१ टीमोठी 5:10 - पुर्वीय मगर

¹⁰ होखुरीकै सेछ काम जाटार म्‍यार्‌मीन क्‍योस्‍च छान्‍की पर्‌ले। लहो मीजाकोलाक सेम्‍ह होरोक्‍च, र पाहुनाकोलाक मान जाट्‍च, परमेश्‍वरौ पवित्र भर्मीकुङ मीकु हुरार सेवा जाट्‍च, डुखवाङ पर्‌चकोलाक सहायटा जाट्‍च र सेछ कामाङ लहो मीमन लैडीच छान्‍की पर्‌ले।

१ टीमोठी 5:10 ပူးပေါင်းရင်းမြစ်များ

मत्ती 25:17

होटजाट्‍न न नीस हजार सुनौ सीक्‍का डुप्‍च नोकरै र अरु नीस हजार सीक्‍का कमडीया।

मत्ती 5:16

होटजाट्‍न न नाखुरीकुङ ज्‍योति भर्मीकुङ मीहासाङ चम्‍कडीस्‍ख्‍यो, र होखुरीकै नाखुरीकुङ सेछ कामको डाङ्‍ख्‍यो, अनी स्‍वर्गाङ लेच नाखुरीकुङ बोयो महीमा जाट्‍ख्‍यो।

लुका 7:38

होटै येशूओ न्‍हुङ्‌लाक मीखुट्‍या छीनी टोङ्‌हार, राप्‍चै होसकुङ मीखुट्‍या मीराप डीये छीम्‍हाक्‍की ठाला, र लहो मीछामै सीट्‍चै होसकुङ मीखुट्‍याकी चुम्‍हा र होसे अट्‌टर मोल्‍न्‍ह याहा।

लुका 7:44

होटै मास्‍टो पट्‌टी ल्‍हेसार येशूये सीमोनकी डेया, “इसे मास्‍टोकी ङोस्‍नी! ङा नाकुङ इमाङ राहा, टर नाकै ङाकी मीकु हुर्‌की डेम डी ढरी माय्‍हा। टर इचे च ङौ मीकुकी मीराप डीये छीम्‍हाक्‍ङ याहा र लहो मीछामै सीटा।

प्रेरित 10:22

होखुरीकै डेया, “काट जना कप्‍तान कर्नेलियसै कानकी बीर्‌न्‍हकाच हो। आसको इमान्‍डारी र परमेश्‍वर खाटा बीर्‍हीछ भर्मी ले। आसकोकी पट्‍ट यहूदी जातिकै र आदर जाट्‍ले। नाकोकी आसकुङ इमाङ आर्‌घार नाकोलकीङ सन्‍देश सेकी डेम काट पवित्र स्‍वर्गदूतै आसकोकी आज्ञा याम्‍हने।”

प्रेरित 22:12

“होसे सहराङ हननीया डेच काट जना भर्मी ङुमन्‍या। होसे परमेश्‍वरौ भक्‍ट र मोशौ व्‍यवस्‍था सेम्‍ह मन्‍डीच भर्मी लेया र दमस्‍कसाङ लेच पट्‍ट यहूदीकै होसेकी मान जाट्‍नन्‍या।

प्रेरित 6:3

होटबाटै भाइको, नाखुरीक लकीङ पवित्र आत्‍मा र बुद्धिये न्‍हेप्‍च र पट्‍ट लकीङ आदर डुप्‍च साट जना लेन्‍जा भर्मी भाक्‍नी अनी होखुरीककी न कानै इसे कामौ जीम्‍मा येहीङ।

प्रेरित 9:36

योप्‍पा सहराङ टबीटा म्‍यार्‌मीनुङ काट जना प्रभुवाङ विश्‍वास जाट्‍च मास्‍टो भर्मी लेया। ग्रीक भासाङ होसकी (डोरकास डेले र होच्‍यौ अर्थ चहीँ हरीनी हो।) होसे सधैँ सेछ कामाङ र गरीबकोलाक सहायटा जाट्‍कीयाङ लग्‍डीस्‍न ङुम्‍या।

प्रेरित 9:39

टब पत्रुस सोवार होखुरीक खाटा नुङा र टाछ बीट्‍टीकै पत्रुसकी होखुरीकै ढेम्‍च टलौ कोठाङ आल्‍हा। बीढुवाको पट्‍ट न पत्रुस छीनी टोङ्‍हार राप्‍चै डोरकास होखुरीक खाटा लेनाङ होचे खास्‍न डाच बढीनको टान्‍हाका।

१ टीमोठी 2:10

टर परमेश्‍वरौ भक्‍ति जाट्‍च मास्‍टो भर्मीकै चहीँ लाहाकी ज्‍योस्‍च र सेछ कामको जाट्‍ख्‍यौ।

१ टीमोठी 3:2

होटबाटै अगुवा छान्‍च भर्मी चहीँ सुयेर दोष लैडीकी माय्‍होक्‍च, काट मट्‍टै मास्‍टो ब्‍याहा जाट्‍च छान्‍की पर्‌ले। लहे लाहाकी स्‍थिर जाट्‍की य्‍होक्‍च, लहे लाहाकी न अढीनाङ डाकी य्‍होक्‍च, होसे अरुलकीङ सम्‍मान डुप्‍च, पाहुनाकी मान जाट्‍च र सेम्‍ह शिक्षा पाहाक्‍की य्‍होक्‍च छान्‍की पर्‌ले।

१ टीमोठी 3:7

होटबाटै होसे भर्मी मण्‍डली भीत्री मट्‍टै होइन, बाहीरुङ अरु भर्मीकुङ म्‍याहासाङ र असल ठहरीस्‍च छान्‍की पर्‌ले। होसकी नभा च भर्मीकै निन्‍दा जाट्‍ले र होसे शैतानौ पासोवाङ पर्‌ले।

