१ टीमोठी 5:13 - पुर्वीय मगर

¹³ इडीक होखुरीकुङ म्‍यार्‌मीन बीढुवा खाटाङ रीक्‍ङने डेनाङ, अरुकुङ इम-इमाङ छेर्‍हाम व्‍हाच अल्‍छी छान्‍ले। होडीक मट्‍टै होइन इलकुङ कुरा आलाक र आलकुङ कुरा इलाक सेटाकार भर्मीकोलाक माखाटाक्‍च, फोकुङ कामाङ मीहुट काच, ङाक्‍की माछान्‍च कुराको र ङाक्‍च छान्‍ले।

१ टीमोठी 5:13 ပူးပေါင်းရင်းမြစ်များ

लुका 10:7

होखुरीकै याछ ज्‍यामा गामा ज्‍यार होसे इमाङ न ङुनी। हीजैडेनाङ य्‍हामीये लहो ज्‍याला डुप्‍की ज्‍योस्‍ले टर इम-इम व्‍हाम माङुनी।

प्रेरित 20:20

नाखुरीककी भलाइ छान्‍च कुरा नाखुरीकुङ न म्‍याहासाङ सेटाक्‍की र इम-इमाङ नुङार नाखुरीककी र अरु भर्मीकी शिक्षा याखी ङा सेन्‍र न्‍हुङ्‍लाक माहटडीसा।

प्रेरित 20:30

नाखुरीकुङ न मीघीङ झुटो कुराको ङाक्‍च भर्मीको सोले, होखुरीकै विश्‍वासीकोलाक मेखुरीकुङ न्‍हुङ-न्‍हुङ आल्‍खी पाले।

१ टीमोठी 5:12

इटजाट्‍न होखुरीकै प्रभुखाटा पहीला जाट्‍च बाचा भङ्‍ग जाट्‍च बाटै होखुरीक दोसी ठहरीस्‍ले।

टीटस 1:11

होखुरीकुङ मेङेर ठुन्‍न याखी पर्‌ले, हीजैडेनाङ होखुरीकै पाहाक्‍की न माछान्‍च कुराको पाहाकार पट्‍ट न परीवारकोलाक न माखाटाक्‍ङ याम्‍हने। होखुरीकै पैसा कमडीकीयो लागी मट्‍टै इट जाट्‍च हो।

याकुब 3:10

इटजाट्‍न काट न मेङेरीङ प्रंशसा र सराप र ख्‍योल्‍हे। ए ङौ विश्‍वासी डाजेभाइको र डै बहीनीको, याङ्‍च च माछान्‍की पर्च हो!

१ पट्‍रुस 4:15

टर नाखुरीक मढ्‍याङ सुयेर डुख डीन्‍हा डेनाङ भर्मी साट्‍च, खुस, अपराधी वा फोकुङ कामाङ मीहुट काचये लेखा चहीँ डुख माडीन्‍ख्‍यौ।

३ युहन्‍ना 1:10

ङा होला रान्‍हाङ होचे जाट्‍च मास्‍च काम र कानुङ विरुधाङ ङाक्‍च पट्‍ट न खराब कुराको नाखुरीक खाटा डेले। होचे होडीक मट्‍टै होइन, परदेशी विश्‍वासी डाजेभाइको र डै बहीनीकुङ विरोध जाट्‍ले, होखुरीकुङ स्‍वागट माजाट्‍ले। अनी होखुरीककी स्‍वागट जाट्‍की पाच कोलाक होचे रोकडीले र मण्‍डली लकीङ छ्‍युक्‍ङ याल्‍हे।