१ टीमोठी 6:12 - पुर्वीय मगर

¹² र लहो विश्‍वासौ जीवनाङ बड्‍डीस्‍चै नुङ्‍नाङ सेन्‍र मासीच जीवनकी घोम ङुनी, हीजैडेनाङ होच्‍यौ न लागी परमेश्‍वरै नाकोकी आर्‌घाच हो। अनी नाकै वास्‍टै भर्मीकुङ म्‍याहासाङ लहो विश्‍वासौ साक्षी र याम्‍हने।

१ टीमोठी 6:12 ပူးပေါင်းရင်းမြစ်များ

१ ठेसलोनीकी 2:12

नाखुरीकुङ चालचलन परमेश्‍वरकी जाक्‍ङ सेच छान्‍ख्‍यौ डेयार कानै उत्‍साह याल्‍हे र अर्ती याल्‍हे र पाहाक्‍ले। हीजैडेनाङ नाखुरीककी होसकुङ लहौ राज्‍य र महीमाङ आर्‌घाले।

२ ठेसलोनीकी 2:14

इच्यौ न लागी कानै सेटाक्‍च सेछ समाचारलकीङ कानुङ प्रभु येशू ख्रीष्‍टौ महीमा डुप्‍की डेयार होसकै नाखुरीककी आर्‌घाच हो।

१ टीमोठी 1:18

ए मीजा तिमोथी, पहीलालकीङ न नुओ बारेयाङ अगमवाणीको लकीङ ङाक्‍च बचन अनुसार ङा नाङ्‍की इसे आज्ञा याम्‍ह न ले। नाकुङ बारेयाङ ङाक्‍च बचन आर्‌मीटार असल लडाइँ जाटो।

१ टीमोठी 1:19

नाकै लहो विश्‍वास र सेछ बीबेककी माडास्‍की। हीजैडेनाङ बीबेकै डेच कुरा मागन्‍डीनाङ कुडीक जनौ विश्‍वास न नस्‍ट छानार नुङा।

१ टीमोठी 4:14

नाकै डुप्‍च वरदानकी हीर काम मालक्‍डीच माआर्‌मीट्‌की, होसे वरदान मण्डलीयुङ अगुवाकै होखुरीकुङ मीहुट नाको मीटाक डार प्रार्थना जाट्‍नाङ अगमवाणी लकीङ नाकै डुप्‍च हो।

१ टीमोठी 6:13

पट्‍ट ठोककी जीवन याछ परमेश्‍वरौ र पन्‍तियस पिलातसौ म्‍याहासाङ साँचो साक्षी याछ ख्रीष्‍ट येशूओ अगाडी ङा नाकोकी इसे आज्ञा याम्‍हन ले,

१ टीमोठी 6:19

इट जाट्‍नाङ होखुरीकै पीहीन राछ लहो जीवनाङ काम लग्‍डीस्‍च धन सम्‍पत्ति जगौ रुपाङ जम्‍मा जाट्‍ख्‍यौ, अनी होखुरीकै साँचो जीवन डुप्‍की य्‍होक्‍ले।

२ टीमोठी 1:9

परमेश्‍वरै न कानकी जीवाका र लहो न भर्मी छान्‍की कानकी आर्‌घा। काल्‍है जाट्‍च कामौ आधाराङ होइन, टर मेखोल्‍हौ न इच्‍छा र अनुग्रहौ आधाराङ याङ्‍च जाट्‍च हो। इसे चहीँ सृष्‍टि छान्‍की डेनाङ अघीलकीङ न काल्‍हाकी ख्रीष्‍ट येशूये याछ अनुग्रह हो।

२ टीमोठी 2:2

ङै वास्‍टै भर्मीकुङ म्‍याहासाङ नाकोकी पाहाक्‍च कुराको, अरु पाहाक्‍की य्‍होक्‍च विश्‍वासयोग्‍य भर्मीकोलाक र पाहाको।

२ टीमोठी 4:7

ङै पट्‍ट डेनाङ सेछ विश्‍वासौ लडाइ जाट्‍न भ्‍यामने। ङै खेर्‌च काम भ्‍यामने, र ङौ विश्‍वासकी ङै ढान्‍न डामने।

१ पट्‍रुस 3:9

सुयेर मासेछ जाटाडेनाङ होसकी नाखुरीकै बडला मालानी, सरापडीया डेनाङ र मासरापडीनी। टर होच्‍यौ सट्‍टा आसीस यान्‍ही हीजैडेनाङ इच्यौ लागी न नाखुरीककी परमेश्‍वरै आर्‌घाच हो, की नाखुरीकै आसीस डुप्‍की य्‍होक्‍नी।

१ पट्‍रुस 5:10

टर पट्‍ट न अनुग्रह लेच परमेश्‍वरै ख्रीष्‍टाङ लहौ सधैँभरीयो महीमौ लागी नाखुरीककी आर्‌घाम ने। होटबाटै नाखुरीकै कालाप बेर कष्‍ट भोग्‍डीच न्‍हुइङ होसकै न नाखुरीककी फेरी नयाँ खास्‍ले अनी शक्‍ति याहार बलीयो र शक्‍तिसाली खास्‍ले।

१ युहन्‍ना 2:25

अनी मीजै याल्‍हे डेयार काल्‍हा खाटा जाट्‍च प्रतिज्ञा चहीँ सेन्‍र मासीच जीवन न हो।

यहुडा 1:3

ङौ विश्‍वासी डाजेभाइ र डै बहीनीको, काल्‍हा पट्‍टकै डुप्‍च मुक्‍तियो बारेयाङ नाखुरीककी रीक्‍की सार्‍है मीमन सेया, टर अब परमेश्‍वरै लहौ पवित्र भर्मीकोलाक काखेपाङ न सढैंभरीयो लागी याछ विश्‍वासकी सेम्‍ह जोगडीयार डाकी डेच बारेयाङ र नाखुरीककी उत्‍साह याहार रीक्‍की न पर्‌ले डेम ङाकी आवस्‍यक सेया।