२ ठेसलोनीकी 1:5 - पुर्वीय मगर

⁵ इसे पट्‍ट न कुरै नाखुरीककी परमेश्‍वरौ राज्‍यौ योग्‍य ठहरीच परमेश्‍वरै न्‍याय जाट्‍ले डेच साक्षी हो। होटबाटै नाखुरीकै होसे न राज्‍यौ कारन डुख र भोक्‍डीम न ले।

२ ठेसलोनीकी 1:5 ပူးပေါင်းရင်းမြစ်များ

लुका 20:35

टर सीच लकीङ जीवाम स्‍वर्गाङ नुङ्‍की लागी योग्‍य छान्‍च भर्मीकै चहीँ ब्‍याहा जाट्‍च कुरा न माछान्‍ले।

लुका 21:36

टर होसीयार छानार ङुनी। बीर्‍हीमसेच पट्‍ट कुरा लकीङ भीस्‍की र भर्मीयो मीजौ म्‍याहासाङ खडा छान्‍की शक्‍ति यान्‍ही डेयार परमेश्‍वर खाटा सढैँ न प्रार्थना जाट्‍न न ङुनी।”

प्रेरित 13:46

टर पावल र बारनाबासै साहास जाटार डेया, “परमेश्‍वरौ बचन चहीँ पट्‍ट डेनाङ पहीला नाखुरीककी न सेटाक्‍की खाँचो लेया। नाखुरीकै इसकी इन्‍कार जाटार लाहाकी सेन्‍र मासीच जीवनौ लागी अयोग्‍य ठहरडीचबाटै कान अब अन्‍यजातिको लेठाङ नुङ्‍ले।

प्रेरित 14:22

विश्‍वासीकुङ आत्‍माकी बलीयो खास्‍चै होखुरीककी विश्‍वासाङ ङुमङुकी डेम अर्ती याहा र “वास्‍टै कष्‍ट सहडीयार कान परमेश्‍वरौ राज्‍याङ पर्‌की पर्‌ले” डेयार होखुरीककी पाहाका।

१ ठेसलोनीकी 2:14

ङौ डाजेभाइको र डै बहीनीको, नाखुरीक र ख्रीष्‍ट येशूकी विश्‍वास जाट्‍च यहूदियाङ लेच परमेश्‍वरौ मण्‍डलीको लेखा न छान्‍नने। हीजैडेनाङ यहूदीयुङ मण्‍डलीकै यहूदीको लकीङ न डुख भोग्‍डीया र होटजाट्‍न न नाखुरीकै र लहो न जाटीको लकीङ डुख भोग्‍डीया।

२ ठेसलोनीकी 1:11

होटबाटै परमेश्‍वरै कुसे जीवनौ लागी नाखुरीककी आर्‌घामे, होच्‍यौ योग्‍य खास्‍की र होसकुङ शक्‍तिये सेछ जाट्‍च इच्‍छा र विश्‍वासौ काम पुरा जाट्‍की साहायटा जाट्‍ख्‍यौ डेयार कान नाखुरीकुङ लागी सधैँ प्रार्थना जाट्‍ले।

२ टीमोठी 2:12

इडीक काल्‍है होसकुङ लागी डुख सहडीले डेनाङ होसकोखाटा न राज्‍य र जाट्‍ले। होसकोकी काल्‍है इन्‍कार जाटा डेनाङ होसकै र काल्‍हाकी इन्‍कार जाट्‍ले।