२ पट्‍रुस 3:1 - पुर्वीय मगर

¹ ङौ विश्‍वासी डाजेभाइको र डै बहीनीको, नाखुरीककी रीक्‍च इसे ङौ डोस्‍रो चीठी हो। इसे नीस चीठीयाङ न इसे कुराकुङ बारेयाङ आर्‌मीटाकार नाखुरीकुङ मीमनाङ शुद्ध बीचार छान्‍ख्‍यौ डेयार उट्‍साह याखीयो लागी हो।

२ पट्‍रुस 3:1 ပူးပေါင်းရင်းမြစ်များ

मत्ती 5:8

शुद्ध मीमन लेचको कुडीक आसीस डुप्‍चको ले! हीजैडेनाङ होखुरीकै परमेश्‍वरकी डाङ्‍ले।

१ टीमोठी 5:22

मण्डलीयो काम जीम्‍मा याखीयो लागी सुर मीटाक मीहुट डाकी हटार माजाट्‍नी। अरु भर्मीकुङ पापाङ भाग मालानी र लहो जीवन सधैँ शुद्ध डानी।

२ टीमोठी 1:6

होटबाटै ङा नाकोकी फेरी आर्मीटाक्‍ले, ङै नाको मीटाक मीहुट डानाङ परमेश्‍वरै याछ वरदानकी नीये क्‍योट्‍चै नुङ्‍की।

१ पट्‍रुस 1:22

अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।

१ पट्‍रुस 2:11

ङौ विश्‍वासी डाजेभाइको र डै बहीनीको, इसे संसाराङ नाखुरीक बीडेसी र पर्‌बासी ल्‍याक्‍च न ले। होटबाटै ङा नाखुरीककी बिन्‍ती जाट्‍ले, शरीरौ मास्‍च अभीलासा पुरा जाट्‍की पट्‍टी मालग्‍डीस्‍नी। याङ्‍च अभीलासाको आत्‍मौ विरुद्धाङ सधैँ लडाइँ जाट्‍ले।

२ पट्‍रुस 3:14

होटबाटै ङौ विश्‍वासी डाजेभाइको र डै बहीनीको, नाखुरीक होसे डीनकी लेन्‍चको लेच बाटै परमेश्‍वरौ म्‍याहासाङ शुद्ध र निर्दोष छानार परमेश्‍वरखाटा शान्‍तियाङ ङुकी य्‍होक्‍ठर कोसीस जाट्‍नी।

२ पट्‍रुस 3:17

ङौ विश्‍वासी डाजेभाइको र डै बहीनीको, नाखुरीकै इसे पट्‍ट न कुराको अगाडी न वार्‌न्‍ह भ्‍यामने। होटबाटै दुष्‍ट भर्मीकै नाखुरीककी अलमलडीकी माय्‍होक्ख्‍यो डेयार होसीयार छान्‍नी अनी लहे टेक्‍डीच ठाउँ लकीङ नाखुरीक माकुर्‍हुले।

२ पट्‍रुस 3:8

टर ङौ विश्‍वासी डाजेभाइको र डै बहीनीको, इसे काट कुरा माम्‍य्‍हाक्‍नी। प्रभुओ लागी कायाक हजार वर्ष लेखा र हजार वर्ष कायाक लेखा न हो।

यहुडा 1:5

नाखुरीककी पट्‍ट न कुराको थाहा लेनाङ र ङा इसे कुरा नाखुरीककी आर्मीटाक्‍ले। प्रभुये लहो भर्मीकोलाक मिश्र देशलकीङ डोनार राका, टर होखुरीक मढ्‍याङ कुडीक जना विश्‍वास माजाट्‍चकोलाक चहीँ न्‍हुइङ पट्‍ट न नास जाटा।