१ टीमोठी 4:13 - पुर्वीय मगर

¹³ ङा मार्‍हाठर सम्‍म नाकै भर्मीकोलाक धर्मशास्‍त्र पढेसार सेटाक्‍की, परचार जाट्‍की र शिक्षा याखीयाङ ढ्‍यान यान्‍ही।

१ टीमोठी 4:13 ပူးပေါင်းရင်းမြစ်များ

युहन्‍ना 5:39

नाखुरीक धर्मशास्‍त्राङ पाले, हीजैडेनाङ होला सेन्‍र मासीच जीवन डुप्‍ले डेम नाखुरीक आर्‌मीटले। टर ङौ बारेयाङ गबाही याछ होसे न धर्मशास्‍त्र हो।

प्रेरित 17:11

होलुङ यहूदीको ठेसलोनीकेयुङ भर्मीकुङ डेनाङ होखुरीकुङ मीमन खुल्‍ला लेया। हीजैडेनाङ होखुरीकै साप्‍फी चासो जाटार बचन सेया र पावलै डेच कुराको खाट्‍ले की माखाट्‍ले डेयार डीन-डीनै धर्मशास्‍त्र परेसार जाच्‍डीमन्‍या।

प्रेरित 6:4

टर काल्‍हाको चहीँ प्रार्थना र बचन प्रचार जाट्‍च कामाङ पुरा समय लग्‍डीसीङ।”

१ टीमोठी 4:16

नाको कुजाट्‍न जीवामन ले होच्‍यो बारेयाङ र लहे याछ शिक्षौ बारेयाङ होसीयार छान्‍की। ठीक जीवन जीवाचै र शिक्षा याछै नुङ्‍की। इट जाट्‍नाङ नाकै लाहाकी अनी नाकुङ शिक्षा सेचकोलाक समेट परमेश्‍वरै जीवाक्‍ले।

१ टीमोठी 4:6

इडीक नाकै इसे कुराको भाइ बहीनीकोलाक बुझडीम याहा डेनाङ, नाको विश्‍वास र सत्‍य बचनाङ होर्‌च र ठीक शिक्षा डुट्‍च ख्रीष्‍ट येशूओ सेछ सेवा जाट्‍च छान्‍ने।

२ टीमोठी 3:15

नाकै च मार्‌जा लेनाङ लकीङ न पवित्र धर्मशास्‍त्रौ कुराको सेम्‍हजा वार्‌न्‍हने। इसे न कुराको लकीङ ख्रीष्‍ट येशूवाङ विश्‍वास जाट्‍नाङ डुप्‍च मुक्‍तियो बारेयाङ बुझडीस्‍की ग्‍यान डुप्‍ले।

२ टीमोठी 4:2

परमेश्‍वरौ सेछ समाचार सेटाक्‍नी, कुङ्‍च समयाङ र सेछ समाचार सेटाक्‍की टयार छानार ङुकी, नम्र छानार दुष्‍ट कामलकीङ ल्‍हेसाक्‍की हप्‍कडीनी, चेटावनी यान्‍ही, हौसला यान्‍ही र शिक्षा याखी माचुकडीस्‍की।

टीटस 2:15

नाकै पाहाक्‍नाङ पुरा अधिकारखाटा विश्‍वासीकोलाक उत्‍साह याखी र च्‍याक्‍च जाट्‍की। सुयेर नाकोकी हेला जाट्‍च मौका माडुप्‍ख्‍यौ।