१ ठेसलोनीकी 4:17 - पुर्वीय मगर

¹⁷ टब कान जीवाचको होखुरीक खाटा न प्रभुकी डेबुवाङ डुप्‍की सर्‌घाङ गाराङ्‍ङ आल्‍हे, अनी सधैँभरी कान प्रभुखाटा न ङुले।

१ ठेसलोनीकी 4:17 ပူးပေါင်းရင်းမြစ်များ

मत्ती 26:64

येशूये होसकी जवाफ याहा, “होसे च नाकै न डेकीक्‍योटा। र ङा नाकोकी डेले, अब छीटो न नाखुरीकै भर्मीयो मीजाकी सर्वशक्‍तिमान परमेश्‍वरौ डोर मीहुट पट्‍टी ङुच, र स्‍वर्ग लकीङ डेबुवाङ राछै जाट्‍च डाङ्‍ले।”

मर्कूस 14:62

येशूये डेया, “ङा न हो, अनी नाखुरीकै भर्मीयो मीजाकी सर्वशक्‍तिमानौ डोर मीहुट पट्‍टी ङुमङुच र सर्‌घाङ डेबुखाटा राछै जाट्‍च डाङ्‍ले।”

युहन्‍ना 12:26

सुये ङौ सेवा जाट्‍च मीमन जाट्‍ले होचे ङाकी डुट्‍की पर्‌ले, अनी ङा कुला छान्‍ले, ङौ सेवा जाट्‍च र होला न छान्‍ले। ङौ सेवा जाट्‍चकी ङौ बोये आदर जाट्‍ले।

युहन्‍ना 14:3

ङा नुङार नाखुरीकुङ लागी ठाउँ टयार खासार ङा फेरी ल्‍हेसार राल्‍हे र नाखुरीककी ङा लेच ठावाङ आल्‍ल्‍हे, होटै नाखुरीक र ङा खाटा न छान्‍ने।

युहन्‍ना 17:24

“ए बोइ, ङा मीमन जाट्‍ले, नाकै ङाकी याछ भर्मीको जटी ङा कुला छान्‍ले होला ङाखाटा न छान्‍ख्‍यौ, र ङौ महीमा होखुरीकै डाङ्‍ख्‍यौ, कुसे महीमा संसारौ सृष्‍टि छान्‍की डेनाङ अगाडी लकीङ न नाकै ङाकी माया जाट्‍च बाटै याम्‍हन्‍या।

प्रेरित 1:9

येशूये इसे कुरा डेम भ्‍यारखीङ होखुरीकै ङोस्‍नाङ-ङोस्‍नाङ न होसकोकी ढेम्‍लाक गाराङ्‍ङ आल्‍हा र डेबुवाङ होसको होखुरीकुङ मीमीकीङ म्‍हाटा।

प्रेरित 8:39

जब होखुरीक डीलकीङ बाहीर खेव्‍हा टब तुरुन्‍तै प्रभुओ आत्‍मै फीलीपकी घोवार आल्‍हा र नपुङ्‌सकै होसकी फेरी माडाङा। होटै होसे मार्‍हाङ्‍छै लाम लग्‍डीसा।

१ ठेसलोनीकी 3:13

कानुङ प्रभु येशू लहो पवित्र भर्मीको खाटा रान्‍हाङ कानुङ परमेश्‍वर बोयो म्‍याहासाङ नाखुरीकुङ रीदयकी पवित्र र निर्दोष खासार बलीयो खास्‍न याख्‍यौ।

१ ठेसलोनीकी 4:15

प्रभुओ बचन लकीङ कान नाखुरीककी इसे कुरा डेले। प्रभु राछ डीनसम्‍म कान जीवाम ङुचकै होसे सीम भ्‍याचकोलाक कुसे कीसीमै र रीट्‍की माय्‍होक्‍ले।

१ ठेसलोनीकी 4:18

होटबाटै इसे बचनको लकीङ काटै काट्‍की उत्‍साह यान्‍ही।

१ ठेसलोनीकी 5:10

होसको कानुङ सट्‍ठाङ सीया, होटबाटै कान सीनाङ र जीवाम ङुनाङ र होसको रान्‍हाङ कान चहीँ होसको खाटा न जीवाकी य्‍होक्‍ले।

२ पट्‍रुस 3:13

टर काल्‍हौ परमेश्‍वरै प्रतिज्ञा जाट्‍च नयाँ स्‍वर्ग र नयाँ पृथ्‍वीयो लाम ङोस्‍ले। होला लेच पट्‍ट न भर्मीकै ही ठीक हो होसे मट्‍टै जाट्‍ले।