१ ठेसलोनीकी 5:9 - पुर्वीय मगर

⁹ हीजैडेनाङ परमेश्‍वरै कान मीटाक मीरीस व्‍हाक्‍की डेम भाक्‍च होइन, टर प्रभु येशू ख्रीष्‍ट लकीङ मुक्‍ति याखी डेम भाक्‍च हो।

१ ठेसलोनीकी 5:9 ပူးပေါင်းရင်းမြစ်များ

मत्ती 26:24

भर्मीयो मीजा च धर्मशास्‍त्राङ रीक्‍च अनुसार सीकी न पर्‌ले। टर धिक्‍कार होसकी, सुये भर्मीयो मीजाकी घोवाक्‍ङ याल्‍हे। होसे च माजन्‍मडीस्‍च लेनाङ न मेन लागी सेम्‍ह छान्‍च लेया।”

प्रेरित 1:20

अनी पत्रुसै डेया, “हीजैडेनाङ भजनसंग्रहौ कीताबाङ याङ्‍च रीक्‍ने, ‘होच्‍यौ इम उजाडीस्‍ख्‍यौ, होला बास ङुच सुर माछान्‍ख्‍यौ।’ “होला याङ्‍च र रीक्‍ने, ‘र होचे जाट्‍च कामौ जीम्‍मा अरुकै न लाख्‍यौ।’

प्रेरित 1:25

र होसे चहीँ यहूदासौ ठावाङ राखी य्‍होख्‍यो, कुसे सेवालकीङ यहूदास भड्‍कडीसार नुङा र मेन न ठावाङ सीया।”

प्रेरित 13:48

इसे कुरा सेयार अन्‍यजातिको मार्‍हाङ्‍छै प्रभुओ बचनौ प्रशंसा जाटा र सेन्‍र मासीच जीवनौ लागी चुन्‍डीचको जटीये बचनकी विश्‍वास जाटा।

१ ठेसलोनीकी 1:10

होखुरीकै डेया नाखुरीक परमेश्‍वरौ मीजा येशू स्‍वर्ग लकीङ राल्‍हे डेयार लेन्‍न ङुमने। होसको परमेश्‍वरै सीच लकीङ जीवाटाक्‍च येशू हो। कान मीटाक राखी पाच परमेश्‍वरौ मीरीस लकीङ जीवाटाक्‍च र होसको न हो।

१ ठेसलोनीकी 3:3

होटबाटै होडीक बेलुङ कष्‍टकै जाट्‍नाङ सुयेर ख्रीष्‍टकी माडास्‍ख्‍यो डेच कानुङ इच्‍छा लेया। नाखुरीक लाहाकी न ठाहा ले, की इच्यौ लागी न कानकी बीर्‌न्‍हकाच हो।

१ टीमोठी 1:13

छान्‍कीयो लागी च ङै पहीला होसकुङ निन्‍दा जाटा, होसकोकी विश्‍वास जाट्‍च भर्मीकोलाक खेडो जाटा र अपमान जाटा। टर होडीक बेला ङौ विश्‍वास मालेया, र इसे कुराको ङै माव्‍हार्‌न न जाट्‍च बाटै ङाकी ख्रीष्‍टै कृपा जाटा।

१ टीमोठी 1:16

टर येशू ख्रीष्‍टै ङा मीटाक सेन्‍र माभ्‍याच कृपा टान्‍हाकार ङा ल्‍याक्‍च पट्‍ट डेनाङ पापीकी लोहो धैर्य टान्‍हाक्‍की होसकै ङाकी काट नमुना खासा। अनी इसे नमुना चहीँ ङा डेनाङ न्‍हुइङ ख्रीष्‍टकी विश्‍वास जाट्‍च र सेन्‍र मासीच जीवन डुप्‍च भर्मीकुङ लागी हो।

२ टीमोठी 2:10

होटबाटै न परमेश्‍वरै चुन्‍डीचकुङ लागी ङा पट्‍ट कुरा सहडीले, टा की होखुरीकै र सधैँभरी ङुमङुच महीमा खाटा ख्रीष्‍ट येशूवाङ लेच मुक्‍ति डुप्‍की अट य्‍होकै।

१ पट्‍रुस 2:10

पहीला च नाखुरीक परमेश्‍वरौ भर्मी मालेया, टर अब च नाखुरीक परमेश्‍वरौ भर्मी छान्‍नने। पहीला नाखुरीकै परमेश्‍वरौ कृपा माडुप्‍मन्‍या, टर अब च नाखुरीकै परमेश्‍वरौ कृपा डुप्‍मने।

१ पट्‍रुस 2:8

धर्मशास्‍त्रये डेले, “इसे न ल्‍हुङ भर्मीकोलाक ठेस लग्‍डीस्‍च ल्‍हुङ हो। इसे न ल्‍हुङै धेरै जनाकी कुरुक्‍ले। परमेश्‍वरौ बचनकी होखुरीकै मामन्‍डीचबाटै ठेस लग्‍डीस्‍ले।” परमेश्‍वरै होखुरीकुङ लागी इसे कुराको पहीला न डेम भ्‍यामन्‍या।

२ पट्‍रुस 1:1

येशू ख्रीष्‍टौ सेबक र प्रेरित ङा सीमोन पत्रुस लकीङ काल्‍हौ परमेश्‍वर र येशू ख्रीष्‍टौ धार्मिकतालकीङ काल्‍हा खाटा लेच ल्‍याक्‍च न बहुमुल्‍य विश्‍वास डुप्‍चकोलाक:

२ पट्‍रुस 2:3

लोभाङ पर्‌यार होसे झुटो शिक्षकै कुरा खासार नाखुरीक लकीङ फाइडा लाले। पहीला न होखुरीकुङ न्‍याय छान्‍न भ्‍यामने र होखुरीक साच्‍चीँ न नास छान्‍की न पर्‌ले।

यहुडा 1:4

हीजैडेनाङ कुसे भर्मीकै दण्‍ड डुप्‍ले डेम धर्मशास्‍त्राङ धेरै अघीलकीङ रीक्‍च कुडीक जना चहीँ नाखुरीकुङ मीघ्‍याङ सुटुक्‍क पर्न भ्‍यामने। होखुरीक परमेश्‍वरकी मामन्‍डीच भर्मीको हो, होखुरीककी परमेश्‍वरै अनुग्रह जाट्‍च बाटै, पट्‍टकै मास्‍च काम जाट्‍की छान्‍ने डेयार पाहाक्‍ले। अनी येशू ख्रीष्‍टकी कानुङ काट मट्‍टै प्रभु र मालीक डेयार मामन्‍डीले।