२ पट्‍रुस 2:2 - पुर्वीय मगर

² अनी धेरै जना भर्मीकै होखुरीकुङ झीर्‌न सेच लामकी डुट्‍ले र होखुरीकुङ कामै जाट्‍नाङ अरु भर्मीकै सत्‍यौ लामकी बडनाम जाट्‍ले।

२ पट्‍रुस 2:2 ပူးပေါင်းရင်းမြစ်များ

मत्ती 22:16

होखुरीकै लहो चेलाकोलाक हेरोद राजौ भर्मीको खाटा येशूलेठाङ बीर्‌न्‍हका। होखुरीकै नुङार होसकोकी डेया, “ए गुरुज्‍यु, कान वार्‌ल्‍हे, नाको सत्‍य ङाक्‍ले, र परमेश्‍वरौ लाम सत्‍य खाटा पाहाक्‍ले। अनी भर्मीकै ही डेले औँला डेयार वास्‍टा र माजाट्‍ले, हीजैडेनाङ नाकै भर्मीकुङ मेङेर ङोसार काम माजाट्‍ले।

मत्ती 24:24

हीजैडेनाङ याङ्‍च झुटो ख्रीष्‍टको र झुट्‍टा अगमवक्‍ताको राल्‍हे। होखुरीकै बाड्‍सो-बाड्‍सो चीन्‍ह र अचम्‍मौ कामको टान्‍हाकार य्‍होक्‍ठर परमेश्‍वरै चुन्‍डीचकोलाक र भड्‍कडीले।

मत्ती 7:14

टर मार्‌जा गालाम र अप्‍ठ्यारो लामै जीवनाङ टाहाक्‍ले। इसे लाम डुप्‍चको चहीँ ठोरै छान्‍ले।

मर्कूस 12:14

होखुरीक राहार येशूकी डेया, “गुरुज्‍यु, नाकै साँचो कुरा ङाक्‍ले डेम कानकी ठाहा ले। भर्मीकै ही डेले डेयार नाकै वास्‍टा माजाट्‍ले हीजैडेनाङ नाकै सुओर मेङेर ङोसार काम माजाट्‍ले। टर परमेश्‍वरौ लाम साँचो खाटा पाहाक्‍ले। कानकी डेनी, कैसरकी कर टेरीकी सेम्‍ह ले की माले?

मर्कूस 13:22

हीजैडेनाङ झुटो ख्रीष्‍टको र झुटो अगमवक्‍ताको ख्‍योम्‍ह राल्‍हे। अनी परमेश्‍वरै चुन्‍डीच कोलाक ढाट्‍डीकी डेम य्‍होक्‍ठर होखुरीकै चीन्‍हको र अचम्‍मौ कामको जाट्‍ले।

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

प्रेरित 13:10

“ए शैतानौ मीजा, पट्‍ट धार्मिकतौ शत्रु, दुष्‍ट र झुटो कुरै न्‍हेप्‍च! ही नाङ प्रभुओ सोझो लाम बाङ्‍गडीकी माडास्‍ले?

प्रेरित 14:2

टर विश्‍वास माजाट्‍च यहूदीकै चहीँ अन्‍यजातिकोलाक भड्‍कडीयार विश्‍वास जाट्‍च डाजे-भाइकुङ विरुद्धाङ होखुरीकुङ मीमन बीर्‌छ खास्‍न याहा।

प्रेरित 16:17

अनी होचे पावल र कान न्‍हुङ-न्‍हुङ राछै इट डेचै च्‍याका, “इसे भर्मीको महान परमेश्‍वरौ सेवकको हो। इखुरीकै नाखुरीककी मुक्‍तियो लामौ बारेयाङ सेटाक्‍ले।”

प्रेरित 18:26

होटै होचे सभा ङुच इमाङ साहास खाटा ङाक्‍की ठाला। टर होचे ङाक्‍च कुरा सेयार प्रिस्‍किला र अकीलासै होसकी लहो इमाङ आल्‍हार परमेश्‍वरौ लामौ अर्थ होसकी अझै सेम्‍ह बुझडीम याहा।

प्रेरित 19:9

टर कुडीक जनै चहीँ मीमन कठोर खासार विश्‍वास माजाटा। होखुरीकै प्रभुओ लामौ बारेयाङ अरुकुङ अगाडी न विरोध जाट्‍चै मासेछ कुराको ङाक्‍की ठाला। होटबाटै पावल होखुरीककी डासार नुङा। विश्‍वासी कोलाक आल्‍हार टुरान्‍नस डेठुङ काट स्‍कुलाङ डीन-डीनै बहस जाट्‍चै डुप्‍म न ङुवा।

प्रेरित 22:4

ङै प्रभुओ लामाङ व्‍हाच भर्मीकोलाक साप्फी डुख याहार साट्‍की र पा। लेन्‍जा, मास्‍टो पट्‍टकी घोवार ठुन्‍की लैडीया।

प्रेरित 24:14

टर ङा इसे कुरा नाकुङ न म्‍याहासाङ मन्‍डीले। प्रभुओ लाम अनुसार मोशौ व्‍यवस्‍थाङ लेच कुरा अनी अगमवक्‍ताकुङ कीताबाङ रीक्‍च पट्‍ट न कुरा विश्‍वास जाटार ङौ बोइ-बाजुकुङ परमेश्‍वरौ ङा आराधना जाट्‍ले, कानुङ इसे दलकी होखुरीकै काट झुटो डल हो डेले।

