१ ठेसलोनीकी 4:13 - पुर्वीय मगर

¹³ ङौ डाजेभाइको र डै बहीनीको, सीम भ्‍याच विश्‍वासीकुङ बारेयाङ कान नाखुरीककी डेले, टा की अरु आशा मालेच भर्मीकै लेखा नाखुरीकै होखुरीकुङ लागी शोक माजाट्‍नी।

१ ठेसलोनीकी 4:13 ပူးပေါင်းရင်းမြစ်များ

मत्ती 27:52

चीहानको उघारीसा र सीम भ्‍याच वास्‍टै परमेश्‍वरौ पवित्र भर्मीको सीच लकीङ जीवाम सोवा।

युहन्‍ना 11:24

मार्‌ठै येशूकी डेया, “ङा वार्‌ल्‍हे, अन्‍टीम डीनाङ सीचको जीवाम सोनाङ ङौ भाइ र फेरी जीवाम सोले।”

प्रेरित 13:36

“दाउदै लहे न इसे बारेयाङ माडेया, हीजैडेनाङ आसकै चहीँ लोहो पुस्‍ताङ जीवन भरी परमेश्‍वरौ योजना अनुसार सेवा जाटा, र होसे सीरखीङ मेन बोइ-बाज्‍युकोखाटा ठाका र होच्‍यौ शरीर घेरेला।

प्रेरित 7:60

अनी होचे घुँडा टुसार बाड्‍को सोरै च्‍याकार डेया, “ए प्रभु, इसे पापौ दोष इखुरीककी मालक्‍डीसख्‍यौ।” इट डेयार होचे प्राण डासा।

प्रेरित 8:2

अनी प्रभुओ भक्‍तजनकै स्‍तिफनसकी आल्‍हार ठाका र होच्‍यौ लागी बाड्‍को बीलाप जाटा।

१ ठेसलोनीकी 4:14

हीजैडेनाङ येशू सीयार जीवाम सोमने डेच कुराङ कान विश्‍वास जाट्‍ले। होटजाट्‍न न येशूवाङ विश्‍वास जाटार सीचकोलाक परमेश्‍वरै होखुरीककी सीच लकीङ जीवाटाक्‍ले टा की होखुरीक येशू खाटा छान्‍ख्‍यो।

१ ठेसलोनीकी 4:15

प्रभुओ बचन लकीङ कान नाखुरीककी इसे कुरा डेले। प्रभु राछ डीनसम्‍म कान जीवाम ङुचकै होसे सीम भ्‍याचकोलाक कुसे कीसीमै र रीट्‍की माय्‍होक्‍ले।

१ ठेसलोनीकी 5:10

होसको कानुङ सट्‍ठाङ सीया, होटबाटै कान सीनाङ र जीवाम ङुनाङ र होसको रान्‍हाङ कान चहीँ होसको खाटा न जीवाकी य्‍होक्‍ले।

१ ठेसलोनीकी 5:6

होटबाटै अरुको लेखा कान मामीसीङ, टर झेर्‌न ङुइङ, र आत्‍माङ स्‍थिर छानीङ।

२ पट्‍रुस 3:4

अनी डेले, “ख्रीष्‍टै राल्‍हे डेयार प्रतिज्ञा जाट्‍च होइन? खोइ कुला नुङा? कानुङ खायाकुङ ख्रीष्‍टीयन अगुवाको सीयार नुङा, टर संसारौ सृष्‍टि छान्‍च लकीङ छान्‍न राछ कुराको चाहाँसम्‍म र लेमैले।”

२ पट्‍रुस 3:8

टर ङौ विश्‍वासी डाजेभाइको र डै बहीनीको, इसे काट कुरा माम्‍य्‍हाक्‍नी। प्रभुओ लागी कायाक हजार वर्ष लेखा र हजार वर्ष कायाक लेखा न हो।