१ ठेसलोनीकी 5:27 - पुर्वीय मगर

²⁷ पट्‍ट न डाजेभाइको र डै बहीनीकुङ म्‍याहासाङ इसे चीठी परेसार सेटाक्‍ङ यान्‍ही डेम ङा प्रभुओ म्‍यार्‌मीनाङ बिन्‍ती जाट्‍ले।

१ ठेसलोनीकी 5:27 ပူးပေါင်းရင်းမြစ်များ

मत्ती 26:63

टर येशू माच्‍याक्‍ङ न ङुवा। अनी प्रधान पुजाहारीये फेरी डेया, “जीउँडो परमेश्‍वरौ म्‍यर्‌मीनाङ शपथ ज्‍यार डेले, कानकी डेम योहो, ही नाङ परमेश्‍वरौ मीजा मुक्‍ति याछ ख्रीष्‍ट हो?”

मर्कूस 5:7

होटै होसे भर्मी बाड्‍को सोरै चीघारीसार डेया, “ए कर्‍हाङ्‍छ परमेश्‍वरौ मीजा येशू, नाकै ङाखाटा ही पाच? ङा परमेश्‍वरौ म्‍यार्‌मीनाङ नाकोकी बिन्‍ती जाट्‍ले, ङाकी डुख माय्‍हानी!”

प्रेरित 1:15

होसबेला विश्‍वास जाट्‍चकुङ मीघ्‍याङ पत्रुस टोङ्‍हा (होला भर्मीकुङ सङ्‍ख्‍या ओल माओल काट सय बीस जना लेया) र डेया,

प्रेरित 19:13

दुष्‍टआत्‍मा छ्‍युक्‍की डेम ठाउँ-ठावाङ छेर्‍हाम व्‍हाच कुडीक जना झारफुक जाट्‍च यहूदीकै र दुष्‍टआत्‍मा लग्‍ठीस्‍चकोलाक प्रभु येशूओ म्‍यार्‌मीन लाचै इट डेया, “पावलै प्रचार जाट्‍च येशूओ म्‍यार्‌मीनाङ ङा नाङ्‍की ख्‍योखी आज्ञा जाट्‍ले!”

१ ठेसलोनीकी 2:11

हीजैडेनाङ नाखुरीककी ठाहा ले, बोये लहो मीजाकोलाक जाट्‍नाङ लेखा न नाखुरीक खाटा कानै ब्‍यबहार जाटा।

२ ठेसलोनीकी 3:14

नाखुरीक मढ्‍याङ सुयेर कानै इसे चीठीयाङ रीक्‍च कुरा इडीक मन्‍डीकी इन्‍कार जाट्‍ले डेनाङ, होसे भर्मीकी चीन्‍डीम डाकी र होसे खाटा हीर सङ्‍गट माजाट्‍की, र होसे मेल्‍हा न काराम सेकी पर्‌ले।

१ टीमोठी 1:18

ए मीजा तिमोथी, पहीलालकीङ न नुओ बारेयाङ अगमवाणीको लकीङ ङाक्‍च बचन अनुसार ङा नाङ्‍की इसे आज्ञा याम्‍ह न ले। नाकुङ बारेयाङ ङाक्‍च बचन आर्‌मीटार असल लडाइँ जाटो।

१ टीमोठी 1:3

ङा माकेडोनीया नुङ्नाङ नाकोकी एफीससाङ ङुनी डेयार ङै कर लैडीमन्‍या, होला कुडीक जनै झुटो शिक्षा पाहाक्‍ङन ले, होखुरीककी मापाहाक्‍की डेयार रोकडीकी नाको होला न ङुनी।

१ टीमोठी 5:21

ङा नाकोकी परमेश्‍वर, ख्रीष्‍ट येशूओ म्‍याहासाङ र पवित्र स्‍वर्गदूतकुङ म्‍याहासाङ इसे शिक्षा मन्‍डीकी आज्ञा याल्‍हे। हीर पक्षपात माजाट्‍न इसे नीयमको मन्‍डीकी।

१ टीमोठी 5:7

होटबाटै पट्‍ट न विश्‍वासीकुङ लागी इसे आज्ञा यान्‍ही, र होखुरीक दोष बीनुङ छान्‍ख्‍यौ।

१ टीमोठी 6:13

पट्‍ट ठोककी जीवन याछ परमेश्‍वरौ र पन्‍तियस पिलातसौ म्‍याहासाङ साँचो साक्षी याछ ख्रीष्‍ट येशूओ अगाडी ङा नाकोकी इसे आज्ञा याम्‍हन ले,

१ टीमोठी 6:17

चाहाँ इसे संसाराङ धनि छान्‍च भर्मीकोलाक घमन्‍ड माजाट्‍की डेनी। हीजैडेनाङ होसे धन सम्‍पत्ति सधैँभरी माङुले, टर कानुङ सुखौ लागी प्रशस्‍त खाटा पट्‍ट ठोक याछ परमेश्‍वर मीटाक न भरोसा डाकी डेनी।

२ टीमोठी 4:1

परमेश्‍वरौ म्‍याहासाङ र जीउँडो र सीचकुङ न्‍याय जाट्‍की राछ ख्रीष्‍ट येशूओ म्‍याहासाङ, अनी होसको राहार राज्‍य जाट्‍ले डेच कुराकी जोड याहार ङा नाकोकी कडा आज्ञा याल्‍हे,