१ ठेसलोनीकी 3:4 - पुर्वीय मगर

⁴ हीजैडेनाङ कानै नाखुरीकखाटा लेच बेलाङ अघीलकीङ न याङ्‍च कष्‍टको राल्‍हे। साँच्‍ची न होङ्‍च न छानार इसे कुरा नाखुरीककी ठाहा ले।

१ ठेसलोनीकी 3:4 ပူးပေါင်းရင်းမြစ်များ

मत्ती 24:25

“ङोस्‍नी, ङै नाखुरीककी इसे कुरा अघीलकीङ न डेम याम्‍हने।

प्रेरित 17:1

पावल र सीलास अम्‍फीपोलीस र अपोल्‍लोनीयो सहरौ लाम छान्‍चै ठेसलोनीके सहराङ टाहा। होला यहूदीकुङ काट सभाङुच इम लेया।

प्रेरित 17:13

बेरीयाङ र परमेश्‍वरौ बचन पावलै प्रचार जाट्‍न न ले डेच कुरा ठेसलोनीकेयुङ यहूदीकै थाहा डीन्‍हा। अनी होखुरीक होला र भर्मीकोलाक गाराङ्‍की र सुरडीकी टाराहा।

प्रेरित 20:24

टर ङा ङाल्‍हौ जीवनकी हीर मोलौ र लहो लागी प्रिय माठान्‍डीले। इडीक मट्‍टै ङा मीमन जाट्‍ले, की प्रभु येशूलकीङ डुप्‍च सेवकाइ ङा पुरा जाट्‍की य्‍होकीङ। होसे चहीँ परमेश्‍वरौ अनुग्रहौ सेछ समचार टाहाक्‍की हो।

१ ठेसलोनीकी 2:14

ङौ डाजेभाइको र डै बहीनीको, नाखुरीक र ख्रीष्‍ट येशूकी विश्‍वास जाट्‍च यहूदियाङ लेच परमेश्‍वरौ मण्‍डलीको लेखा न छान्‍नने। हीजैडेनाङ यहूदीयुङ मण्‍डलीकै यहूदीको लकीङ न डुख भोग्‍डीया र होटजाट्‍न न नाखुरीकै र लहो न जाटीको लकीङ डुख भोग्‍डीया।

१ ठेसलोनीकी 2:2

होला राखी डेनाङ अगाडी लकीङ न फीलीप्‍पी सहरुङ भर्मीकै कानकी डुख याहा र बेइजट जाटा डेच कुरा र नाखुरीककी ठाहा न ले। टर वास्‍टै विरोधीको लेनाङ र परमेश्‍वरै कानकी साहस याछ बाटै नाखुरीककी कानै परमेश्‍वरौ सेछ समाचार सेटाक्‍की य्‍होका।

२ ठेसलोनीकी 2:5

ही नाखुरीकै माआर्‌मीट्‍ने, ङा नाखुरीक खाटा काठोहाङ लेनाङ ङै इसे पट्‍ट न कुराको च नाखुरीककी डेमन्‍या, होइन र?

२ ठेसलोनीकी 3:10

नाखुरीक खाटा लेनाङ न कानै नाखुरीककी डेमन्‍या, “इडीक सुयेर काम माजाट्‍ले डेनाङ होचे माज्‍याख्‍यौ।”