१ टीमोठी 6:17 - पुर्वीय मगर

¹⁷ चाहाँ इसे संसाराङ धनि छान्‍च भर्मीकोलाक घमन्‍ड माजाट्‍की डेनी। हीजैडेनाङ होसे धन सम्‍पत्ति सधैँभरी माङुले, टर कानुङ सुखौ लागी प्रशस्‍त खाटा पट्‍ट ठोक याछ परमेश्‍वर मीटाक न भरोसा डाकी डेनी।

१ टीमोठी 6:17 ပူးပေါင်းရင်းမြစ်များ

मत्ती 12:32

सुयेर भर्मीयो मीजौ विरुद्धाङ हीर डेया डेनाङ होसकी क्षमा छान्‍ले, टर सुयेर पवित्र आत्‍मौ विरुधाङ ङाका डेनाङ होसकी इसे युगाङ र राछ युगाङ र क्षमा माछान्‍ले।

मत्ती 19:23

अनी येशूये लहो चेलाकोलाक डेया, “साँच्‍ची न, ङा नाखुरीककी डेले, स्‍वर्गौ राज्‍याङ पर्‌की धनी भर्मीकी गार्‍हो छान्‍ले।

मत्ती 25:16

टब बाङा हजार सुनौ सीक्‍का डुप्‍च नोकरै तुरुन्‍तै नुङार ब्‍यापार जाटा र अरु बाङा हजार सीक्‍का कमडीया।

मत्ती 27:57

नाम्‍बीक्‍रखीङ अरीमाठीया सहरुङ योसेफ डेच काट जना धनी भर्मी राहा। होसे र येशूओ चेला छानन्‍या।

मत्ती 6:32

हीजैडेनाङ अन्‍यजातिकै टी इसे पट्‍ट न ठोकको पाले ट, नाखुरीकुङ स्‍वर्गाङ लेच बोये चहीँ नाखुरीककी इसे पट्‍ट न ठोकौ खाँचो ले डेम वार्‌ल्‍हे।

मर्कूस 10:24

होसकै डेच कुरा सेयार चेलाको अचम्‍म मन्‍डीया। टर येशूये फेरी होखुरीककी डेया, “ए भाइको, परमेश्‍वरौ राज्‍य भीत्री पर्‌की कुडीक गार्‍हो ले।

लुका 19:2

होला जखायस म्‍यार्‌मीन लेच काट जना धनी भर्मी लेया। होसे कर सोट्‍चको मढ्‌याङ बाड्‍को हाकीम लेया।

लुका 3:11

युहन्‍नै होखुरीककी डेया, “लाहा खाटा नीस डौरा लेचये हीर मालेच कोलाक काट यान्‍ही। सु-सु खाटा ज्‍याच ठोक ले होखुरीकै र होट न जाट्‍नी डेम पाहाका।”

प्रेरित 14:17

टर पनी होसकै सेन्‍र भलाइ जाट्‍च कामको जाट्‍की माडासा। होसकै सर्‌घालकीङ नामास राहाकार ठीक समयाङ उब्‍जनी जाटाक्‍ले। होसकै नाकोकी परसस्‍ट ज्‍याच ठोक जुटडीम याहार नाकुङ मीमनकी आनन्‍द ये न्‍हेपाक्‍ङ याल्‍हे। इटजाट्‍न परमेश्‍वरौ कामकै न होसकुङ साक्षी याल्‍हे।”

प्रेरित 14:27

जब होखुरीक एन्‍टीओखीयाङ टाराहा, टब मण्‍डलीयुङ विश्‍वासीकोलाक भेला जाटा, होटै न्‍हुइङ पावल र बारनाबासै परमेश्‍वरै होखुरीकुङ साठाङ जाट्‍च पट्‍ट न कामौ बयान जाटा र कुटजाट्‍न अन्‍यजातिकुङ लागी विश्‍वासौ लाम खोलीम याहा डेम सेटाका।

प्रेरित 17:25

होसकै हीर खाँचो पर्च लेखा जाटार भर्मीको लकीङ सेवा मालाले, बरु होसकै न पट्‍टकी जीवन, सास र पट्‍ट ठोक याल्‍हे।

