२ ठेसलोनीकी 1:9 - पुर्वीय मगर

⁹ होखुरीकुङ सजाय चहीँ होखुरीककी प्रभुओ शक्‍तिसाली महीमा र सङ्‍गटी लकीङ न छ्‍युक्‍ङ याल्‍हे, अनी सधैँभरीयो लागी नास जाट्‍ले।

२ ठेसलोनीकी 1:9 ပူးပေါင်းရင်းမြစ်များ

मत्ती 16:27

हीजैडेनाङ भर्मीयो मीजा लहो बोयो महीमाङ लहो स्‍वर्गदूतको खाटा राल्‍हे, अनी होडीक बेला होसकै काट-काट भर्मीकी होचे जाट्‍च काम अनुसार जाट्‍ले।

मत्ती 22:13

होटै राजै लहो नोकरकोलाक डेया, ‘इच्यो मीहुट मीखुट्‍या छ्‍याकार बाहीर छुम्‍ठाङ लोम्‍हकानी। होला भर्मीको राप्‍ले र मीस्‍याक जीक्‍ले।’”

मत्ती 24:30

“होडीक बेला ङा भर्मीयो मीजौ चीन्‍ह सर्‌घाङ डाङ्‍ले र पृथ्‍वीयुङ पट्‍ट न जाटीकै विलाप जाट्‍ले। अनी होखुरीकै भर्मीयो मीजाकी सर्‌घुङ डेबुवाङ शक्‍ति र बाड्‍को महीमाङ राम्‍हन लेच डाङ्‍ले।

मत्ती 25:41

“होटै होसकै लहो डेबर्‌या पट्‍टी लेचकोलाक डेले, ‘ए परमेश्‍वरौ सराप पर्च भर्मीको! ङा लकीङ नुङ्‍की क्‍योट्‍नी, शैतान र होच्‍यो दूतकोलाक तयार जाट्‍च सेन्‍र मासीच म्‍हेयाङ नुङ्‍नी!

मत्ती 25:46

अनी होखुरीकै चहीँ सढैँ भरीयो लागी दन्‍ड डुप्‍ले, टर धर्मी भर्मीकै चहीँ सेन्‍र मासीच जीवन डुप्‍ले।”

मत्ती 26:24

भर्मीयो मीजा च धर्मशास्‍त्राङ रीक्‍च अनुसार सीकी न पर्‌ले। टर धिक्‍कार होसकी, सुये भर्मीयो मीजाकी घोवाक्‍ङ याल्‍हे। होसे च माजन्‍मडीस्‍च लेनाङ न मेन लागी सेम्‍ह छान्‍च लेया।”

मत्ती 7:23

अनी होडीक बेला ङा होखुरीककी डेले, ‘ए दुष्‍ट काम जाट्‍चको, ङा नाखुरीककी माव्‍हार्‌ले, ङा लकीङ लोस नुङ्‍नी!’

लुका 13:27

टर होचे डेले, ‘ङा नाखुरीककी डेले, नाखुरीक सु आले र कुटै राछ, ङा माव्‍हार्‌ले। ए दुष्‍ट काम जाट्‍चको ङा लकीङ लोस नुङ्‍नी।’

युहन्‍ना 5:14

होटै न्‍हुइङ येशूये होसे गेप्‍च भर्मीकी परमेश्‍वरौ मन्‍दिराङ डुपार डेया, “ङोस्‍नी, अब नाको गेप्‍मने। फेरी पाप माजाट्‍की, नभा च नाको मीटाक झन मासेछ डसा आइपर्‌ले।”

१ ठेसलोनीकी 5:3

भर्मीकै पट्‍ट पट्‍टी न शान्‍ति र सुरक्षा ले डेम ङुच छान्‍ले। होडीक न बेला मोसोमायाङ मास्‍टो भर्मीकी मीजा डीन्‍छ व्‍यथा लग्‍डीस्‍नाङ लेखा न आपत आइपर्‌ले र होखुरीक सुर भीस्‍की माढीन्‍ले।

२ ठेसलोनीकी 2:8

होटै होसे व्‍यवस्‍था भङ्‍ग जाट्‍च भर्मी डाङ्‍ले। प्रभु येशू रान्‍हाङ होसकुङ ज्‍योटीयो शक्‍तिये होसकुङ मेङ्‍गेरुङ सासै होसकी नास जाट्‍ले।

टीटस 2:13

होटजाट्‍न न कानै आशा डाच कुरा पुरा छान्‍च डीनौ लाम ङोस्‍ले। होसे डीनाङ कानुङ महान परमेश्‍वर र कानकी मुक्‍ति याछ येशू ख्रीष्‍टौ बाड्‍को महीमा डाङ्‍ले।

२ पट्‍रुस 2:17

इसे झुटो शिक्षकको सीप्‍च डीयो मुहान, र आँढीबेहरीये भुरुक्‍च डेबु ल्‍याक्‍च हो। इखुरीकुङ लागी परमेश्‍वरै लुप्‍च न लुप्‍च छुम्‍छ न छुम्‍छ खाडल टयार जाट्‍न डामने।

२ पट्‍रुस 3:7

टर चाहाँ लेच सर्‌घा र पृथ्‍वी र म्‍हेये भस्‍म जाट्‍कीयो लागी परमेश्‍वरौ बचनै न जोगडीम डामने। अनी परमेश्‍वरौ आज्ञा मामन्‍डीच भर्मीकुङ इन्‍साफ र नास माछान्‍ठर सम्‍मौ लागी सर्‌घा र पृथ्‍वी ङुम न ङुले।

यहुडा 1:13

होखुरीक समुन्‍द्रौ बीर्‍हीमसेच डीयो छाल ल्‍याक्‍च न ले, होखुरीकै लहौ झीर्‌न सेच कुराको समुन्‍द्रौ घोचोस लेखा न बाहीर छ्‍युक्‍ले। होखुरीक लाम म्‍य्‍हाक्‍च टुगाको ल्‍याक्‍च न ले, होखुरीकुङ लागी नरकाङ बीर्‍हीमसेच छुम छुम डाङ्‍च ठाउँ सधैँभरीयो लागी टयार खासार डामने।