१ ठेसलोनीकी 4:16 - पुर्वीय मगर

¹⁶ हीजैडेनाङ होसनीक प्रभु सोयम मेखोला न आग्‍यौ बाड्‍को सोर खाटा, प्रधान स्‍वर्गदूतौ सोर र परमेश्‍वरौ टुरही म्‍हुट्‍च बेलाङ प्रभु स्‍वर्ग लकीङ राल्‍हे र होडीक न बेला ख्रीष्‍टकी विश्‍वास जाटार सीचको पट्‍ट डेनाङ पहीला जीवाम सोले।

१ ठेसलोनीकी 4:16 ပူးပေါင်းရင်းမြစ်များ

मत्ती 16:27

हीजैडेनाङ भर्मीयो मीजा लहो बोयो महीमाङ लहो स्‍वर्गदूतको खाटा राल्‍हे, अनी होडीक बेला होसकै काट-काट भर्मीकी होचे जाट्‍च काम अनुसार जाट्‍ले।

मत्ती 16:28

साँच्‍ची न, ङा नाखुरीककी डेले, इला टोङ्‍छको मध्‍याङ कुडीक जनै भर्मीयो मीजाकी लहो राज्‍याङ राम्‍हन लेच माडाङ्‍ठर मासीले।”

मत्ती 25:31

“जब भर्मीयो मीजा होसकुङ पट्‍ट न स्‍वर्गदूतखाटा लहो महीमाङ राल्‍हे, टब होसको लहो महीमामय सिंहासनाङ ङुले।

मत्ती 26:64

येशूये होसकी जवाफ याहा, “होसे च नाकै न डेकीक्‍योटा। र ङा नाकोकी डेले, अब छीटो न नाखुरीकै भर्मीयो मीजाकी सर्वशक्‍तिमान परमेश्‍वरौ डोर मीहुट पट्‍टी ङुच, र स्‍वर्ग लकीङ डेबुवाङ राछै जाट्‍च डाङ्‍ले।”

प्रेरित 1:11

होखुरीकै डेया, “ए गालीलुङ भर्मीको, नाखुरीक हीजै सर्‌घालाक ङोस्‍चै टोङ्‍ह ङुच? कुटजाट्‍न चाहाँ येशू नाखुरीकुङ मीघीङ स्‍वर्गाङ गाराङ्‍ङ आल्‍छ डाङा, होटजाट्‍न न होसको फेरी राल्‍हे।”

१ ठेसलोनीकी 1:10

होखुरीकै डेया नाखुरीक परमेश्‍वरौ मीजा येशू स्‍वर्ग लकीङ राल्‍हे डेयार लेन्‍न ङुमने। होसको परमेश्‍वरै सीच लकीङ जीवाटाक्‍च येशू हो। कान मीटाक राखी पाच परमेश्‍वरौ मीरीस लकीङ जीवाटाक्‍च र होसको न हो।

१ ठेसलोनीकी 3:11

अब कानुङ परमेश्‍वर बोइ मेखोलै र प्रभु येशूये नाखुरीक लेठाङ राखी कानुङ लागी लाम खोलीम याख्‍यौ।

२ ठेसलोनीकी 1:7

अनी डुख सहडीच नाखुरीक र कानकी होसकै आराम याल्‍हे। इसे कुरा होडीक बेला छान्‍ले, जब प्रभु येशू लहो शक्‍तिसाली स्‍वर्गदूतको खाटा स्‍वर्गलकीङ म्‍हेओ ज्‍वालाङ राल्‍हे।

२ ठेसलोनीकी 2:1

ङौ डाजेभाइको र डै बहीनीको, कानुङ प्रभु येशू ख्रीष्‍ट फेरी राल्‍हे डेच बारेयाङ अनी होसकोकी डुप्‍की कान काठोहाङ भेला छान्‍ले डेच बारेयाङ नाखुरीककी डेले,

२ पट्‍रुस 3:10

टर प्रभुये न्‍याय जाट्च डीन च होसको खुस लेखा न मोसोमायाङ राल्‍हे। होसनीक सर्‌घा बाड्‍को आवाजाङ गर्‌जडीसार म्‍हाट्‍ले र सर्‌घाङ लेच नाखान, ग्‍याहोट, टुगाको पट्‍ट न सीकार भस्‍म छान्‍ले। पृथ्‍वी र पृथ्‍वीयाङ लेच पट्‍ट न कुराको नास छान्‍ले।

यहुडा 1:9

टर मुख्‍य स्‍वर्गदूत मीखाएलै र मोशौ लासौ बारेयाङ शैतानखाटा विवाद जाट्‍नाङ होसकी मास्‍च दोष लैडीच साहस माजाटा “प्रभुये नाङ्‍की हप्‍कडीख्‍यौ” मट्‍टै डेया।