१ ठेसलोनीकी 3:6 - पुर्वीय मगर

⁶ टर तिमोथी चाम-चाम नाखुरीककी डुपार कान लेठाङ टार्‍हा र नाखुरीकुङ विश्‍वास र मायौ सेछ समाचार कानकी सेटाका। नाखुरीकै कानकी डुप्‍की साप्‍फी इच्‍छा जाटार सधैँ माया खाटा कानकी आर्‌मीट्‍ले डेच होचे खबर सेटाका। कानै र नाखुरीककी डुप्‍च होडीक न इच्‍छा जाट्‍नने।

१ ठेसलोनीकी 3:6 ပူးပေါင်းရင်းမြစ်များ

प्रेरित 16:1

पावल डर्बी सहर छान्‍चै लुस्‍त्रा सहराङ टाराहा। होला तिमोथी म्‍यार्‌मीन जाट्‍च काट जना विश्‍वासी ङुमन्‍या। होसे काट जना विश्‍वासी यहूदी मास्‍टौ लेन्‍जा मीजा लेया टर होच्‍यौ बोइ चहीँ ग्रीक लेया।

प्रेरित 18:1

होटै न्‍हुइङ पावल एथेन्‍स सहरीङ बिदा छानार कोरिन्‍थी सहराङ नुङा।

प्रेरित 18:5

जब सीलास र तिमोथी माकेडोनीया लकीङ राहा टब पावल बचन प्रचारौ कामाङ पुरा लग्‍डीसा। होचे यहूदीकोलाक येशू न मुक्‍ति याछ ख्रीष्‍ट हो डेम साक्षी याहा।

१ ठेसलोनीकी 1:3

कानुङ परमेश्‍वर बोयो म्‍याहासाङ नाखुरीकुङ विश्‍वासलकीङ जाट्‍च काम, प्रेमै जाट्‍च मेहनट र कानुङ प्रभु येशू ख्रीष्‍टाङ डाच आशौ सहनसीलटा कान आर्‌मीट्‍न न ङुले।

१ ठेसलोनीकी 2:17

ङौ डाजेभाइको र डै बहीनीको, नाखुरीक खाटा भार काटछीन डाङ्‍की माढीन्‍नाङ र मीमन-बीचाराङ चहीँ माभामन्‍या। कानै नाखुरीककी फेरी डुप्‍च बाड्‍को इच्‍छा जाट्‍नन्‍या।

१ ठेसलोनीकी 2:9

ङौ डाजेभाइको र डै बहीनीको, कानै जाट्‍च मेहनत नाखुरीकै आर्‌मीट्‍नने। कानै नाखुरीक सुकीर भार मापर्‌ख्‍यौ डेम नाबीक नाम्‍सीन काम जाट्‍न नाखुरीककी परमेश्‍वरौ सेछ समाचार सेटाका।

१ ठेसलोनीकी 3:7

होटबाटै ङौ डाजेभाइको र डै बहीनीको, नाखुरीकुङ बलीयो विश्‍वासौ खबर सेयार कानुङ पट्‍ट न डुख र नीरासौ बेलाङ र कानकी खुसी सेमने।

२ ठेसलोनीकी 1:3

डाजेभाइको र डै बहीनीको, नाखुरीकुङ विश्‍वास वास्‍टै ल्‍होङ्‍ङ न ले। नाखुरीकै जाट्‍की पर्च माया र नाखुरीकुङ मीघ्‍याङ झन-झन ल्‍होङ्‍ने। कानै परमेश्‍वरकी नाखुरीकुङ बारेयाङ सधैँ धन्‍यवाद याखी न पर्‌ले।

१ टीमोठी 1:5

कानै याछ इसे शिक्षौ उदेश्‍य प्रेम हो, होसे चोखो मीमन, सेछ बीबेक र साँचो विश्‍वासलकीङ राल्‍हे।

२ टीमोठी 1:3

ङौ शुद्ध बीबेकखाटा ङा ङौ बोइ बाज्‍युकै जाट्‍नाङ लेखा न परमेश्‍वरौ सेवा जाट्‍ले। नाबीक नाम्‍सीन ङौ प्रार्थनाङ ङा नाकोकी आर्‌मीट्‍ले। ङौ प्रार्थनाङ ङा नाकुङ लागी परमेश्‍वरकी धन्‍यवाद याल्‍हे।

१ युहन्‍ना 3:23

होसकुङ आज्ञा चहीँ परमेश्‍वरौ मीजा येशू ख्रीष्‍टौ म्‍यार्‌मीनाङ विश्‍वास जाट्‍की र ख्रीष्‍टै याछ आज्ञा अनुसार काटै काट्‍की प्रेम जाट्‍की न हो।