२ पट्‍रुस 2:4 - पुर्वीय मगर

⁴ परमेश्‍वरै पाप जाट्‍च स्‍वर्गदूतकोलाक समेट च बाँकी माडासा, टर होखुरीककी नरकाङ लोम्‍ह याहा। होला होखुरीककी राछ न्‍यायौ डीनसम्‍मौ लागी छुम्‍ठाङ छ्‍याकार डामने।

२ पट्‍रुस 2:4 ပူးပေါင်းရင်းမြစ်များ

मत्ती 25:41

“होटै होसकै लहो डेबर्‌या पट्‍टी लेचकोलाक डेले, ‘ए परमेश्‍वरौ सराप पर्च भर्मीको! ङा लकीङ नुङ्‍की क्‍योट्‍नी, शैतान र होच्‍यो दूतकोलाक तयार जाट्‍च सेन्‍र मासीच म्‍हेयाङ नुङ्‍नी!

मत्ती 8:29

होखुरीकै च्‍याक्‍चै इट डेया, “ए परमेश्‍वरौ मीजा, नाकुङ कानखाटा ही काम ले? ही नाको टोक्‍डीच समय डेनाङ अगाडी न कानकी डुख याखी राछ हो?”

मर्कूस 5:7

होटै होसे भर्मी बाड्‍को सोरै चीघारीसार डेया, “ए कर्‍हाङ्‍छ परमेश्‍वरौ मीजा येशू, नाकै ङाखाटा ही पाच? ङा परमेश्‍वरौ म्‍यार्‌मीनाङ नाकोकी बिन्‍ती जाट्‍ले, ङाकी डुख माय्‍हानी!”

लुका 10:18

होटै होसकै होखुरीककी डेया, “ङै शैतानकी स्‍वर्ग लकीङ पीझ्‍यानाङ लेखा न झाल्‍चै जाट्‍च डाङा!

लुका 8:31

होखुरीककी अटल कुन्‍डाङ माबीर्‌न्‍हकाख्‍यौ डेम होखुरीकै येशूकी बिन्‍ती जाटा।

युहन्‍ना 8:44

नाखुरीक च नाखुरीकुङ बोइ शैतानौ सन्‍टानको हो, र नाखुरीकुङ बोयो इच्‍छा पुरा जाट्‍च नाखुरीकुङ मीमन ले। होसे च सुरुलकीङ न ज्‍यानमारा हो। र होचे सत्‍यकी घृणा जाट्‍ले, हीजैडेनाङ होसखाटा हीर सत्‍य माले। होचे मेन न स्‍वभाव अनुसार झुटो ङाक्‍ले। होसे झुटो हो र झुटौ न बोइ हो।

२ पट्‍रुस 2:11

स्‍वर्गदूतको इसे स्‍वर्गुङ परानीको डेनाङ धेरै बलीयो र शक्‍तिसाली लेनाङ र प्रभुओ म्‍याहासाङ होखुरीककी निन्‍दा जाटार डोस मालैडीले।

२ पट्‍रुस 2:5

परमेश्‍वरै खायाकुङ संसारकी बाँकी माडा। परमेश्‍वरकी माटेरीच अधर्मीकोलाक डीयौ पर्‌लय लकीङ नस्‍ट जाटा। टर होसकै धार्मिकतौ प्रचार जाट्‍च नोआ र होच्‍यो परीवारुङ साटजनाकी मट्‍टै जीवाटाका।

२ पट्‍रुस 2:9

होटबाटै धर्मी जनकोलाक खेडो जाट्‍च बेलाङ जोगोडीकी र दुष्‍टकोलाक सजाय याखी न्‍यायौ डीनसम्‍म डाम डाकी प्रभुये वार्‌ल्‍हे।

१ युहन्‍ना 3:8

पाप जाट्‍न ङुच चहीँ शैतानौ भर्मी हो। शैतानै सुरुलकीङ न पाप जाट्‍न राम्‍हने। होटबाटै शैतानौ कामकी नास जाट्‍की डेम परमेश्‍वरौ मीजा संसाराङ राछ हो।

यहुडा 1:13

होखुरीक समुन्‍द्रौ बीर्‍हीमसेच डीयो छाल ल्‍याक्‍च न ले, होखुरीकै लहौ झीर्‌न सेच कुराको समुन्‍द्रौ घोचोस लेखा न बाहीर छ्‍युक्‍ले। होखुरीक लाम म्‍य्‍हाक्‍च टुगाको ल्‍याक्‍च न ले, होखुरीकुङ लागी नरकाङ बीर्‍हीमसेच छुम छुम डाङ्‍च ठाउँ सधैँभरीयो लागी टयार खासार डामने।

यहुडा 1:6

अनी लहो अधिकारौ ठाउँ डासार बाहीर व्‍हाच स्‍वर्गदूतकोलाक समेट परमेश्‍वरै होसे बाड्‍को न्‍याय छान्‍च डीनाङ सजाय याखी डेम सेन्‍र भीस्‍की माय्‍होक्‍च छुम्‍छ ठावाङ छ्‍याकार बन्‍धनाङ डामने।