१ टीमोठी 1:18 - पुर्वीय मगर

¹⁸ ए मीजा तिमोथी, पहीलालकीङ न नुओ बारेयाङ अगमवाणीको लकीङ ङाक्‍च बचन अनुसार ङा नाङ्‍की इसे आज्ञा याम्‍ह न ले। नाकुङ बारेयाङ ङाक्‍च बचन आर्‌मीटार असल लडाइँ जाटो।

१ टीमोठी 1:18 ပူးပေါင်းရင်းမြစ်များ

प्रेरित 16:1

पावल डर्बी सहर छान्‍चै लुस्‍त्रा सहराङ टाराहा। होला तिमोथी म्‍यार्‌मीन जाट्‍च काट जना विश्‍वासी ङुमन्‍या। होसे काट जना विश्‍वासी यहूदी मास्‍टौ लेन्‍जा मीजा लेया टर होच्‍यौ बोइ चहीँ ग्रीक लेया।

१ टीमोठी 1:2

विश्‍वासाङ ङाल्‍हौ न लेन्‍जा मीजा लेखा न तिमोथीकी इसे चीठी रीक्‍ङन ले। परमेश्‍वर बोइ र कानुङ प्रभु ख्रीष्‍ट येशूये नाकोकी अनुग्रह, कृपा र शान्‍ति याख्‍यौ।

१ टीमोठी 1:5

कानै याछ इसे शिक्षौ उदेश्‍य प्रेम हो, होसे चोखो मीमन, सेछ बीबेक र साँचो विश्‍वासलकीङ राल्‍हे।

१ टीमोठी 4:14

नाकै डुप्‍च वरदानकी हीर काम मालक्‍डीच माआर्‌मीट्‌की, होसे वरदान मण्डलीयुङ अगुवाकै होखुरीकुङ मीहुट नाको मीटाक डार प्रार्थना जाट्‍नाङ अगमवाणी लकीङ नाकै डुप्‍च हो।

१ टीमोठी 4:4

परमेश्‍वरै खास्‍च पट्‍ट न ठोक सेछ ले, र धन्‍यवाद याहार स्‍वीकार जाटा डेनाङ कुसे ठोक र इन्‍कार जाट्‍की मापर्‌ले,

१ टीमोठी 6:20

ए तिमोथी, परमेश्‍वरै नाकोकी कुसे कुरा जीम्‍मा याम्‍हने, होसकी सेम्‍ह जोगडीम डाकी। कुडीक जना भर्मीकै संसारुङ मुर्‌ख कुराकी ज्ञान डेयार मन्‍डीच झुटो कुरा लकीङ र जोगडीस्‍नी।

२ टीमोठी 1:2

ङाल्‍हौ न लेन्‍जा मीजा ल्‍याक्‍च तिमोथी नाकोकी ङा इसे रीक्‍ङन ले। परमेश्‍वर बोइ र काल्‍हौ प्रभु ख्रीष्‍ट येशूये नाङ्‍की अनुग्रह, कृपा र शान्‍ति याख्‍यौ।

२ टीमोठी 4:7

ङै पट्‍ट डेनाङ सेछ विश्‍वासौ लडाइ जाट्‍न भ्‍यामने। ङै खेर्‌च काम भ्‍यामने, र ङौ विश्‍वासकी ङै ढान्‍न डामने।

टीटस 1:4

काट न विश्‍वासाङ लेच ङाल्‍हौ न लेन्‍जा मीजा ल्‍याक्‍च तीतस नाकोकी इसे चीठी रीक्‍ङन ले। परमेश्‍वर बोइ र कानकी मुक्‍ति याछ ख्रीष्‍ट येशूलकीङ अनुग्रह र शान्‍ति।