२ पट्‍रुस 2:19 - पुर्वीय मगर

¹⁹ होखुरीककी स्‍वतन्त्र जाट्‍न याल्‍हे डेम प्रतिज्ञा च जाट्‍ले, टर होखुरीक लाहा न नास जाट्‍च पापौ कमारा ले। भर्मीकी कुसे कुरै जुले, होसे न कुरै होसकी कमारा खास्‍ले।

२ पट्‍रुस 2:19 ပူးပေါင်းရင်းမြစ်များ

युहन्‍ना 8:34

येशूये होखुरीककी जवाफ याहा, “साँच्‍ची न, ङा नाखुरीककी डेले, पाप जाट्‍चको पट्‍ट न पापौ कमारा हो।

प्रेरित 19:16

होसे दुष्‍टआत्‍मा लग्‍डीस्‍च भर्मी होखुरीक मीटाक फोर्‌जोछै राहार होखुरीक पट्‍टकी जुवार पछारीया। होटै होखुरीक होसे इमीङ नाङ्‍ग्‍या र घाइट्‍या छानार भोग्‍डीसा।

२ टीमोठी 2:26

इटजाट्‍न होखुरीक लाहा होसाङ राहार शैतानौ फन्‍डालकीङ भीस्‍की डुप्‍ले हीजैडेनाङ होखुरीककी शैतानै लहो कामौ लागी घोवार डामने।

टीटस 3:3

हीजैडेनाङ कान र पहीला होङ्‍च न मुर्‌ख, डेच मागन्‍डीच र बरालीस्‍च लेया। मासेछ बीचारकै र पट्‍ट खालुङ मोज मज्‍जाकै कानकी कमारा खास्‍नन्‍या। कानकी र फोको भर्मीकै झीर्‌नन्‍या र कान र होखुरीककी झीर्‌च जाट्‍नन्‍या।

१ पट्‍रुस 2:16

स्‍वतन्‍त्र भर्मीकै लेखा न जीवन बीटडीनी, टर नाको स्‍वतन्‍त्र ले डेयार कुसेर दुष्‍ट काम चहीँ माजाट्‍नी। बरु नाको परमेश्‍वरौ डासकै लेखा न जीवानी।

२ पट्‍रुस 1:4

इटजाट्‍न न होसकै प्रतिज्ञा जाट्‍च महान र बहुमुल्‍य वरदान कानकी याम्‍हने। इसे याखीयो कारन चहीँ इसे वरदान लकीङ नाखुरीक इसे संसारुङ भ्रष्‍ट इच्‍छाको लकीङ भोग्‍डीसार परमेश्‍वरौ स्‍वभावाङ सहभागी छान्‍नी डेयार हो।

२ पट्‍रुस 2:20

टर इडीक होखुरीकै कानुङ प्रभु र मुक्‍ति याछ येशू ख्रीष्‍टकी चीन्‍डीयार संसारुङ नास जाट्‍च दुष्‍ट कुराको लकीङ छुटकारा डुप्‍म र फेरी होसे न पापाङ फँसडीसार होच्‍यौ अधिनाङ पर्‌ले डेनाङ, होखुरीकुङ हालट अगाडीयुङ डेनाङ न्‍हुइङ झन मासेम्‍ह छान्‍ले।