१ ठेसलोनीकी 1:9

जब कान नाखुरीक लेठाङ राहा टब नाखुरीकै कुटजाट्‍न स्‍वागट जाट्‍नन्‍या, अनी मूर्ति पुजा जाट्‍की डासार जीवीत र साँचो परमेश्‍वर पट्‍टी ल्‍हेसार होसकुङ न सेवा जाट्‍चको छाना। याङ्‍च कुरा होखुरीक पट्‍ट भर्मीकै मेखुरीकै न डेले।

१ टीमोठी 1:3

ङा माकेडोनीया नुङ्नाङ नाकोकी एफीससाङ ङुनी डेयार ङै कर लैडीमन्‍या, होला कुडीक जनै झुटो शिक्षा पाहाक्‍ङन ले, होखुरीककी मापाहाक्‍की डेयार रोकडीकी नाको होला न ङुनी।

१ टीमोठी 3:15

इडीक ङा नाकोलेठाङ राखी ढीलो छाना डेनाङ र परमेश्‍वरौ परीवाराङ भर्मीकै कुङ्‍च व्‍यवहार जाट्‍की पर्च हो, होसे कुराको इसे चीठी लकीङ न वार्‌न्‍ह डानी। परमेश्‍वरौ परीवार चहीँ जीउँडो परमेश्‍वरौ मण्डली हो। इसे परमेश्‍वरौ मण्‍डली, सत्‍यौ जग र बलीयो खाँबा हो।

१ टीमोठी 4:10

होटबाटै कान सधैँ कडा मीहीनेट जाटार काम जाट्‍ले, हीजैडेनाङ कानुङ आशा जीउँडो परमेश्‍वराङ डामने, होसकै पट्‍ट न भर्मीकोलाक मुक्‍ति याखी य्‍होक्‍ले टर खास जाट्‍न होसको मीटाक विश्‍वास जाट्‍चकोलाक चहीँ हो।

१ टीमोठी 5:21

ङा नाकोकी परमेश्‍वर, ख्रीष्‍ट येशूओ म्‍याहासाङ र पवित्र स्‍वर्गदूतकुङ म्‍याहासाङ इसे शिक्षा मन्‍डीकी आज्ञा याल्‍हे। हीर पक्षपात माजाट्‍न इसे नीयमको मन्‍डीकी।

१ टीमोठी 6:13

पट्‍ट ठोककी जीवन याछ परमेश्‍वरौ र पन्‍तियस पिलातसौ म्‍याहासाङ साँचो साक्षी याछ ख्रीष्‍ट येशूओ अगाडी ङा नाकोकी इसे आज्ञा याम्‍हन ले,

१ टीमोठी 6:9

टर धनि छान्‍च मीमन जाट्‍च भर्मीको चहीँ परिक्षाङ फसडीस्‍ले। होखुरीक मुर्‌ख र हानी जाट्‍च इच्‍छाकुङ पासोवाङ पर्‌ले। अनी होसे खराब इच्‍छाकै जाट्‍नाङ होसकी बीर्‍हीमसेच नास छान्‍च ठावाङ टाहाक्‍ले।

२ टीमोठी 4:10

डेमासै संसारकी प्रेम जाट्‍न ङाकी डासार होसे थेसोलोनीके पट्‍टी नुङा। परमेश्‍वरौ कामौ लागी केरेसेन्‍स गलातीयाङ नुङा र तीतस चहीँ दलमातियाङ नुङा।

टीटस 2:12

इसे अनुग्रहये सुये लाहाकी अढीनाङ डार, परमेश्‍वरकी आदर माजाट्‍च होसे मास्‍च जीवन र संसारुङ चाहनाकी डासार इटै आलाक परमेश्‍वरौ म्‍याहासाङ होसकोकी आदर जाट्‍च भक्तिपुर्ण जीवन जीवाकी पाहाक्‍ले।

टीटस 3:6

परमेश्‍वरै मुक्‍ति याछ येशू ख्रीष्‍ट लकीङ कान मीटाक परसस्‍ट जाट्‍न पवित्र आत्‍मा याहा।

२ पट्‍रुस 1:11

होटजाट्‍न न कानुङ प्रभु र मुक्‍ति याछ येशू ख्रीष्‍टौ सधैँभरी ङुम-ङुच राज्‍याङ नाखुरीकै पर्च हक डुप्‍ले।