२ पट्‍रुस 1:17 - पुर्वीय मगर

¹⁷ परमेश्‍वर बोये होसकोकी आडर र महीमा जाट्‍नाङ अनी “इसे ङौ प्‍यारो जाक्‍ङ सेच मीजा हो, इसे खाटा ङा साप्‍फी मार्‍हाङ्‍ने” डेयार बाड्‍को शक्‍तिसाली महीमा लकीङ होसकोकी सोर रान्‍हाङ कान होला लेया।

२ पट्‍रुस 1:17 ပူးပေါင်းရင်းမြစ်များ

मत्ती 12:18

“इसे ङौ सेवक हो, इसकी ङै भाक्‍ङ ने, इसकी ङा माया जाट्‍ले, इसे खाटा ङा मार्‍हाङ्‍ने, ङा ङौ आत्‍मा इसे मीटाक व्‍हाक्‍ङ याल्‍हे, अनी होचे न पट्‍ट न जाटीकोलाक न्‍यायौ घोसना जाट्‍ले।

मत्ती 17:3

अनी होडीक न बेला होला होखुरीकै येशूखाटा मोशा र एलीया ङाक्‍ङ ङुच डाङा।

मत्ती 17:5

पत्रुसै ङाक्‍नाङ-ङाक्‍नाङ न फोक्‍सा बोच डेबु राहार होच्‍यो छायै होखुरीककी हुपा। डेबु भीत्रीलकीङ काट सोर राहा, “इसे ङौ जाक्‍च मीजा हो, इसे खाटा ङा सार्‍है मार्‍हाङ्‍ङने, इच्‍यो कुरा सेनी।”

मत्ती 28:19

होटबाटै नुङ्‍नी, र पट्‍ट जाटीकुङ भर्मीकोलाक चेलाको खास्‍नी, अनी परमेश्‍वर बोइ, मीजा र पवित्र आत्‍मौ म्‍यार्‌मीनाङ बप्‍तिस्‍मा यान्‍ही।

मत्ती 3:17

अनी होडीक न बेला स्‍वर्ग लकीङ याङ्‍च आवाज सेया, “इसे ङौ जाक्‍ङ सेच मीजा हो, ङा इसे खाटा साफ्‍फी मार्‍हाङ्‍ने।”

मर्कूस 1:11

होटै स्‍वर्ग लकीङ याङ्‍च आवाज राहा, “नाको ङौ जाक्‍ङ सेच मीजा हो, नाको खाटा ङा साप्फी मार्‍हाङने।”

मर्कूस 9:7

होडीक न बेला डेबु राहा र होखुरीक मीटाक छाया पर्‌या। होटै डेबु भीत्री लकीङ काट आवाज राहा, “इसे ङौ मीजा हो, इसकी ङा जाक्‍ले। इचे डेच नाखुरीकै सेनी।”

लुका 10:22

“ङौ बोये ङाकी पट्‍ट कुराको जीम्‍मा याम्‍हे। बोये बाहेक मीजाकी सुयेर माचीन्‍डीले। बोइ सु आले डेम मीजै बाहेक सुयेर माचीन्‍डीले र मीजै बोइकी सु सुकी चीन्‍डीयाक्‍ले होसे भर्मीकै बाहेक सुयेर चीन्‍डीकी माय्‍होक्‍ले।”

लुका 3:22

होटै पवित्र आत्‍मा ढुकुर लेखा होसको मीटाक बाम्‍ह राहा। होटै स्‍वर्ग लकीङ याङ्‌च आवाज राहा, “नाको ङौ प्‍यारो मीजा हो, नाको खाटा ङा सार्‍है मार्‍हाङ्‌ने।”

युहन्‍ना 10:15

कुटजाट्‍न बोये ङाकी सेम्‍हजा चीन्‍डीले ङा र बोइकी सेम्‍हजा चीन्‍डीले। अनी ङा भेडाकुङ लागी ङाल्‍हौ प्राण र याल्‍हे।

युहन्‍ना 10:36

ङाकी परमेश्‍वर बोये लहो काम पुरा जाट्‍की डेम ङाकी चुन्‍डीयार संसाराङ बीर्‌न्‍हकाच हो। होटडेनाङ ङा परमेश्‍वरौ मीजा हो डेनाङ नाखुरीकै कुटजाट्‍न ङै परमेश्‍वरौ निन्‍दा जाटा डेकी य्‍होक्‍ले?

