनकी विश्‍वास जाटा।

प्रेरित 15:9

अनी होसकै होखुरीक र काल्‍हौ मीघ्‍याङ हीर भेदभाव माडा टर होखुरीकुङ मीमन चहीँ विश्‍वासै शुद्ध खास्‍न याहा।

१ ठेसलोनीकी 1:4

परमेश्‍वरै प्रेम जाट्‍च डाजेभाइको र डै बहीनीको, नाखुरीककी होसकै लहो न भर्मी छान्‍की भाक्‍च कुरा कानै वार्‌न्‍हने।

१ ठेसलोनीकी 2:12

नाखुरीकुङ चालचलन परमेश्‍वरकी जाक्‍ङ सेच छान्‍ख्‍यौ डेयार कानै उत्‍साह याल्‍हे र अर्ती याल्‍हे र पाहाक्‍ले। हीजैडेनाङ नाखुरीककी होसकुङ लहौ राज्‍य र महीमाङ आर्‌घाले।

१ ठेसलोनीकी 4:7

हीजैडेनाङ परमेश्‍वरै कानकी अपवित्र जीवन जीवाकी आर्‌घाच होइन, टर पवित्र जीवन जीवाकी डेम आर्‌घाच हो।

१ ठेसलोनीकी 5:9

हीजैडेनाङ परमेश्‍वरै कान मीटाक मीरीस व्‍हाक्‍की डेम भाक्‍च होइन, टर प्रभु येशू ख्रीष्‍ट लकीङ मुक्‍ति याखी डेम भाक्‍च हो।

२ ठेसलोनीकी 1:3

डाजेभाइको र डै बहीनीको, नाखुरीकुङ विश्‍वास वास्‍टै ल्‍होङ्‍ङ न ले। नाखुरीकै जाट्‍की पर्च माया र नाखुरीकुङ मीघ्‍याङ झन-झन ल्‍होङ्‍ने। कानै परमेश्‍वरकी नाखुरीकुङ बारेयाङ सधैँ धन्‍यवाद याखी न पर्‌ले।

२ ठेसलोनीकी 2:10

होचे नास छान्‍च जटी पट्‍टकी होच्‍यौ दुष्‍ट काम लकीङ छलीले हीजैडेनाङ होखुरीकै मुक्‍टी याछ सत्‍यकी माया जाट्‍की र होस अनुसार जीवाकी मीमन माजाटा।

२ ठेसलोनीकी 2:12

होखुरीकै सत्‍यकी विश्‍वास माजाटार अन्‍याय जाट्‍कीयाङ न मार्‍हाङ्‍छकै सजाय डुप्‍ख्‍यौ डेयार न परमेश्‍वरै याङ्‍च जाट्‍च हो।

२ ठेसलोनीकी 2:16

कानुङ प्रभु येशू ख्रीष्‍ट र परमेश्‍वर बोये कानकी माया जाटा र होसकुङ अनुग्रहै सेन्‍र अन्‍त्‍य माछान्‍च उत्‍साह र सेछ आशा याहा।

२ टीमोठी 1:9

परमेश्‍वरै न कानकी जीवाका र लहो न भर्मी छान्‍की कानकी आर्‌घा। काल्‍है जाट्‍च कामौ आधाराङ होइन, टर मेखोल्‍हौ न इच्‍छा र अनुग्रहौ आधाराङ याङ्‍च जाट्‍च हो। इसे चहीँ सृष्‍टि छान्‍की डेनाङ अघीलकीङ न काल्‍हाकी ख्रीष्‍ट येशूये याछ अनुग्रह हो।

२ टीमोठी 2:15

काराम सेकी मापर्‌च र सत्‍य बचनकी ठीकखाटा पाहाक्‍च कामदार लेखा न लहे लाहाकी परमेश्‍वरौ म्‍याहासाङ ग्रहणयोग्‍य खास्‍की कोसीस जाट्‍नी।

२ टीमोठी 3:15

नाकै च मार्‌जा लेनाङ लकीङ न पवित्र धर्मशास्‍त्रौ कुराको सेम्‍हजा वार्‌न्‍हने। इसे न कुराको लकीङ ख्रीष्‍ट येशूवाङ विश्‍वास जाट्‍नाङ डुप्‍च मुक्‍तियो बारेयाङ बुझडीस्‍की ग्‍यान डुप्‍ले।

याकुब 1:18

कान सृष्‍टियो पहीला स्‍याच मीस्‍याको ल्‍याक्‍च छान्‍की य्‍होकीङ डेयार होसकै लहौ न इच्‍छै सत्‍य बचन लकीङ कानकी नयाँ जीवन याहा।

१ युहन्‍ना 4:10

साँचो प्रेम इसेन हो: कानै परमेश्‍वरकी प्रेम जाट्‍च होइन, टर होसकै कानकी प्रेम जाटा र कानुङ पापौ बलीडान छान्‍कीयो लागी लहो मीजाकी संसाराङ बीर्‌न्‍हका।

१ युहन्‍ना 4:19

काल्‍हाको परमेश्‍वरकी प्रेम जाट्‍ले, हीजैडेनाङ पहीला होसकै न कानकी प्रेम जाटा।