२ ठेसलोनीकी 1:8 - पुर्वीय मगर

⁸ होसको राहार परमेश्‍वरकी माचीन्‍डीच कोलाक र कानुङ प्रभु येशूओ सेछ समाचारकी मामन्‍डीच कोलाक दण्‍ड याल्‍हे।

२ ठेसलोनीकी 1:8 ပူးပေါင်းရင်းမြစ်များ

मत्ती 25:41

“होटै होसकै लहो डेबर्‌या पट्‍टी लेचकोलाक डेले, ‘ए परमेश्‍वरौ सराप पर्च भर्मीको! ङा लकीङ नुङ्‍की क्‍योट्‍नी, शैतान र होच्‍यो दूतकोलाक तयार जाट्‍च सेन्‍र मासीच म्‍हेयाङ नुङ्‍नी!

मत्ती 25:46

अनी होखुरीकै चहीँ सढैँ भरीयो लागी दन्‍ड डुप्‍ले, टर धर्मी भर्मीकै चहीँ सेन्‍र मासीच जीवन डुप्‍ले।”

युहन्‍ना 3:19

होखुरीककी दोष लैडीच कारन चहीँ इसे हो: ज्‍योति संसाराङ राम्‍हने, टर भर्मीकै ट्‍याङ्‍छकी डेनाङ बरु छुम्‍छकी जाका, हीजैडेनाङ होखुरीकुङ कामको दुष्‍ट लेया।

युहन्‍ना 8:19

टब येशूकी होखुरीकै गीना, “नाकुङ बोइ चहीँ कुला ले ट?” येशूये होखुरीककी जवाफ याहा, “नाखुरीक न ट ङाकी चीन्‍डीले न ट ङौ बोइकी न चीन्‍डीले। इडीक नाखुरीकै ङाकी चीन्‍डी च लेनाङ ङौ बोइकी र चीन्‍डी च लेया।”

प्रेरित 6:7

होटै परमेश्‍वरौ बचन फैलडीस्‍चै नुङा र विश्‍वासीकुङ सङ्‌ख्‍या यरूशलेमाङ साफ्‍फी बट्‍डीसा। अनी वास्‍टै पुजाहारीकै र येशूकी विश्‍वास जाटा।

१ ठेसलोनीकी 4:5

नाखुरीक पट्‍टये परमेश्‍वरकी माचीन्‍डीच अरु भर्मीकै लेखा व्‍यभिचार जाट्‍च मास्‍च बीचार लाकी माछान्‍ले टर पवित्र छानार लहौ मास्‍टो खाटा जीवन बीटडीकी वार्‌खी पर्‌ले।

१ पट्‍रुस 1:2

अघीलकीङ न लहो योजना अनुसार परमेश्‍वर बोये नाखुरीककी लहो न पवित्र भर्मीको छान्‍कीयो लागी चुन्‍डीच हो। येशू ख्रीष्‍टौ य्‍हुये पवित्र छानार होसकुङ न आज्ञा नाखुरीकै मन्‍डीकी य्‍होक्‍नी डेयार नाखुरीककी आत्‍मालकीङ लहौ खासा। नाखुरीकखाटा अनुग्रह र शान्‍ति प्रसस्‍त छान्‍न ङुख्‍यौ।

१ पट्‍रुस 3:6

सारा र होङ्‍च न लेया। होचे लहौ लेन्‍जा अब्राहामै डेच मन्‍डीमन्‍या, होसकी “ङौ मालीक” डेमन्‍या। कुसे कुराङ र माबीर्‍हीम सेछ जाटा डेनाङ नाखुरीक र सारौ न मास्‍टो मीजाको हो।

१ पट्‍रुस 4:17

हीजैडेनाङ न्‍याय च परमेश्‍वरौ लहौ न भर्मीकोलकीङ सुरु छान्‍च बेला राम्‍हने, र इडीक काल्‍हौ र न्‍याय जाट्‍ले डेनाङ परमेश्‍वरौ सेछ समाचारकी विश्‍वास माजाट्‍च भर्मीकुङ झन्‌ कोङ्‍च न्‍याय छान्‍ने औँला?

२ पट्‍रुस 3:7

टर चाहाँ लेच सर्‌घा र पृथ्‍वी र म्‍हेये भस्‍म जाट्‍कीयो लागी परमेश्‍वरौ बचनै न जोगडीम डामने। अनी परमेश्‍वरौ आज्ञा मामन्‍डीच भर्मीकुङ इन्‍साफ र नास माछान्‍ठर सम्‍मौ लागी सर्‌घा र पृथ्‍वी ङुम न ङुले।

यहुडा 1:7

होटजाट्‍न न सदोम र गमोरा अनी होसे खेरेपुङ सहरकुङ भर्मीकै झीर्‌न सेच व्‍यभिचारौ काम जाटार पाप जाट्‍नन्‍या, होटबाटै होखुरीक सधैँभरी ढाम ङुच म्‍हेओ दण्‍डवाङ पर्च उदाहरण छाना।