२ युहन्‍ना 1:5 - पुर्वीय मगर

⁵ ए मास्‍टो भर्मी, ङै नाकोकी कुसेर नयाँ आज्ञा रीक्‍च होइन। टर सुरुलकीङ न कान खाटा लेच आज्ञा अनुसार ङा नाकोकी बिन्‍ती जाट्‍ले, कान पट्‍टको काटै काट्‍की प्रेम जाटीङ।

२ युहन्‍ना 1:5 ပူးပေါင်းရင်းမြစ်များ

युहन्‍ना 15:12

“ङै याछ आज्ञा इसे न हो, कुटजाट्‍न ङै नाखुरीककी माया जाटा, होटजाट्‍न न नाखुरीकै र काटै काट्की माया जाट्‍नी।

युहन्‍ना 15:17

ङा नाखुरीककी इसे आज्ञा याल्‍हे, नाखुरीकै काटै काट्‌की माया जाट्‍नी।

१ ठेसलोनीकी 4:9

टर विश्‍वासी डाजेभाइ कोलाक माया जाट्‍की पर्‌ले डेच कुरा च नाखुरीककी रीक्‍ङ ङुकी मापर्‌ले। परमेश्‍वर लहे न नाखुरीककी लाहा-लाहाङ माया जाट्‍की पर्‌ले डेयार पाहाक्‍ङन्‍या।

१ पट्‍रुस 4:8

पट्‍ट डेनाङ वास्‍टै काटै काटकी साँचो प्रेम जाट्‍नी, हीजैडेनाङ प्रेमै न हील्‍की माय्‍होक्‍च पापको हुप्‍ले।

२ पट्‍रुस 1:7

भक्‍टीयाङ विश्‍वासी डाजेभाइकुङ दया र दयाङ पट्‍टकी जाट्‍च प्रेम फाट्‍नी।

१ युहन्‍ना 3:11

नाखुरीकै सुरुलकीङ न सेच खबर इसे न हो, “काल्‍है, काटै काट्‍की प्रेम जाट्‍की पर्‌ले।”

१ युहन्‍ना 3:23

होसकुङ आज्ञा चहीँ परमेश्‍वरौ मीजा येशू ख्रीष्‍टौ म्‍यार्‌मीनाङ विश्‍वास जाट्‍की र ख्रीष्‍टै याछ आज्ञा अनुसार काटै काट्‍की प्रेम जाट्‍की न हो।

१ युहन्‍ना 4:20

इडीक सुयेर “ङा परमेश्‍वरकी प्रेम जाट्‍ले” डेले, टर लहो डाजेभाइको र डै बहीनीकोलाक हेला जाट्‍ले डेनाङ होसे झुटो हो। हीजैडेनाङ लहे डाङ्‍च लहौ डाजेभाइको र डै बहीनीकोलाक न प्रेम माजाट्‍चये झन माडाङ्‍च परमेश्‍वरकी कुटजाट्‍न प्रेम जाट्‍की य्‍होक्‍ले?

२ युहन्‍ना 1:1

ङा मण्‍डलीयुङ अगुवै परमेश्‍वर लकीङ चुन्‍डीच मास्‍टो भर्मी र होच्‍यो मीजाकोलाक, इसे चीठी रीक्‍ङन ले। ङा नाखुरीककी साँचो रुपाङ प्रेम जाट्‍ले। ङै मट्‍टै होइन टर सत्‍यकी चीन्‍डीचको पट्‍टकै नाखुरीककी प्रेम जाट्‍ले।