२ पट्‍रुस 2:14 - पुर्वीय मगर

¹⁴ होखुरीकुङ मीमीक सधैँ व्‍यभिचारी मास्‍टोको मीटाक मट्‍टै पर्‌ले र कुडीक पाप जाट्‍नाङ र होखुरीकुङ इच्‍छा पुरा माछान्‍ले। होखुरीकै विश्‍वासाङ कमजोर भर्मीकोलाक फँसडीले। होखुरीकुङ मीमनै लोभ जाट्‍कीयाङ न बानी जाटाक्‍च छान्‍ले। होटबाटै परमेश्‍वरौ सराप होखुरीक मीटाक न पर्‌ले।

२ पट्‍रुस 2:14 ပူးပေါင်းရင်းမြစ်များ

मत्ती 12:34

ए बीसालु बुलौ मीजाको! दुष्‍ट छानार नाखुरीक कुटजाट्‍न सेछ कुरा ङाक्‍की य्‍होक्‍ले? मीमनाङ हीये न्‍हेप्‍मने होसे कुराको न मेङेरीङ बाहीर ख्‍योल्‍हे।

मत्ती 23:14

[“धिक्‍कार नाखुरीककी, धर्मगुरुको र फरीसीको, कपटीको! नाखुरीकै बीढुवाकुङ इम स्‍याट्‍न याल्‍हे र लहाकी धर्मी हो डेम टान्‍हाक्‍कीयो लागी लोलोट्‍च प्रार्थना जाट्‍ले। होटबाटै अरुये डेनाङ नाखुरीकै वास्‍टै दन्‍ड डुप्‍ले।]

मत्ती 25:41

“होटै होसकै लहो डेबर्‌या पट्‍टी लेचकोलाक डेले, ‘ए परमेश्‍वरौ सराप पर्च भर्मीको! ङा लकीङ नुङ्‍की क्‍योट्‍नी, शैतान र होच्‍यो दूतकोलाक तयार जाट्‍च सेन्‍र मासीच म्‍हेयाङ नुङ्‍नी!

मत्ती 5:28

टर ङा नाखुरीककी डेले, सुयेर कुसे मास्‍टोकी मासेछ विचारै ङोस्‍ले, होचे अघीलकीङ न लहो मीमनाङ होसे खाटा व्‍यभिचार जाट्‍न भ्‍याच छान्‍ले।

मर्कूस 13:22

हीजैडेनाङ झुटो ख्रीष्‍टको र झुटो अगमवक्‍ताको ख्‍योम्‍ह राल्‍हे। अनी परमेश्‍वरै चुन्‍डीच कोलाक ढाट्‍डीकी डेम य्‍होक्‍ठर होखुरीकै चीन्‍हको र अचम्‍मौ कामको जाट्‍ले।

युहन्‍ना 5:44

नाखुरीक लाहा-लहीङ प्रशंसा डुप्‍की मीमन जाट्‍ले, टर काट मट्‍टै परमेश्‍वर लकीङ डुप्‍च प्रशंसा चहीँ मापाले डेनाङ नाखुरीकै कुटजाट्‍न विश्‍वास जाट्‍की य्‍होक्‍ले र?

याकुब 1:8

हीजैडेनाङ याङ्‍च भर्मी डोढार्‌या मीमन लेच र पट्‍ट न कुराङ चन्‍चल्‍या छान्‍ले।

२ पट्‍रुस 2:18

होखुरीकै घमन्‍डी र मुर्‌ख कुराको जाट्‍ले अनी व्‍यभिचारौ काम जाट्‍की छान्‍ने डेयार चाम-चाम मास्‍च काम लकीङ ल्‍हेस्‍च कोलाक फँसडीले।

२ पट्‍रुस 2:3

लोभाङ पर्‌यार होसे झुटो शिक्षकै कुरा खासार नाखुरीक लकीङ फाइडा लाले। पहीला न होखुरीकुङ न्‍याय छान्‍न भ्‍यामने र होखुरीक साच्‍चीँ न नास छान्‍की न पर्‌ले।

२ पट्‍रुस 3:16

पावलै रीक्‍च पट्‍ट न चीठीयाङ इसे न कुराको रीक्‍ङने। होचे रीक्‍च कुडीक कुराको बुझडीस्‍की गार्‍हो छान्‍ले। ठोरै परेस्‍चको र चन्‍चले भर्मीकै इसे कुराकी उल्‍टो अर्थ र लैडीले। होखुरीकै अरु धर्मशास्‍त्रौ र होटजाट्‍न न अर्थ लैडीले। इटजाट्‍न होखुरीकै लाहाकी न नास जाट्‍ले।

१ युहन्‍ना 2:16

हीजैडेनाङ संसाराङ लेच पट्‍ट न कुराको, मीमीकौ लोभ, जीवनौ सेखी, शरीरौ मास्‍च इच्‍छा इसे कुराको चहीँ परमेश्‍वर बोइ लकीङ राछ होइन टर संसार लकीङ राछ हो।

यहुडा 1:11

होखुरीककी धिक्‍कार ले! हीजैडेनाङ होखुरीक कयीनौ लामाङ व्‍हा। पैसौ लागी बालामै जाट्‍च मास्‍च कामौ लामकी डुटा। अनी कोरहै लेखा न होखुरीकै विरोध जाटा र होखुरीक होसे लेखा न नास छान्‍ने।