१ टीमोठी 2:7 - पुर्वीय मगर

⁷ इच्यो लागी न प्रभुये ङाकी प्रचारक र प्रेरित खासार, परमेश्‍वरौ विश्‍वास र सत्‍यौ बारेयाङ अन्‍यजाति भर्मीकोलाक पाहाक्‍की र सेछ समाचार सेटाक्‍की डेम बीर्‌न्‍हकाच हो। ङै साँच्‍ची न डेच हो, ङा माढाट्‍डीले।

१ टीमोठी 2:7 ပူးပေါင်းရင်းမြစ်များ

युहन्‍ना 7:35

इसे सेयार यहूदी अगुवाकै मेखुरीक-मेखुरीक डेकी ठाला, “इसे भर्मी कुला नुङ्‍की पामने र, ‘नाखुरीकै ङाकी माडुप्‍ले’ डेले? ही इसको गीरीककुङ मीघ्‍याङ इलाक आलाक छरपस्‍ट छान्‍न ङुच यहूदीको लेठाङ नुङार ग्रीककोलाक पाहाक्‍की मीमन जाट्‍नने की य्‍हाले?

प्रेरित 14:27

जब होखुरीक एन्‍टीओखीयाङ टाराहा, टब मण्‍डलीयुङ विश्‍वासीकोलाक भेला जाटा, होटै न्‍हुइङ पावल र बारनाबासै परमेश्‍वरै होखुरीकुङ साठाङ जाट्‍च पट्‍ट न कामौ बयान जाटा र कुटजाट्‍न अन्‍यजातिकुङ लागी विश्‍वासौ लाम खोलीम याहा डेम सेटाका।

प्रेरित 22:21

अनी प्रभुये ङाकी डेया, ‘नुङ्‍ना, हीजैडेनाङ ङा नाङ्‍की अन्‍यजातिको लेठाङ लोस-लोससम्‍म बीर्‌न्‍हकाले।’”

प्रेरित 26:20

टर पहीले दमस्‍कसाङ, टब यरूशलेमाङ र सारा यहूदिया देशभरी लेचकोलाक र अन्‍यजातिकोलाक र पापको डासार परमेश्‍वर पट्‍टी ल्‍हेसो र लाहा पापको डासार परमेश्‍वर पट्‍टी ल्‍हेस्‍च योग्‍यौ काम जाटो डेयार ङै प्रचार जाटा।

प्रेरित 9:15

टर हननीयाकी प्रभुये डेया, “नुङ्‍ना, हीजैडेनाङ अन्‍यजातिको, राजाको र इस्राएलीकुङ मीघ्‍याङ ङौ म्‍यार्‌मीन प्रचार जाट्‍की ङै होसकी न चुन्‍डीमने।

२ टीमोठी 1:11

परमेश्‍वरै इसे न सेछ समाचार सेटाक्‍कीयो लागी ङा प्रचारक र प्रेरित अनी शिक्षक छान्‍की भाका।

२ पट्‍रुस 2:5

परमेश्‍वरै खायाकुङ संसारकी बाँकी माडा। परमेश्‍वरकी माटेरीच अधर्मीकोलाक डीयौ पर्‌लय लकीङ नस्‍ट जाटा। टर होसकै धार्मिकतौ प्रचार जाट्‍च नोआ र होच्‍यो परीवारुङ साटजनाकी मट्‍टै जीवाटाका।