१ टीमोठी 5:16

इडीक सुर विश्‍वासी मास्‍टो भर्मीकुङ लहो पर्च बीढुवाको ले डेनाङ होचे होखुरीककी सघडीख्‍यौ। होटजाटा डेनाङ मण्‍डलीकी भार माछान्‍ले। होटबाटै सुर मालेच बीढुवाकोलाक मट्‍टै मण्डलीये ङोस्‍ख्‍यौ।

१ टीमोठी 5:25

होटजाट्‍न न कुडीक सेछ कामको चहीँ पहीला न छ्‍याङ्‍गै डाङ्‍च छान्‍ले। अनी कुसे छ्‍याङ्‍गै माडाङ्‍ले, होसे आर्‌च्‍युहार ङुकी र माय्‍होक्‍ले।

१ टीमोठी 6:18

भलाइ जाट्‍च काम जाट्‍की, भलाइ छान्‍च कामाङ धनि छान्‍की, मीमन फोस्‍च र अरुकोलाक पुङ्‍ङ याछ छान्‍की डेनी।

२ टीमोठी 1:5

ङाकी नाको खाटा लेच होसे सोझो विश्‍वासौ सम्‍झना ले। नाकुङ बज्‍ये लोइस र मोइ युनीसमा खाटा र होसे सोझो विश्‍वास लेया। अझै र नाको खाटा होङ्‍च न विश्‍वास ले डेच ङौ विश्‍वास ले।

२ टीमोठी 2:21

इडीक पट्‍ट कीसीमुङ खराब कुराकोलकीङ शुद्ध छान्‍च भर्मी ले डेनाङ होसे बाड्‍को इजटौ भाँडा लेखा न छान्‍ले हीजैडेनाङ होचे लाहाकी चोखो डार मालीकौ लागी पट्‍ट सेछ कामौ लागी टयार छान्‍ले।

२ टीमोठी 3:15

नाकै च मार्‌जा लेनाङ लकीङ न पवित्र धर्मशास्‍त्रौ कुराको सेम्‍हजा वार्‌न्‍हने। इसे न कुराको लकीङ ख्रीष्‍ट येशूवाङ विश्‍वास जाट्‍नाङ डुप्‍च मुक्‍तियो बारेयाङ बुझडीस्‍की ग्‍यान डुप्‍ले।

२ टीमोठी 3:17

परमेश्‍वरौ भर्मीकै पट्‍ट न सेछ कामको जाट्‍की य्‍होक्‍च अटछानै डेम न धर्मशास्‍त्र याछ हो।

टीटस 2:14

येशू ख्रीष्‍टै लहो जीवन वलिदान याहार कानकी पट्‍ट न खाल्‍या पापलकीङ छुट्कारा याहा। अनी होसकै कानकी पवित्र खास्‍कीयो लागी लहो जाटी खासा र सेछ काम जाट्‌की जोसीलो पार्‌या।

टीटस 2:7

नाकै न पट्‍ट ठोकाङ सेछ काम जाटार होखुरीककी नमुना छानार टान्‍हाक्‍नी। अनी नाखुरीकै पाहाक्‍नाङ इमान्‍दारी खाटा गम्‍भीर छानार,

टीटस 3:1

सरकार र सरकारी अधिकारी भर्मीकुङ अढीनाङ ङुकी र डेच मन्‍डीकी डेयार होलुङ विश्‍वासीकोलाक आर्‌मीटाक्‍ङ यान्‍ही। होखुरीक पट्‍ट न सेछ काम जाट्‍कीयो लागी सधैँ टयार छान्‍न ङुख्‍यौ।

टीटस 3:14

काल्‍हौ विश्‍वासीकै आवश्‍यकताङ पर्च भर्मीकोलाक सहायता जाट्‍की सेछ काम जाट्‍की पर्‌ले। अनी होखुरीकुङ जीवन मीस्‍या मास्‍याटाक्‍च ल्‍याक्‍च माछान्‍ले।

टीटस 3:8

इसे कुरा साँच्‍ची न हो। परमेश्‍वराङ विश्‍वास जाट्‍चकै जटी सेछ काम जाट्‍कीयो लागी ढ्‍यान याख्‍यौ डेयार नाकै जोड याछ ङा मीमन जाट्‍ले। इसे सेछ काम जाट्‍की पट्‍ट न भर्मीकोलाक पट्‍ट डेनाङ फाइडा छान्‍च कुरा हो।

१ पट्‍रुस 2:12

ख्रीष्‍टकी विश्‍वास माजाट्‍च भर्मीकुङ मीघ्‍याङ नाखुरीकुङ चालचलन सेछ छान्‍की पर्‌ले। होखुरीकै नाखुरीककी मासेछ डेयार डोस लैडीनाङ नाखुरीकुङ सेछ कामको चीन्‍डीकी य्‍होक्‍ख्‍यौ र परमेश्‍वर न्‍याय जाट्‍की राछ डीनाङ होसकुङ महीमा जाट्‍ख्‍यौ।

१ पट्‍रुस 4:9

काटै काट्‍की लहौ इमाङ गन-गन माजाट्‍न सेछ मीमनै आर्‌घानी।

३ युहन्‍ना 1:12

डेमेत्रियसौ बारेयाङ च पट्‍टकै सेम्‍ह डेले र सत्‍य मेल्‍है र इसे गबाही याल्‍हे। कानै र होच्‍यो बारेयाङ सेछ डेले। नाखुरीककी थाहा न ले, कानुङ गबाही साँचो ले।