२ पट्‍रुस 2:18 - पुर्वीय मगर

¹⁸ होखुरीकै घमन्‍डी र मुर्‌ख कुराको जाट्‍ले अनी व्‍यभिचारौ काम जाट्‍की छान्‍ने डेयार चाम-चाम मास्‍च काम लकीङ ल्‍हेस्‍च कोलाक फँसडीले।

२ पट्‍रुस 2:18 ပူးပေါင်းရင်းမြစ်များ

प्रेरित 2:40

अनी पत्रुसै होखुरीककी अरु धेरै कुराको लकीङ साक्षी याहा अनी इट डेयार अर्ती याहा, “इसे दुष्‍ट पुस्‍ता मीटाक राछ दण्‍डलकीङ नाखुरीकै लाहाकी जोगडीनी।”

प्रेरित 8:9

सीमोन म्‍यर्‌मीनुङ काट जना भर्मी होसे सहराङ लेया। होचे अघीलकीङ न होसे सहराङ जाडु जाटार सामरीयुङ भर्मीकोलाक अचम्‍म पार्‌नन्‍या र लाहा खुब बाड्‍को ल्‍हेस्‍नन्‍या।

२ ठेसलोनीकी 2:4

होचे लाहाकी न बाड्‍को खासार भर्मीकै परमेश्‍वर डेम आरमीट्‍च पट्‍ट न कुराकोलाक र पुजा जाट्‍च पट्‍ट न ठोकौ विरोध जाट्‍ले। होचे याङ्‍च सम्‍म जाट्‍ले की परमेश्‍वरौ मन्‍दिराङ पर्‍यार लहे लाहाकी न परमेश्‍वर डेले।

याकुब 5:5

नाखुरीक इसे पृथ्‍वीयुङ सुख-बीलास र मोजमज्‍जाङ मस्‍ट छानार ङुमने। बली याछ डीनौ लागी नाखुरीकै लाहाकी न पोसडीयार डामने।

२ पट्‍रुस 1:4

इटजाट्‍न न होसकै प्रतिज्ञा जाट्‍च महान र बहुमुल्‍य वरदान कानकी याम्‍हने। इसे याखीयो कारन चहीँ इसे वरदान लकीङ नाखुरीक इसे संसारुङ भ्रष्‍ट इच्‍छाको लकीङ भोग्‍डीसार परमेश्‍वरौ स्‍वभावाङ सहभागी छान्‍नी डेयार हो।

२ पट्‍रुस 2:14

होखुरीकुङ मीमीक सधैँ व्‍यभिचारी मास्‍टोको मीटाक मट्‍टै पर्‌ले र कुडीक पाप जाट्‍नाङ र होखुरीकुङ इच्‍छा पुरा माछान्‍ले। होखुरीकै विश्‍वासाङ कमजोर भर्मीकोलाक फँसडीले। होखुरीकुङ मीमनै लोभ जाट्‍कीयाङ न बानी जाटाक्‍च छान्‍ले। होटबाटै परमेश्‍वरौ सराप होखुरीक मीटाक न पर्‌ले।

२ पट्‍रुस 2:2

अनी धेरै जना भर्मीकै होखुरीकुङ झीर्‌न सेच लामकी डुट्‍ले र होखुरीकुङ कामै जाट्‍नाङ अरु भर्मीकै सत्‍यौ लामकी बडनाम जाट्‍ले।

२ पट्‍रुस 2:20

टर इडीक होखुरीकै कानुङ प्रभु र मुक्‍ति याछ येशू ख्रीष्‍टकी चीन्‍डीयार संसारुङ नास जाट्‍च दुष्‍ट कुराको लकीङ छुटकारा डुप्‍म र फेरी होसे न पापाङ फँसडीसार होच्‍यौ अधिनाङ पर्‌ले डेनाङ, होखुरीकुङ हालट अगाडीयुङ डेनाङ न्‍हुइङ झन मासेम्‍ह छान्‍ले।

२ पट्‍रुस 2:7

परमेश्‍वरै लहो म्‍याहासाङ ठीक ठहरीस्‍च लोटकी चहीँ जीवाटाका। लोटै छाडा भर्मीकुङ झीर्‌न सेच बानी बेहोरा डाङार मीमन बीकाक्‍ङन्‍या।

२ पट्‍रुस 3:17

ङौ विश्‍वासी डाजेभाइको र डै बहीनीको, नाखुरीकै इसे पट्‍ट न कुराको अगाडी न वार्‌न्‍ह भ्‍यामने। होटबाटै दुष्‍ट भर्मीकै नाखुरीककी अलमलडीकी माय्‍होक्ख्‍यो डेयार होसीयार छान्‍नी अनी लहे टेक्‍डीच ठाउँ लकीङ नाखुरीक माकुर्‍हुले।

यहुडा 1:13

होखुरीक समुन्‍द्रौ बीर्‍हीमसेच डीयो छाल ल्‍याक्‍च न ले, होखुरीकै लहौ झीर्‌न सेच कुराको समुन्‍द्रौ घोचोस लेखा न बाहीर छ्‍युक्‍ले। होखुरीक लाम म्‍य्‍हाक्‍च टुगाको ल्‍याक्‍च न ले, होखुरीकुङ लागी नरकाङ बीर्‍हीमसेच छुम छुम डाङ्‍च ठाउँ सधैँभरीयो लागी टयार खासार डामने।