२ पट्‍रुस 1:2 - पुर्वीय मगर

² परमेश्‍वर र काल्‍हौ प्रभु येशूकी चीन्‍डीचबाटै नाखुरीककी अनुग्रह र शान्‍ति प्रशस्‍त खाटा छान्‍चै नुख्‍यौ।

२ पट्‍रुस 1:2 ပူးပေါင်းရင်းမြစ်များ

लुका 10:22

“ङौ बोये ङाकी पट्‍ट कुराको जीम्‍मा याम्‍हे। बोये बाहेक मीजाकी सुयेर माचीन्‍डीले। बोइ सु आले डेम मीजै बाहेक सुयेर माचीन्‍डीले र मीजै बोइकी सु सुकी चीन्‍डीयाक्‍ले होसे भर्मीकै बाहेक सुयेर चीन्‍डीकी माय्‍होक्‍ले।”

युहन्‍ना 17:3

अब सेन्‍र मासीच जीवन डेच इसे न हो, नाको काट मट्‍टै सत्‍य परमेश्‍वर हो डेम चीन्‍डीकी, र नाकै बीर्‌न्‍हकाच येशू ख्रीष्‍टकी र चीन्‍डीकी हो।

१ पट्‍रुस 1:2

अघीलकीङ न लहो योजना अनुसार परमेश्‍वर बोये नाखुरीककी लहो न पवित्र भर्मीको छान्‍कीयो लागी चुन्‍डीच हो। येशू ख्रीष्‍टौ य्‍हुये पवित्र छानार होसकुङ न आज्ञा नाखुरीकै मन्‍डीकी य्‍होक्‍नी डेयार नाखुरीककी आत्‍मालकीङ लहौ खासा। नाखुरीकखाटा अनुग्रह र शान्‍ति प्रसस्‍त छान्‍न ङुख्‍यौ।

२ पट्‍रुस 1:3

सेछ जीवन जीवाकी चहडीस्‍च पट्‍ट न कुरा परमेश्‍वरौ शक्‍तिये डुप्‍मने हीजैडेनाङ लहो महीमा र भलाइ लकीङ आर्‌घाच परमेश्‍वरकी कानै चीन्‍डीमने।

२ पट्‍रुस 1:5

इटबाटै य्‍होक्‍ठर नाखुरीकुङ विश्‍वासाङ भलाइ फाट्‍नी र भलाइयाङ ज्ञान फाट्‍नी,

२ पट्‍रुस 1:8

नाखुरीककी चहडीस्‍च कुराको इसे न हो, अनी इसे कुराको प्रशस्‍त ले डेनाङ नाखुरीकै कानुङ प्रभु येशू ख्रीष्‍टौ ज्ञानाङ वास्‍टै मीस्‍या स्‍याटाक्‍च छान्‍ले।

२ पट्‍रुस 2:20

टर इडीक होखुरीकै कानुङ प्रभु र मुक्‍ति याछ येशू ख्रीष्‍टकी चीन्‍डीयार संसारुङ नास जाट्‍च दुष्‍ट कुराको लकीङ छुटकारा डुप्‍म र फेरी होसे न पापाङ फँसडीसार होच्‍यौ अधिनाङ पर्‌ले डेनाङ, होखुरीकुङ हालट अगाडीयुङ डेनाङ न्‍हुइङ झन मासेम्‍ह छान्‍ले।

२ पट्‍रुस 3:18

टर कानुङ प्रभु र मुक्‍ति याछ येशू ख्रीष्‍टौ अनुग्रह र ज्ञानाङ ल्‍होङ्‍चै नुङ्‍नी। चाहाँ र सधैँभरी होसकुङ न महीमा छान्‍ख्‍यौ। आमेन!

यहुडा 1:2

नाखुरीककी कृपा, शान्‍ति र प्रेम, प्रसस्‍त खाटा छान्‍चै नुङ्‍ख्‍यौ।