१ टीमोठी 6:14 - पुर्वीय मगर

¹⁴ नाकै प्रभु येशू ख्रीष्‍ट मार्‍हाठर परमेश्‍वरौ आज्ञाकी सेम्‍ह मन्‍डीकी, टा की नाकोकी सुयेर दोष लैडीकी माडीन्‍ख्‍यौ।

१ टीमोठी 6:14 ပူးပေါင်းရင်းမြစ်များ

१ ठेसलोनीकी 3:13

कानुङ प्रभु येशू लहो पवित्र भर्मीको खाटा रान्‍हाङ कानुङ परमेश्‍वर बोयो म्‍याहासाङ नाखुरीकुङ रीदयकी पवित्र र निर्दोष खासार बलीयो खास्‍न याख्‍यौ।

१ ठेसलोनीकी 5:23

शान्‍तियो परमेश्‍वर लहे न नाखुरीककी पवित्र डाख्‍यौ। कानुङ प्रभु येशू ख्रीष्‍ट फेरी रान्‍हाङ नाखुरीकुङ आत्‍मा, प्राण र शरीर निर्दोष छान्‍ख्‍यौ।

२ ठेसलोनीकी 2:1

ङौ डाजेभाइको र डै बहीनीको, कानुङ प्रभु येशू ख्रीष्‍ट फेरी राल्‍हे डेच बारेयाङ अनी होसकोकी डुप्‍की कान काठोहाङ भेला छान्‍ले डेच बारेयाङ नाखुरीककी डेले,

२ ठेसलोनीकी 2:8

होटै होसे व्‍यवस्‍था भङ्‍ग जाट्‍च भर्मी डाङ्‍ले। प्रभु येशू रान्‍हाङ होसकुङ ज्‍योटीयो शक्‍तिये होसकुङ मेङ्‍गेरुङ सासै होसकी नास जाट्‍ले।

१ टीमोठी 6:20

ए तिमोथी, परमेश्‍वरै नाकोकी कुसे कुरा जीम्‍मा याम्‍हने, होसकी सेम्‍ह जोगडीम डाकी। कुडीक जना भर्मीकै संसारुङ मुर्‌ख कुराकी ज्ञान डेयार मन्‍डीच झुटो कुरा लकीङ र जोगडीस्‍नी।

२ टीमोठी 4:1

परमेश्‍वरौ म्‍याहासाङ र जीउँडो र सीचकुङ न्‍याय जाट्‍की राछ ख्रीष्‍ट येशूओ म्‍याहासाङ, अनी होसको राहार राज्‍य जाट्‍ले डेच कुराकी जोड याहार ङा नाकोकी कडा आज्ञा याल्‍हे,

टीटस 2:13

होटजाट्‍न न कानै आशा डाच कुरा पुरा छान्‍च डीनौ लाम ङोस्‍ले। होसे डीनाङ कानुङ महान परमेश्‍वर र कानकी मुक्‍ति याछ येशू ख्रीष्‍टौ बाड्‍को महीमा डाङ्‍ले।

१ पट्‍रुस 1:19

टर नाखुरीककी ख्रीष्‍टौ बहुमुल्‍य य्‍हुये छुटकारा याहा। होसको हीर दोष मालेच र नीस्‍खोट भेडौ थुमा ल्‍याक्‍च न लेया।

१ पट्‍रुस 1:7

नाखुरीकुङ विश्‍वासौ इसे जाँच चहीँ, होसे म्‍हेयाङ खारीयार जाँच्‍डीच टर कायाक नास छानार नुङ्‍च सुन डेनाङ र वास्‍टै मुल्‍यवान ले। होटबाटै इडीक नाखुरीकुङ विश्‍वास साँचो ले डेनाङ जब येशू ख्रीष्‍ट राल्‍हे टब होडीक बेला नाखुरीक प्रशंसा, महीमा र आदरौ योग्‍य छान्‍ले।

२ पट्‍रुस 2:21

हीजैडेनाङ धार्मिकतौ लाम ठाहा छानार र होसे पवित्र आज्ञाकी होखुरीकै पालन माजाट्‍ले डेनाङ च होसे मावार्‌छ लेनाङ न होखुरीकुङ लागी सेम्‍ह छान्‍च लेया।

२ पट्‍रुस 3:14

होटबाटै ङौ विश्‍वासी डाजेभाइको र डै बहीनीको, नाखुरीक होसे डीनकी लेन्‍चको लेच बाटै परमेश्‍वरौ म्‍याहासाङ शुद्ध र निर्दोष छानार परमेश्‍वरखाटा शान्‍तियाङ ङुकी य्‍होक्‍ठर कोसीस जाट्‍नी।

२ पट्‍रुस 3:2

वास्‍टै वर्ष अगाडी पवित्र अगमवक्‍ताकै ङाक्‍च कुरा र प्रेरितकै डेच कानुङ प्रभुओ आज्ञा र होसकै मुक्‍ति याछ कुराकी आर्‌मीट्‍न ङुनी डेच मीमन जाट्‍ले।

१ युहन्‍ना 3:2

ङौ जाक्‍च लाफाको, चाँहा चहीँ काल्‍हाको परमेश्‍वरौ न मीजाको हो। टर पीहीन ही छान्‍ने, होसे च कानकी थाहा माले। टर इडीक कुरा वार्‌ल्‍हे, जब ख्रीष्‍ट राल्‍हे, टब कान र होसको ल्‍याक्‍च न छान्‍ले, हीजैडेनाङ होसको कुङ्‍च ले, कानै होङ्‍च न होसकोकी डाङ्‍ले।

यहुडा 1:24

अब परमेश्‍वर बोइ मेखोलै न नाखुरीककी पापाङ पर्‌की लकीङ जीवाटाक्‍की य्‍होक्‍ले, र पाप न मालेच नीस्‍कलङ्‍क खासार अनी बाड्‍को आनन्‍द खाटा लहौ महीमौ अघी आल्‍खी य्‍होक्‍ले,