१ ठेसलोनीकी 5:12 - पुर्वीय मगर

¹² ङौ डाजेभाइको र डै बहीनीको, कान नाखुरीककी बिन्‍ती जाट्‍ले, नाखुरीकुङ मीघ्‍याङ मीमन लैडीयार प्रभुओ काम जाट्‍च र नाखुरीककी चेटावनी याछ अगुवाकोलाक आदर जाट्‍नी।

१ ठेसलोनीकी 5:12 ပူးပေါင်းရင်းမြစ်များ

लुका 10:7

होखुरीकै याछ ज्‍यामा गामा ज्‍यार होसे इमाङ न ङुनी। हीजैडेनाङ य्‍हामीये लहो ज्‍याला डुप्‍की ज्‍योस्‍ले टर इम-इम व्‍हाम माङुनी।

युहन्‍ना 4:38

ङै नाखुरीककी कुला बाली चेकी बीर्‌न्‍हका, होला नाखुरीकै मारोप्‍डीमने। अरुकै न होला रोप्‍डीया, अनी होखुरीकै जाट्‍च कामौ फल नाखुरीकै डुप्‍मने।”

प्रेरित 20:28

नाखुरीक लहो लागी र लहो पट्‍ट न बगालौ लागी होसीयार छान्‍नी। पवित्र आत्‍मै नाखुरीककी बगालौ जीम्‍मेवारी खास्‍चबाटै परमेश्‍वरै लहो न मीजौ य्‍हुये लोच मण्‍डलीकी नाखुरीकै सेम्‍ह ङोस्‍की।

प्रेरित 20:35

ङै पट्‍ट न कुराङ नाखुरीककी पाहाक्‍ङ ने, नाखुरीकै र इटजाट्‍न न मेहनट जाटार कमजोरी कोलाक सहायटा जाट्‍की पर्‌ले। प्रभु येशूओ बचन आर्मीट्‍नी, कुटजाट्‍न होसकै लहे न डेम ने, ‘लाकी डेनाङ याखी झन आसीस हो।’”

१ ठेसलोनीकी 2:9

ङौ डाजेभाइको र डै बहीनीको, कानै जाट्‍च मेहनत नाखुरीकै आर्‌मीट्‍नने। कानै नाखुरीक सुकीर भार मापर्‌ख्‍यौ डेम नाबीक नाम्‍सीन काम जाट्‍न नाखुरीककी परमेश्‍वरौ सेछ समाचार सेटाका।

१ ठेसलोनीकी 4:1

अन्‍टीमाङ ङौ डाजेभाइको र डै बहीनीको, नाखुरीकै परमेश्‍वरकी जाक्‍ङ सेच जीवन कुटजाट्‍न जीवाकी पर्‌ले डेच कुरा कान लकीङ पाम्‍ह य्‍होक्‍ने। होटबाटै होट न जाट्‍न न र ले। अब कान नाखुरीककी प्रभु येशूओ म्‍यार्‌मीनाङ बिन्‍ती जाट्‍ले की नाखुरीकुङ बानी ब्‍यहोराको झन सेछ छान्‍चै नुङ्‍ख्‍यो।

१ ठेसलोनीकी 5:14

डाजेभाइको र डै बहीनीको, कान नाखुरीककी बिन्‍ती जाट्‍ले अल्‍छीकोलाक काम जाट्‍की डेयार चेटावनी यान्‍ही। बीर्‍हीचकोलाक उत्‍साह यान्‍ही। कमजोरकोलाक सहायता जाट्‍नी र पट्‍टको खाटा सहनसील छानार ङुनी।

१ टीमोठी 5:1

लाहा डेनाङ बुढा भर्मीकोलाक माहक्‍कारीकी, टर आसकोकी लहो बोइकी लेखा न सम्‍झडीकी। अनी लाहा डेनाङ मार्‌जाकोखाटा लहो भाइकोलाक लेखा न जाटार व्‍यवहार जाट्‍की।

१ टीमोठी 5:20

टर पाप जाट्‍च अगुवाकोलाक चहीँ पट्‍टकुङ म्‍याहासाङ हक्‍कारीकी, होटजाटा डेनाङ मण्डलीयुङ अरु अगुवाको र बीर्‍हीले।

२ टीमोठी 2:6

परीसरम जाटार बाली लैडीचये न होसे स्‍याच बालीयो पहीलो भाग डुप्‍की पर्‌ले।

टीटस 1:3

अनी कानुङ मुक्‍ति याछ परमेश्‍वरौ आज्ञा अनुसार ङाकी जीम्‍मा याछ प्रचार लकीङ ठीक समयाङ होसकै लहो बचन टान्‍हाका।

टीटस 1:5

ङै नाकोकी केरेटाङ बाँकी लेच काम पुरा जाट्‌कीयो लागी डास्‍च हो। पट्‍ट न सहरुङ मन्‍डलीयाङ अगुवाको भाक्‍की र ङै अर्‍हडीच अनुसार काम जाट्‍की डेम नाकोकी होला डासा।

टीटस 2:15

नाकै पाहाक्‍नाङ पुरा अधिकारखाटा विश्‍वासीकोलाक उत्‍साह याखी र च्‍याक्‍च जाट्‍की। सुयेर नाकोकी हेला जाट्‍च मौका माडुप्‍ख्‍यौ।