१ ठेसलोनीकी 5:15 - पुर्वीय मगर

¹⁵ नाखुरीकुङ मीघ्‍याङ सुयेर खराबी जाटा डेनाङ होच्‍यो बडला खराबी माजाट्‍नी, टर काटै काट्‍की र पट्‍ट भर्मीकोलाक भलाइ जाट्‍च मीमन जाट्‍नी।

१ ठेसलोनीकी 5:15 ပူးပေါင်းရင်းမြစ်များ

मत्ती 5:39

टर ङा नाखुरीककी डेले, दुष्‍ट भर्मीकी विरोध माजाट्‍नी। इडीक सुये नुओ डोर गालाङ हीर्‌कडीले, होसकी डेब्‍र्‌या गाला र ठोम्‍ह यान्‍ही।

लुका 6:35

“टर लहो शत्रुकोलाक प्रेम जाट्‍नी, होखुरीक्‍की भलाइ जाट्‍नी, रीन ङेछ कोलाक ल्‍हेट्‍च आसा माडाम रीन यान्‍ही। होट जाटा डेनाङ नाखुरीकै बाड्‍को इनाम डुप्‍ले होटै नाखुरीक सर्वोच्‍चओ मीजाको ठहरीस्‍ले, हीजैडेनाङ होसकै बैगुनी र स्‍वार्थी कोलाक कृपा जाट्‍ले।

प्रेरित 16:28

टर पावलै बाड्‍को सोरै डेया, “नाकै लाहाकी हीर हानी माजाट्‍नी, हीजैडेनाङ कान पट्‍ट न इला न ले!”

१ ठेसलोनीकी 2:12

नाखुरीकुङ चालचलन परमेश्‍वरकी जाक्‍ङ सेच छान्‍ख्‍यौ डेयार कानै उत्‍साह याल्‍हे र अर्ती याल्‍हे र पाहाक्‍ले। हीजैडेनाङ नाखुरीककी होसकुङ लहौ राज्‍य र महीमाङ आर्‌घाले।

१ ठेसलोनीकी 5:21

टर पट्‍ट न कुराकी जाँच्‍डीनी र कुसे कुरा सेछ ले होसकी बलीयो खाटा घोम डानी।

१ टीमोठी 6:11

टर तिमोथी, नाको परमेश्‍वरौ भर्मी छान्‍च बाटै, इसे मास्‍च कुराकोलकीङ लोस ङुनी। अनी नाकै परमेश्‍वरौ म्‍याहासाङ ठीक ठहरीस्‍च कुरा, भक्‍ति, विश्‍वास, माया, सहडीकी र नरम छान्‍च कुराकोवाङ लहो मीमन लैडीकी।

२ टीमोठी 2:24

प्रभुओ सेवा जाट्चकै झगडा जाट्‍की माछान्‍ले। होसे पट्‍ट खाटा खाट्‍च छान्‍की पर्‌ले अनी सेम्‍ह पाहाक्‍की य्‍होक्‍च र पट्‍ट न कुरा सहडीकी य्‍होक्‍च छान्‍की पर्‌ले।

टीटस 3:2

होखुरीकै सुओ बारेयाङ र दुष्‍ट कुरा माङाक्‍ख्‍यौ र योन्‍की-पुन्‍खी र मापाख्‍यौ। पट्‍ट न भर्मीकोखाटा खाट्‍न ङुख्‍यौ र सेछ बानी बेहोरा मट्‍टै टान्‍हाक्‍ख्‍यौ।

१ पट्‍रुस 1:22

अब नाखुरीकै सत्‍यकी पालना जाटार लहो मीमन शुद्ध पार्‌नने अनी विश्‍वासी डाजेभाइ र डै बहीनीकोलाक साँचो प्रेम जाट्‍नने। होटबाटै काटै काट्‍की भीत्री मीमन लकीङ न प्रेम जाट्‍नी।

१ पट्‍रुस 2:17

पट्‍ट न भर्मीकोलाक आदर जाट्‍नी। विश्‍वासी डाजेभाइको र डै बहीनीकोलाक माया जाट्‍नी। परमेश्‍वरखाटा बीर्‍हीनी, र राजाकी मान जाट्‍नी।

१ पट्‍रुस 3:9

सुयेर मासेछ जाटाडेनाङ होसकी नाखुरीकै बडला मालानी, सरापडीया डेनाङ र मासरापडीनी। टर होच्‍यौ सट्‍टा आसीस यान्‍ही हीजैडेनाङ इच्यौ लागी न नाखुरीककी परमेश्‍वरै आर्‌घाच हो, की नाखुरीकै आसीस डुप्‍की य्‍होक्‍नी।

३ युहन्‍ना 1:11

ङौ जाक्‍च लाफा, मास्‍च कुरा सुलकीङ र मालाकी, टर सेछ कुराको मट्‍टै लाकी। सुये सेछ काम जाट्‍ले, होसे परमेश्‍वरौ भर्मी हो, सुये मासेछ काम जाट्‍ले, होचे परमेश्‍वरकी माचीन्‍डीमने।