२ पट्‍रुस 1:19 - पुर्वीय मगर

¹⁹ होटबाटै अगमवक्‍ताकै प्रचार जाट्‍च बचनाङ कान अझै पक्‍का छानार भरोसा डाले। नाखुरीकै इसे कुराङ ढ्‍यान याखी सेम्‍ह छान्‍ले, हीजैडेनाङ इचे होसे डीन मार्‍हाठर र नाखुरीकुङ भीत्री रीदयाङ गोराकुङ टुगा फेरार माचम्‍कडीस्‍ठर छुम्‍ठाङ ढाच बट्‍टीयो काम जाट्‍ले।

२ पट्‍रुस 1:19 ပူးပေါင်းရင်းမြစ်များ

मत्ती 4:16

छुम्‍ठाङ ङुच भर्मीकै काट बाड्‍को ज्‍योति डाङ्‍नने। मृत्‍युओ छाया म्‍होकी ङुचको मीटाक होसे बाड्‍को ज्‍योति चम्‍कडीस्‍नने।”

युहन्‍ना 5:35

युहन्‍ना ढाम ङुच र ट्‍याङ्‍छ बट्‍टी ल्‍याक्‍च लेया, र नाखुरीकै काटछीन मट्‍टै होच्‍यो ट्‍याङ्‍ठाङ मार्‍हाङ्‍छ मीमन जाटा।

युहन्‍ना 5:39

नाखुरीक धर्मशास्‍त्राङ पाले, हीजैडेनाङ होला सेन्‍र मासीच जीवन डुप्‍ले डेम नाखुरीक आर्‌मीटले। टर ङौ बारेयाङ गबाही याछ होसे न धर्मशास्‍त्र हो।

युहन्‍ना 8:12

येशूये फेरी भर्मीकोलाक डेया, “संसारुङ ज्‍योति ङा न हो। ङाकी डुट्‍चये सेन्‍र छुम्‍ठाङ व्‍हाकी मापर्‌ले, टर होचे जीवन याछ ज्‍योति डुप्‍ले।”

प्रेरित 15:29

अब नाखुरीकै मूर्तिकी चढडीच ठोकको माज्‍याकी, य्‍हु माज्‍याकी, मीघाटी युकार साट्‍च पसुकुङ स्‍या माज्‍याकी र व्‍यभिचार माजाट्‍की। नाखुरीकै इसे कुराको पालना जाटा डेनाङ नाखुरीक पट्‍ट कोलाक सेम्‍ह छान्‍ने। लौ छीनीयो लागी बिदा छानीङ।

प्रेरित 17:11

होलुङ यहूदीको ठेसलोनीकेयुङ भर्मीकुङ डेनाङ होखुरीकुङ मीमन खुल्‍ला लेया। हीजैडेनाङ होखुरीकै साप्‍फी चासो जाटार बचन सेया र पावलै डेच कुराको खाट्‍ले की माखाट्‍ले डेयार डीन-डीनै धर्मशास्‍त्र परेसार जाच्‍डीमन्‍या।

याकुब 2:8

इडीक “लहौ छीमेकीकी लाहाकी लेखा न प्रेम जाट्‍नी” डेच धर्मशास्‍त्राङ रीक्‍च परमेश्‍वरौ राज्‍यौ नीयमकी साँची न मन्‍डीले डेनाङ नाखुरीकै ठीक काम जाट्‍ले।

१ पट्‍रुस 1:10

नाखुरीकै डुप्‍च इसे मुक्‍तियो बारेयाङ अगमवक्‍ताकै पा र छानबीन जाटा अनी परमेश्‍वरै नाखुरीककी याछ अनुग्रहौ बारेयाङ खायाक न डेम भ्‍यामन्‍या।

१ युहन्‍ना 5:10

होटबाटै सुये परमेश्‍वरौ मीजा मीटाक विश्‍वास जाट्‍ले, होचे परमेश्‍वरै डेच कुराङ विश्‍वास जाट्‍ले। टर परमेश्‍वराङ विश्‍वास माजाट्‍चये चहीँ होसकुङ साक्षीकी न झुटो खास्‍ले। हीजैडेनाङ परमेश्‍वरै लहो मीजौ बारेयाङ याछ साक्षीकी होचे विश्‍वास माजाट्‍ले।

३ युहन्‍ना 1:6

होखुरीकै मण्‍डलीयो म्‍याहासाङ नीये जाट्‍च प्रेमौ बारेयाङ सेटाक्‍ङने। नाकै परमेश्‍वरकी जाक्‍ङ सेच कीसीमै होखुरीकुङ नुङ्‍च लामाङ सहायता जाट्‍न याहा डेनाङ झन सेम्‍ह छान्‍ले।