१ टीमोठी 6:18 - पुर्वीय मगर

¹⁸ भलाइ जाट्‍च काम जाट्‍की, भलाइ छान्‍च कामाङ धनि छान्‍की, मीमन फोस्‍च र अरुकोलाक पुङ्‍ङ याछ छान्‍की डेनी।

१ टीमोठी 6:18 ပူးပေါင်းရင်းမြစ်များ

मत्ती 5:42

नाङखाटा ङेछकी योहो, र रीन लाकी मीमन जाट्‍चकी माय्‍हाले माडेकी।

लुका 12:21

इसे कुरा डेम भ्‍याच न्‍हुइङ येशूये डेया, “लहो लागी धन सम्‍पत्ति भेला जाट्‍च, टर परमेश्‍वरौ नजराङ धनी माछान्‍च भर्मीकोलाक याङ्‍च न छान्‍ले।”

लुका 3:11

युहन्‍नै होखुरीककी डेया, “लाहा खाटा नीस डौरा लेचये हीर मालेच कोलाक काट यान्‍ही। सु-सु खाटा ज्‍याच ठोक ले होखुरीकै र होट न जाट्‍नी डेम पाहाका।”

प्रेरित 10:38

नाखुरीककी थाहा न ले, परमेश्‍वरै नासरतुङ येशूकी पवित्र आत्‍मा र शक्‍तिये अभिषेक जाटा। अनी होसको सेछ काम जाट्‍चै र शैतानै सटडीच पट्‍ट कोलाक गेपाक्‍चै व्‍हा, हीजैडेनाङ परमेश्‍वर होसकोखाटा लेया।

प्रेरित 11:29

होटै याङ्‍च कुरा सेयार पट्‍ट न विश्‍वासीकै लाहा-लहे य्‍होक्‍ठर यहूदियाङ ङुच डाजे-भाइकुङ सहायटौ लागी भेटी याम्‍हकाच नीस्‍चय जाटा।

प्रेरित 9:36

योप्‍पा सहराङ टबीटा म्‍यार्‌मीनुङ काट जना प्रभुवाङ विश्‍वास जाट्‍च मास्‍टो भर्मी लेया। ग्रीक भासाङ होसकी (डोरकास डेले र होच्‍यौ अर्थ चहीँ हरीनी हो।) होसे सधैँ सेछ कामाङ र गरीबकोलाक सहायटा जाट्‍कीयाङ लग्‍डीस्‍न ङुम्‍या।

१ टीमोठी 5:10

होखुरीकै सेछ काम जाटार म्‍यार्‌मीन क्‍योस्‍च छान्‍की पर्‌ले। लहो मीजाकोलाक सेम्‍ह होरोक्‍च, र पाहुनाकोलाक मान जाट्‍च, परमेश्‍वरौ पवित्र भर्मीकुङ मीकु हुरार सेवा जाट्‍च, डुखवाङ पर्‌चकोलाक सहायटा जाट्‍च र सेछ कामाङ लहो मीमन लैडीच छान्‍की पर्‌ले।

टीटस 2:14

येशू ख्रीष्‍टै लहो जीवन वलिदान याहार कानकी पट्‍ट न खाल्‍या पापलकीङ छुट्कारा याहा। अनी होसकै कानकी पवित्र खास्‍कीयो लागी लहो जाटी खासा र सेछ काम जाट्‌की जोसीलो पार्‌या।

टीटस 3:8

इसे कुरा साँच्‍ची न हो। परमेश्‍वराङ विश्‍वास जाट्‍चकै जटी सेछ काम जाट्‍कीयो लागी ढ्‍यान याख्‍यौ डेयार नाकै जोड याछ ङा मीमन जाट्‍ले। इसे सेछ काम जाट्‍की पट्‍ट न भर्मीकोलाक पट्‍ट डेनाङ फाइडा छान्‍च कुरा हो।

याकुब 2:5

ङौ विश्‍वासी डाजेभाइको र डै बहीनीको सेनी! ही परमेश्‍वरै संसाराङ लेच गरीब भर्मीकोलाक विश्‍वासाङ धनी खास्‍की र प्रतिज्ञा जाट्‍च राज्‍य होसकोकी प्रेम जाट्‍चकोलाक याखी डेयार चुन्‍डीच होइन र?

१ पट्‍रुस 3:11

होसे मास्‍च काम लकीङ ल्‍हेसार सेछ काम जाट्‍की पर्‌ले। होचे शान्‍तिकी पाकी पर्‌ले र होसकी न डुट्‍की पर्‌ले।

१ युहन्‍ना 3:17

इडीक सुर खाटा संसारुङ धन-सम्‍पत्ति लेनाङ र होचे लहो विश्‍वासी डाजेभाइको र डै बहीनीकुङ खाँचो डाङ्‍नाङ र मीमन कठोर जाट्‍ले डेनाङ, परमेश्‍वरौ प्रेम होसेखाटा कुटजाट्‍न ङुले?

३ युहन्‍ना 1:11

ङौ जाक्‍च लाफा, मास्‍च कुरा सुलकीङ र मालाकी, टर सेछ कुराको मट्‍टै लाकी। सुये सेछ काम जाट्‍ले, होसे परमेश्‍वरौ भर्मी हो, सुये मासेछ काम जाट्‍ले, होचे परमेश्‍वरकी माचीन्‍डीमने।