१ टीमोठी 4:14 - पुर्वीय मगर

¹⁴ नाकै डुप्‍च वरदानकी हीर काम मालक्‍डीच माआर्‌मीट्‌की, होसे वरदान मण्डलीयुङ अगुवाकै होखुरीकुङ मीहुट नाको मीटाक डार प्रार्थना जाट्‍नाङ अगमवाणी लकीङ नाकै डुप्‍च हो।

१ टीमोठी 4:14 ပူးပေါင်းရင်းမြစ်များ

प्रेरित 11:30

अनी होखुरीकै सोट्‍च भेटी बारनाबास र साउलौ मीहुटीङ यरूशलेम मण्‍डलीयुङ अगुवाकोलाक याम्‍हका।

प्रेरित 13:3

होटै होखुरीकै उपवास ङुम होखुरीक मीटाक मीहुट डार प्रार्थना जाटा र होखुरीककी बिदा याहा।

प्रेरित 19:6

जब पावलै होखुरीक मीटाक नीस न मीहुट डा र पवित्र आत्‍मा होखुरीक मीटाक राहा। अनी होखुरीक अन्‍य भासाङ ङाका र अगमवाणी जाटा।

प्रेरित 22:5

र इसे बारेयाङ प्रधान पुजाहारी र पट्‍ट न महासभै र ङौ पक्षाङ गबाही याल्‍हे। होखुरीकै न ङाकी दमस्‍कसाङ लेच यहूदी डाजे-भाइकुङ म्‍यार्‌मीनाङ पुर्‌जीको याहा, र होला लेच विश्‍वासीकोलाक छ्‍याकार यरूशलेमाङ राक्‍ङ सजाय याखी डेम ङा दमस्‍कसाङ नुङ्‍ङन लेया।

प्रेरित 6:6

अनी होखुरीकै होसे भाक्‍च भर्मीकोलाक प्रेरितकुङ अगाडी राका र प्रेरितकै प्रार्थना जाटार होखुरीक मीटाक लहो मीहुट डा।

प्रेरित 8:17

होटै न्‍हुइङ पत्रुस र युहन्‍नै होखुरीक मीटाक लहो मीहुट डा अनी होखुरीकै पवित्र आत्‍मा डुपा।

१ ठेसलोनीकी 5:19

पवित्र आत्‍माकी काम जाट्‍की मारोकडीनी।

१ टीमोठी 1:18

ए मीजा तिमोथी, पहीलालकीङ न नुओ बारेयाङ अगमवाणीको लकीङ ङाक्‍च बचन अनुसार ङा नाङ्‍की इसे आज्ञा याम्‍ह न ले। नाकुङ बारेयाङ ङाक्‍च बचन आर्‌मीटार असल लडाइँ जाटो।

१ टीमोठी 4:15

इसे कुराकोवाङ ढ्‍यान यान्‍ही र लहो पुरा मीमन लैडीनी, र नाको लहो कामाङ सेम्‍ह छान्‍चै नुङ्‍च पट्‍टकै डाङ्‍ख्‍यौ।

१ टीमोठी 5:17

मण्डलीकी सेम्‍ह ङोस्‍च अगुवाकोलाक डोबर आदर छान्‍की पर्‌ले। खास जाटार परमेश्‍वरौ बचन प्रचार जाट्‍च र पाहाक्‍च कामाङ परीसरम जाट्‍चकै चहीँ इसे डुप्‍की न पर्‌ले।

१ टीमोठी 5:19

नीस वा सोम जना साक्षीको माछान्‍ठर मण्डलीयुङ अगुवाकुङ विरोधाङ लैडीच दोष मासेकी।

१ टीमोठी 5:22

मण्डलीयो काम जीम्‍मा याखीयो लागी सुर मीटाक मीहुट डाकी हटार माजाट्‍नी। अरु भर्मीकुङ पापाङ भाग मालानी र लहो जीवन सधैँ शुद्ध डानी।

१ टीमोठी 6:12

र लहो विश्‍वासौ जीवनाङ बड्‍डीस्‍चै नुङ्‍नाङ सेन्‍र मासीच जीवनकी घोम ङुनी, हीजैडेनाङ होच्‍यौ न लागी परमेश्‍वरै नाकोकी आर्‌घाच हो। अनी नाकै वास्‍टै भर्मीकुङ म्‍याहासाङ लहो विश्‍वासौ साक्षी र याम्‍हने।

२ टीमोठी 1:6

होटबाटै ङा नाकोकी फेरी आर्मीटाक्‍ले, ङै नाको मीटाक मीहुट डानाङ परमेश्‍वरै याछ वरदानकी नीये क्‍योट्‍चै नुङ्‍की।