१ टीमोठी 5:14

होटबाटै ङा आर्‌नाम बीढुवाकोलाक चहीँ फेरी ब्‍याहा अट जाटै डेच सल्‍लाह याल्‍हे। अनी होखुरीकै मीजाको डीन्‍ख्‍यो अनी इमुङ व्‍यवहारको सय्‍हारीख्‍यौ। होटजाटा डेनाङ कानकी शैतानै कानुङ बडनाम जाट्‍च मौका माडुप्‍ले।

टीटस 2:5

र होखुरीकै लहे लाहाकी न अढीनाङ डाकी, शुद्ध मीमन खास्‍की, दयालु, सेछ घरजम जाट्‍की र लेन्‍जाकुङ अढीनाङ ङुकी डेम पाहाक्‍ख्‍यौ। इडीक होखुरीकै होट जाटा डेनाङ परमेश्‍वरौ बडनाम माछान्‍ले।

टीटस 2:8

बलीयो शिक्षा पाहाक्‍नी टा की सुयेर होसे शिक्षा चेकी माय्‍होक्‍ख्‍यौ। अनी कानुङ विरुधाङ सट्‍रुकै हीर खराब कुरा माडुपार मेखुरीक न कारामसेकी पर्‌ले।

१ पट्‍रुस 2:12

ख्रीष्‍टकी विश्‍वास माजाट्‍च भर्मीकुङ मीघ्‍याङ नाखुरीकुङ चालचलन सेछ छान्‍की पर्‌ले। होखुरीकै नाखुरीककी मासेछ डेयार डोस लैडीनाङ नाखुरीकुङ सेछ कामको चीन्‍डीकी य्‍होक्‍ख्‍यौ र परमेश्‍वर न्‍याय जाट्‍की राछ डीनाङ होसकुङ महीमा जाट्‍ख्‍यौ।

२ पट्‍रुस 2:12

टर इसे भर्मीको मास्‍च स्‍वभावै काम जाट्‍ले। होखुरीक घोवार साट्‍की पर्च जङ्‍गलुङ पसुको ल्‍याक्‍च न ले। होखुरीकै लहे माबुझडीस्‍च कुराकुङ निन्‍दा जाट्‍ले। होटबाटै होखुरीककी र जङ्‍गलुङ जनावर कोलाक लेखा न नास जाट्‍ले।

२ पट्‍रुस 2:15

होखुरीक सोझो लाम डासार मास्‍च लामाङ व्‍हामने। होखुरीक बओरौ मीजा बालामौ चालाङ लक्‍डीस्‍नने। बालाम पाप काम जाटार धन कमडीच पट्‍टी लक्‍डीस्‍न्‍या

२ पट्‍रुस 2:18

होखुरीकै घमन्‍डी र मुर्‌ख कुराको जाट्‍ले अनी व्‍यभिचारौ काम जाट्‍की छान्‍ने डेयार चाम-चाम मास्‍च काम लकीङ ल्‍हेस्‍च कोलाक फँसडीले।

२ पट्‍रुस 2:21

हीजैडेनाङ धार्मिकतौ लाम ठाहा छानार र होसे पवित्र आज्ञाकी होखुरीकै पालन माजाट्‍ले डेनाङ च होसे मावार्‌छ लेनाङ न होखुरीकुङ लागी सेम्‍ह छान्‍च लेया।

२ पट्‍रुस 2:7

परमेश्‍वरै लहो म्‍याहासाङ ठीक ठहरीस्‍च लोटकी चहीँ जीवाटाका। लोटै छाडा भर्मीकुङ झीर्‌न सेच बानी बेहोरा डाङार मीमन बीकाक्‍ङन्‍या।

यहुडा 1:10

टर इसे भर्मीको च लहे माबुझडीस्‍च कुराकुङ डोस लैडीयार विरोध जाट्‍ले, अनी होखुरीकुङ बुझडीस्‍च शक्‍ति चहीँ बुद्धि मालेच पसुको लेखा न र होखुरीक होचे न नास छान्‍ने।

यहुडा 1:15

होसकै पट्‍ट न भर्मीकुङ न्‍याय जाट्‍ले र पापीकोलाक होखुरीकै जाट्‍च पट्‍ट न खालुङ मास्‍च कामकुङ लागी र होसकुङ विरुधाङ ङाक्‍च पट्‍ट न मास्‍च कुराकुङ लागी होसकै दण्‍ड याल्‍हे।”

यहुडा 1:4

हीजैडेनाङ कुसे भर्मीकै दण्‍ड डुप्‍ले डेम धर्मशास्‍त्राङ धेरै अघीलकीङ रीक्‍च कुडीक जना चहीँ नाखुरीकुङ मीघ्‍याङ सुटुक्‍क पर्न भ्‍यामने। होखुरीक परमेश्‍वरकी मामन्‍डीच भर्मीको हो, होखुरीककी परमेश्‍वरै अनुग्रह जाट्‍च बाटै, पट्‍टकै मास्‍च काम जाट्‍की छान्‍ने डेयार पाहाक्‍ले। अनी येशू ख्रीष्‍टकी कानुङ काट मट्‍टै प्रभु र मालीक डेयार मामन्‍डीले।

यहुडा 1:7

होटजाट्‍न न सदोम र गमोरा अनी होसे खेरेपुङ सहरकुङ भर्मीकै झीर्‌न सेच व्‍यभिचारौ काम जाटार पाप जाट्‍नन्‍या, होटबाटै होखुरीक सधैँभरी ढाम ङुच म्‍हेओ दण्‍डवाङ पर्च उदाहरण छाना।