१ टीमोठी 1:13 - पुर्वीय मगर

¹³ छान्‍कीयो लागी च ङै पहीला होसकुङ निन्‍दा जाटा, होसकोकी विश्‍वास जाट्‍च भर्मीकोलाक खेडो जाटा र अपमान जाटा। टर होडीक बेला ङौ विश्‍वास मालेया, र इसे कुराको ङै माव्‍हार्‌न न जाट्‍च बाटै ङाकी ख्रीष्‍टै कृपा जाटा।

१ टीमोठी 1:13 ပူးပေါင်းရင်းမြစ်များ

लुका 12:47

“लहो मालीकौ इच्‍छा वार्‌न्‍ह र टयार माङुच र मालीकै अर्‍हडीच काम माजाट्‍च नोकरै वास्‍टै कोर्‌रा ज्‍याले।

लुका 23:34

होस बेला येशूये डेया, “ए बोइ, इखुरीककी क्षमा यान्‍ही हीजैडेनाङ इखुरीकै ही जाट्‍न न ले, होसे इखुरीककी हीर थाहा माले।” होटै होखुरीकै होसकुङ बढीन चीठ्‍ठा कार पुङा।

प्रेरित 22:4

ङै प्रभुओ लामाङ व्‍हाच भर्मीकोलाक साप्फी डुख याहार साट्‍की र पा। लेन्‍जा, मास्‍टो पट्‍टकी घोवार ठुन्‍की लैडीया।

प्रेरित 3:17

“ए इस्राएली लाफाको, ङाकी थाहा ले, नाखुरीक र नाखुरीकुङ शासककै येशू सु हो डेम माचीन्‍डीम न साट्‍च हो।

प्रेरित 8:3

टर साउलै चहीँ मण्‍डलीकी नास जाट्‍की डेम इम-इमाङ पर्‌यार विश्‍वासी पट्‍ट न लेन्‍जा भर्मी र मास्‍टो भर्मीकोलाक आर्‌ढुस्‍चै आल्‍हार झ्‍यालखानाङ कामयाम्‍ह्‍न्‍या।

प्रेरित 9:1

टर साउल चहीँ अझै सम्‍म र प्रभुओ विश्‍वासीकुङ विरोधाङ लेया, होखुरीककी साट्‍च सुरै ढम्‍की याछै प्रधान पुजाहारी लेठाङ नुङा

प्रेरित 9:13

हननीये डेया, “प्रभु, होसे भर्मीये च यरूशलेमाङ लेच नाकुङ पवित्र भर्मीकोलाक साप्‍फी सटडीच कुरा ङै धेरै भर्मीको लकीङ सेमने।

प्रेरित 9:5

साउलै डेया, “प्रभु, नाको सु आले?” होसकै डेया, “सुकी नीये सटडीम न ले होसे येशू ङा न हो।

१ टीमोठी 1:16

टर येशू ख्रीष्‍टै ङा मीटाक सेन्‍र माभ्‍याच कृपा टान्‍हाकार ङा ल्‍याक्‍च पट्‍ट डेनाङ पापीकी लोहो धैर्य टान्‍हाक्‍की होसकै ङाकी काट नमुना खासा। अनी इसे नमुना चहीँ ङा डेनाङ न्‍हुइङ ख्रीष्‍टकी विश्‍वास जाट्‍च र सेन्‍र मासीच जीवन डुप्‍च भर्मीकुङ लागी हो।

१ पट्‍रुस 2:10

पहीला च नाखुरीक परमेश्‍वरौ भर्मी मालेया, टर अब च नाखुरीक परमेश्‍वरौ भर्मी छान्‍नने। पहीला नाखुरीकै परमेश्‍वरौ कृपा माडुप्‍मन्‍या, टर अब च नाखुरीकै परमेश्‍वरौ कृपा डुप्‍मने।