युहन्‍ना 14:11

ङा बोइखाटा ले र बोइ ङाखाटा ले डेच कुरा विश्‍वास जाट्‍नी। नभा ङै जाट्‍च अचम्‍मौ कामको ङोसार ङाकी विश्‍वास जाट्‍नी।

युहन्‍ना 14:6

येशूये होसकी डेया, “लाम, सत्‍य र जीवन ङा न हो। ङा लकीङ बाहेक कुसे भर्मी र बोइ लेठाङ राखी माय्‍होक्‍ले।

युहन्‍ना 17:21

होखुरीक पट्‍ट न काट छान्‍ख्‍यौ। ए बोइ, कुटजाट्‍न नाको ङाखाटा ले, र ङा नाकोखाटा ले, होटजाट्‍न न होखुरीक र कानखाटा काट न छान्‍ख्‍यौ, होटबाटै नाकै ङाकी बीर्‌न्‍हकाच हो डेयार संसारुङ भर्मीकै विश्‍वास जाट्‍ले।

युहन्‍ना 20:17

येशूये होसकी डेया, “ङाकी घोम माडानी, हीजैडेनाङ ङा चाहाँसम्‍म बोइ लेठाङ मानुङ्‍ङने। टर ङौ चेलाको लेठाङ नुङार होखुरीककी डेम यान्‍ही, ‘ङौ बोइ र नाखुरीकुङ बोइ, ङौ परमेश्‍वर र नाखुरीकुङ परमेश्‍वर लेठाङ ङा नुङ्‍ङन ले।’”

युहन्‍ना 3:35

अनी बोये लहो मीजाकी माया जाट्‍ले, र पट्‍ट न ठोक होसकुङ मीहुटाङ याम्‍हने।

युहन्‍ना 5:20

हीजैडेनाङ परमेश्‍वर बोये लहो मीजाकी माया जाट्‍ले, र होसको लहे जाट्‍च पट्‍ट न कामको मीजाकी टान्‍हाक्‍ङ याल्‍हे। इसे डेनाङ बा-बाड्‍सो कामको बोये मीजाकी टान्‍हाक्‍ले, र नाखुरीक पट्‍ट न छक्‍क पर्‌ले।

युहन्‍ना 5:26

परमेश्‍वर बोइ खाटा जीवन याछ शक्‍तिले, होसे न शक्‍ति होसकै लहो मीजाकी र याम्‍हने।

युहन्‍ना 6:27

नास छानार नुङ्‍च ज्‍याच ठोकौ लागी काम माजाट्‍नी, टर सेन्‍र मासीच जीवन याछ ज्‍याच ठोकौ लागी काम जाट्‍नी। इसे सेन्‍र मासीच जीवन याछ ज्‍याच ठोक नाखुरीककी भर्मीयो मीजै याल्‍हे हीजैडेनाङ परमेश्‍वर बोये इसे कामौ लागी होसकोकी अधिकार याम्‍हने।”

युहन्‍ना 6:37

बोये ङाकी याछको पट्‍ट न ङा लेठाङ राल्‍हे, र ङा लेठाङ राछको चहीँ सुकीर ङा ल्‍हेट्‍न माकाले।

युहन्‍ना 6:39

ङाकी बीर्‌न्‍हकाचौ इच्‍छा इसे न हो, होसकै ङाकी याछको मढ्‍याङ सुकीर माम्‍हास्‍की, टर होखुरीककी अन्‍टीम डीनाङ सीच लकीङ जीवाटाक्‍की हो।

२ युहन्‍ना 1:3

परमेश्‍वर बोइ र होसकुङ मीजा येशू ख्रीष्‍टै कानकी अनुग्रह, कृपा र शान्‍ति याख्‍यौ। पट्‍ट न सत्‍यता र प्रेमाङ इसे कानुङ छान्‍ख्‍यौ।

यहुडा 1:1

ङा येशू ख्रीष्‍टौ डास र याकुबौ भाइ यहूदा लकीङ। परमेश्‍वर बोये चुन्‍डीयार प्रेम जाट्‍च, र येशू ख्रीष्‍टौ लागी सुरक्षा याछ नाखुरीक पट्‍टकी ङा इसे चीठी रीक्‍ङन ले।