19 पवित्र आत्माकी काम जाट्की मारोकडीनी।
“ए अट्टेरी भर्मीको, कठोर मीमन लेच र बहीरा मेन्केप लेचको, नाखुरीक सधैँ पवित्र आत्मौ विरोध जाट्ले। नाखुरीकुङ बोइ-बाज्युकै लेखा न नाखुरीकै जाट्ले।
परमेश्वर लकीङ राछ बचनकी हेला माजाट्नी।
नाकै डुप्च वरदानकी हीर काम मालक्डीच माआर्मीट्की, होसे वरदान मण्डलीयुङ अगुवाकै होखुरीकुङ मीहुट नाको मीटाक डार प्रार्थना जाट्नाङ अगमवाणी लकीङ नाकै डुप्च हो।
होटबाटै ङा नाकोकी फेरी आर्मीटाक्ले, ङै नाको मीटाक मीहुट डानाङ परमेश्वरै याछ वरदानकी नीये क्योट्चै नुङ्की।
