१ टीमोठी 5:17 - पुर्वीय मगर

¹⁷ मण्डलीकी सेम्‍ह ङोस्‍च अगुवाकोलाक डोबर आदर छान्‍की पर्‌ले। खास जाटार परमेश्‍वरौ बचन प्रचार जाट्‍च र पाहाक्‍च कामाङ परीसरम जाट्‍चकै चहीँ इसे डुप्‍की न पर्‌ले।

१ टीमोठी 5:17 ပူးပေါင်းရင်းမြစ်များ

मत्ती 24:25

“ङोस्‍नी, ङै नाखुरीककी इसे कुरा अघीलकीङ न डेम याम्‍हने।

लुका 10:7

होखुरीकै याछ ज्‍यामा गामा ज्‍यार होसे इमाङ न ङुनी। हीजैडेनाङ य्‍हामीये लहो ज्‍याला डुप्‍की ज्‍योस्‍ले टर इम-इम व्‍हाम माङुनी।

लुका 12:42

होखुरीककी प्रभुये इट डेया, “होसे विश्‍वासीलो र बुद्धिमानी भन्‍डार्‍या सु हो, होसकी न होच्‍यौ मालीकै लहो इमुङ पट्‍ट न कामको जीम्‍मा याल्‍हे र अरु नोकरकोलाक नीस्‍चीट समयाङ होखुरीकुङ भाकाङ पर्च ज्‍याच ठोक याखी डेम खटडीले।

युहन्‍ना 4:38

ङै नाखुरीककी कुला बाली चेकी बीर्‌न्‍हका, होला नाखुरीकै मारोप्‍डीमने। अरुकै न होला रोप्‍डीया, अनी होखुरीकै जाट्‍च कामौ फल नाखुरीकै डुप्‍मने।”

प्रेरित 11:30

अनी होखुरीकै सोट्‍च भेटी बारनाबास र साउलौ मीहुटीङ यरूशलेम मण्‍डलीयुङ अगुवाकोलाक याम्‍हका।

प्रेरित 20:35

ङै पट्‍ट न कुराङ नाखुरीककी पाहाक्‍ङ ने, नाखुरीकै र इटजाट्‍न न मेहनट जाटार कमजोरी कोलाक सहायटा जाट्‍की पर्‌ले। प्रभु येशूओ बचन आर्मीट्‍नी, कुटजाट्‍न होसकै लहे न डेम ने, ‘लाकी डेनाङ याखी झन आसीस हो।’”

प्रेरित 28:10

होखुरीकै कानकी वास्‍टै पर्‌कारै आदर जाटा। जब कान जहाजाङ काल्‍हा होखुरीकै कानकी लामाङ चहडीस्‍च जटी सामानको जहाजाङ काल्‍हाक्‍ङ याहा।

१ टीमोठी 3:5

इडीक लहो इमुङ व्‍यवहार र सेम्‍ह क्‍योट्‍की माय्‍होक्‍च भर्मीये परमेश्‍वरौ मण्‍डली कुटजाट्‍न क्‍योट्‍की य्‍होक्‍ले र?

१ टीमोठी 4:10

होटबाटै कान सधैँ कडा मीहीनेट जाटार काम जाट्‍ले, हीजैडेनाङ कानुङ आशा जीउँडो परमेश्‍वराङ डामने, होसकै पट्‍ट न भर्मीकोलाक मुक्‍ति याखी य्‍होक्‍ले टर खास जाट्‍न होसको मीटाक विश्‍वास जाट्‍चकोलाक चहीँ हो।

१ टीमोठी 4:14

नाकै डुप्‍च वरदानकी हीर काम मालक्‍डीच माआर्‌मीट्‌की, होसे वरदान मण्डलीयुङ अगुवाकै होखुरीकुङ मीहुट नाको मीटाक डार प्रार्थना जाट्‍नाङ अगमवाणी लकीङ नाकै डुप्‍च हो।

१ टीमोठी 4:16

नाको कुजाट्‍न जीवामन ले होच्‍यो बारेयाङ र लहे याछ शिक्षौ बारेयाङ होसीयार छान्‍की। ठीक जीवन जीवाचै र शिक्षा याछै नुङ्‍की। इट जाट्‍नाङ नाकै लाहाकी अनी नाकुङ शिक्षा सेचकोलाक समेट परमेश्‍वरै जीवाक्‍ले।

१ टीमोठी 4:6

इडीक नाकै इसे कुराको भाइ बहीनीकोलाक बुझडीम याहा डेनाङ, नाको विश्‍वास र सत्‍य बचनाङ होर्‌च र ठीक शिक्षा डुट्‍च ख्रीष्‍ट येशूओ सेछ सेवा जाट्‍च छान्‍ने।

१ टीमोठी 5:19

नीस वा सोम जना साक्षीको माछान्‍ठर मण्डलीयुङ अगुवाकुङ विरोधाङ लैडीच दोष मासेकी।

१ टीमोठी 5:3

लहो सुर मालेच साँच्‍ची न बीढवाकुङ खाँचोकोवाङ सेम्‍ह सहायता जाट्‍नी।

२ टीमोठी 2:6

परीसरम जाटार बाली लैडीचये न होसे स्‍याच बालीयो पहीलो भाग डुप्‍की पर्‌ले।

२ टीमोठी 4:2

परमेश्‍वरौ सेछ समाचार सेटाक्‍नी, कुङ्‍च समयाङ र सेछ समाचार सेटाक्‍की टयार छानार ङुकी, नम्र छानार दुष्‍ट कामलकीङ ल्‍हेसाक्‍की हप्‍कडीनी, चेटावनी यान्‍ही, हौसला यान्‍ही र शिक्षा याखी माचुकडीस्‍की।