१ टीमोठी 1:14 - पुर्वीय मगर

¹⁴ अनी कानुङ प्रभु येशूओ अनुग्रह ङा मीटाक प्रशस्‍तखाटा राहा, र ख्रीष्‍ट येशूवाङ डुप्‍च विश्‍वास र प्रेम ङौ जीवनाङ परमेश्‍वरै न ङाकी याहा।

१ टीमोठी 1:14 ပူးပေါင်းရင်းမြစ်များ

मत्ती 20:9

अनी बाङा बजे कामाङ लक्‍डीस्‍चको राहा र होखुरीक पट्‌टकै पुरा डीनौ ज्‍याला काट-काट चाँडीयो सीक्‍का डुपा।

प्रेरित 15:11

टर कान विश्‍वास जाट्‍ले, की प्रभु येशूओ अनुग्रह लकीङ कानै उद्धार डुप्‍नने, होटजाट्‍न न होखुरीकै र डुप्‍नने।”

१ ठेसलोनीकी 1:3

कानुङ परमेश्‍वर बोयो म्‍याहासाङ नाखुरीकुङ विश्‍वासलकीङ जाट्‍च काम, प्रेमै जाट्‍च मेहनट र कानुङ प्रभु येशू ख्रीष्‍टाङ डाच आशौ सहनसीलटा कान आर्‌मीट्‍न न ङुले।

१ ठेसलोनीकी 5:8

टर कान चहीँ डीनुङ सन्‍टान लेचबाटै सधैँ आत्‍माङ स्‍थिर ङुइङ। कानै विश्‍वास र प्रेमौ छाटीयो पाटा, अनी मुक्‍तियो आशौ टोप पुहीङ।

१ टीमोठी 2:15

टर मास्‍टो भर्मीको इडीक नम्र छानार, विश्‍वास, प्रेमाङ र पवित्र छानार ङुवा डेनाङ मीजा डीन्‍छ अवस्‍ठा छानार नुङ्‍नाङ परमेश्‍वरै होसकी जीवाटाक्‍ले।

१ टीमोठी 4:12

रेन्‍जा ले डेनाङ न नाकोकी सुयेर टुच्‍छ माआर्‌मीट्‍ख्‍यो। विश्‍वासीकुङ म्‍याहासाङ नाकुङ बोली बचन, बानी बेहोरा, प्रेम, विश्‍वास र शुद्धता चहीँ नाको काट नमुना छान्‍की य्‍होक्‍नी।

१ टीमोठी 6:11

टर तिमोथी, नाको परमेश्‍वरौ भर्मी छान्‍च बाटै, इसे मास्‍च कुराकोलकीङ लोस ङुनी। अनी नाकै परमेश्‍वरौ म्‍याहासाङ ठीक ठहरीस्‍च कुरा, भक्‍ति, विश्‍वास, माया, सहडीकी र नरम छान्‍च कुराकोवाङ लहो मीमन लैडीकी।

२ टीमोठी 1:13

ङै नाकोकी पाहाक्‍च सत्‍य शिक्षौ नमुनाकुङ पालना जाट्‍की, ख्रीष्‍ट येशूवाङ लेच विश्‍वास र प्रेमाङ डाम डाकी।

२ टीमोठी 2:22

होटबाटै रेन्‍जा-आर्‌नामौ बेलाङ राछ मासेछ इच्‍छाकोलाक डासार शुद्ध मीमनै प्रभुओ म्‍यार्‌मीन लाच भर्मीकोखाटा धार्मिकता, विश्‍वास, प्रेम र शान्‍तियाङ व्‍हाकी।

टीटस 2:2

बुढा भर्मीकोलाक इट डेयार पाहाक्‍नी, लहे लाहाकी न अढीनाङ डाकी, आदर डुप्‍की ज्‍योस्‍च सेछ व्‍यवहार जाट्‍की, इमान्‍दार छान्‍की, विश्‍वासकी बलीयो खास्‍की, अरुकी माया जाट्‍की र स्‍थिर छानार ङुकी।

१ पट्‍रुस 1:3

कानुङ प्रभु येशू ख्रीष्‍टौ बोइ परमेश्‍वरकी प्रशंसा। येशू ख्रीष्‍टकी सीचलकीङ जीवाटाकार बाड्‍को कृपा जाटा, र होसकै कानकी नयाँ जन्‍म याहा। इटबाटै कान बाड्‍को आशा डुपार जीवामे।

१ युहन्‍ना 4:10

साँचो प्रेम इसेन हो: कानै परमेश्‍वरकी प्रेम जाट्‍च होइन, टर होसकै कानकी प्रेम जाटा र कानुङ पापौ बलीडान छान्‍कीयो लागी लहो मीजाकी संसाराङ बीर्‌न्‍हका।