१ ठेसलोनीकी 3:12 - पुर्वीय मगर

¹² कानै नाखुरीककी माया जाट्‍नाङ लेखा न प्रभुये नाखुरीकुङ मीघ्‍याङ र काटै काट्‍की र पट्‍ट न भर्मीको खाटा झन-झन माया जाट्‍चै नुङ्‍ख्‍यौ।

१ ठेसलोनीकी 3:12 ပူးပေါင်းရင်းမြစ်များ

मत्ती 22:39

डोस्‍रो र होङ्‍च न हो, ‘नाखुरीकै लहो छीमेकीकी लाहाकी लेखा न माया जाट्‍नी।’

मत्ती 7:12

“भर्मीकै नाखुरीक खाटा कुङ्‍च व्‍यवहार जाट्‍ख्‍यौ डेच नाखुरीक मीमन जाट्‍ले, नाखुरीकै र होखुरीक खाटा होङ्‍च न व्‍यवहार जाट्‍नी। हीजैडेनाङ मोसौ व्‍यवस्‍थाङ र अगमवक्‍ताकै याछ मुख्‍य शिक्षाको इसे न हो।

लुका 17:5

होटै प्रेरितकै येशूकी डेया, “प्रभु, कानुङ विश्‍वास बड्‍डीम यान्‍ही!”

१ ठेसलोनीकी 2:8

साँच्‍ची न नाखुरीककी कानै माया जाट्‍नने। नाखुरीकुङ इडीक वास्‍टै माया लक्‍डीस्‍ले की परमेश्‍वरौ सेछ समाचार सेटाक्‍की मट्‍टै होइन, कानुङ जीवन न याखी समेट टयार छानन्‍या।

१ ठेसलोनीकी 4:1

अन्‍टीमाङ ङौ डाजेभाइको र डै बहीनीको, नाखुरीकै परमेश्‍वरकी जाक्‍ङ सेच जीवन कुटजाट्‍न जीवाकी पर्‌ले डेच कुरा कान लकीङ पाम्‍ह य्‍होक्‍ने। होटबाटै होट न जाट्‍न न र ले। अब कान नाखुरीककी प्रभु येशूओ म्‍यार्‌मीनाङ बिन्‍ती जाट्‍ले की नाखुरीकुङ बानी ब्‍यहोराको झन सेछ छान्‍चै नुङ्‍ख्‍यो।

१ ठेसलोनीकी 5:15

नाखुरीकुङ मीघ्‍याङ सुयेर खराबी जाटा डेनाङ होच्‍यो बडला खराबी माजाट्‍नी, टर काटै काट्‍की र पट्‍ट भर्मीकोलाक भलाइ जाट्‍च मीमन जाट्‍नी।

२ ठेसलोनीकी 1:3

डाजेभाइको र डै बहीनीको, नाखुरीकुङ विश्‍वास वास्‍टै ल्‍होङ्‍ङ न ले। नाखुरीकै जाट्‍की पर्च माया र नाखुरीकुङ मीघ्‍याङ झन-झन ल्‍होङ्‍ने। कानै परमेश्‍वरकी नाखुरीकुङ बारेयाङ सधैँ धन्‍यवाद याखी न पर्‌ले।

याकुब 1:17

पट्‍ट न सेछ र सिद्ध वरदान ढेनाम स्‍वर्ग लकीङ राल्‍हे। इसे वरदान सर्‌घाङ ज्‍योटीको खास्‍च परमेश्‍वर बोइ लकीङ राल्‍हे। होसको फेरीस्‍न ङुच छायाँ लेखा सेन्‍र माफेरीस्‍ले।

२ पट्‍रुस 1:7

भक्‍टीयाङ विश्‍वासी डाजेभाइकुङ दया र दयाङ पट्‍टकी जाट्‍च प्रेम फाट्‍नी।

२ पट्‍रुस 3:18

टर कानुङ प्रभु र मुक्‍ति याछ येशू ख्रीष्‍टौ अनुग्रह र ज्ञानाङ ल्‍होङ्‍चै नुङ्‍नी। चाहाँ र सधैँभरी होसकुङ न महीमा छान्‍ख्‍यौ। आमेन!